న్యూఢిల్లీ: పెట్రోలు, డీజిలు ధరలు మరోసారి పెరిగాయి. పెట్రోలు ధర లీటరుకు 3 రూపాయల 7 పైసలు, డీజిలు ధర రూపాయి 90 పైసలు పెంచుతున్నట్లు చమురు మార్కెటింగ్ కంపెనీలు బుధవారం ప్రకటించాయి. రాష్ట్ర సుంకాలతో కలుపుకొని కొత్త ధరలు బుధవారం అర్ధరాత్రినుంచి అమలులోకి వస్తాయని దేశంలో అతి పెద్ద చమురు మార్కెటింగ్ సంస్థ అయిన ఇండియన్ ఆయిల్ కార్పొరేషన్ తెలిపింది.

న్యూఢిల్లీ: ఆంధ్రప్రదేశ్‌కు ప్రత్యేక హోదా కోసం ఢిల్లీలో కాంగ్రెస్ గళమెత్తింది. ప్రత్యేక హోదా విషయంలో కేంద్రంలోని ఎన్‌డిఏ ప్రభుత్వం అనుసరిస్తున్న తీరుకు నిరసనగా ఢిల్లీలోని ఆంధ్రభవన్ వద్ద పిసిసి అధ్యక్షుడు రఘువీరారెడ్డి నాయకత్వాన కాంగ్రెస్ బృందం ఆందోళన చేపట్టింది.

ముంబయి:‘భరత్ మాతాకీ జై’ అని నినదించనన్న ఎంఐఎం శాసనసభ్యుడు వారిస్ పఠాన్‌ను ఈ సమావేశాలు ముగిసేవరకు శాసనసభనుంచి బహిష్కరించారు. ఈ నిర్ణయానికి అధికారపక్షానికి బాసటగా విపక్షం నిలిచింది. కాగా దీనిపై స్పందించిన పఠాన్ అవసరమైతే తాను ‘హిందుస్తాన్ జిందాబాద్’ అని అంటానుగానీ భారత్‌మాతాకీ జై అని మాత్రం అనేదిలేదని స్పష్టం చేశాడు.

న్యూఢిల్లీ: విద్యా సంస్థల్లో దేశభక్తి, సహనశీలత వంటి ఉన్నత భావనలను బలంగా పాదుగొల్పాల్సిన అవసరం ఎంతో ఉందని రాష్టప్రతి ప్రణబ్ ముఖర్జీ పిలుపునిచ్చారు. కొన్ని యూనివర్సిటీల్లో జాతి వ్యతిరేక నినాదాలు చేశారన్న వివాదాల నేపథ్యంలో రాష్టప్రతి ఇచ్చిన పిలుపునకు మరింత ప్రాధాన్యత ఏర్పడింది. విద్యార్థుల్లో నిజాయితీ, మహిళల పట్ల గౌరవ భావనలను పెంపొందించాల్సిన అగత్యం కూడా ఎంతో ఉందని రాష్టప్రతి ఉద్ఘాటించారు.