న్యూఢిల్లీ, ఏప్రిల్ 1: రాష్ట్ర విభజన చట్టం 9, 10 షెడ్యూలులోని ఉమ్మడి సంస్థల పంపకాల విషయంలో కేంద్రం చేతులెత్తేసింది. తెలంగాణ, ఆంధ్ర రాష్ట్రాలు పరస్పర చర్చల ద్వారానే రెండు షెడ్యూళ్లలోని సంస్థలను విభజించుకోవాలని కేంద్ర హోంశాఖ అదనపు కార్యదర్శి దిలీప్‌కుమార్ హితవు చెప్పి తప్పించుకున్నారు.

దిల్లీ: విమానాన్ని నడిపేందుకు నిరాకరించిన ఓ కమాండర్‌ను ఎయిర్ ఇండియా సంస్థ విధుల నుంచి సస్పెండ్ చేసింది. ముంబయి-్భపాల్ మధ్య కొత్త సర్వీస్‌ను ఎయిర్ ఇండియా సంస్థ శుక్రవారం ప్రారంభించింది. తొలి సర్వీస్‌ను నడిపేందుకు ఓ సీనియర్ కమాండర్‌ను ఇదివరకే అధికారులు ఎంపిక చేశారు. అయితే, విమానం నడిపేందుకు తాను సుముఖంగా లేనని చివరి నిమిషంలో ఆ కమాండర్ చెప్పడం వివాదాస్పదమైంది.

హైదరాబాద్: కోల్‌కతలో ఫ్లయ్ ఓవర్ కుప్పకూలిపోవడం అన్నది కేవలం ప్రమాదమేనని, ఇందులో తమ సంస్థ నిర్లక్ష్యం ఏమీ లేదని ఐవిఆర్‌ఎల్‌సి కంపెనీ ప్రతినిధులు శుక్రవారం ఇక్కడ మీడియాతో చెప్పారు. కోల్‌కతలో ఫ్లయ్ ఓవర్ కుప్పకూలిన దుర్ఘటనలో 25 మంది ప్రాణాలు కోల్పోవడం దురదృష్టకరమని వారు అన్నారు. ఆ ఫ్లయ్ ఓవర్‌లో 59 పిల్లర్లకు ఎలాంటి సామగ్రి వాడామో 60వ పిల్లర్‌ను కూడా అంతే జాగ్రత్తగా నిర్మించామన్నారు.

కోల్‌కత: కోల్‌కత నగరంలో ఫ్లయ్‌ఓవర్ కుప్పకూలిన ఘటనలో నిర్మాణ సంస్థ ప్రతినిధులను అరెస్టు చేసేందుకు రంగం సిద్ధమైంది. హైదరాబాద్‌కు చెందిన ఐవిఆర్‌ఎల్‌సి సంస్థ ఈ ఫ్లయ్‌ఓవర్ నిర్మాణాన్ని చేపట్టింది. ఈ నిర్మాణం ఆకస్మికంగా కూలిపోవడంతో 25 మరణించగా, సుమారు వందమంది గాయపడ్డారు. పశ్చిమ బెంగాల్ ముఖ్యమంత్రి మమతా బెనర్జీ సంఘటన స్థలాన్ని సందర్శించి తీవ్ర ఆగ్రహం వ్యక్తం చేశారు.