దిల్లీ: దేశద్రోహం కేసులో నిందితుడైన జెఎన్‌యు విద్యార్థి సంఘం నేత కన్నయ్యకుమార్‌ను ఈ నెల 15న నగరంలోని పటియాలా హౌస్ కోర్టుకు తీసుకువచ్చినపుడు జరిగిన దాడి ఘటనపై నివేదిక ఇవ్వాలని కేంద్రాన్ని సుప్రీం కోర్టు శుక్రవారం ఆదేశించింది. ఈ ఘటనకు సంబంధించి ముగ్గురు లాయర్లకు కూడా నోటీసులు ఇచ్చింది. కన్నయ్యకుమార్‌ను కోర్టుకు తెచ్చినపుడు లాయర్లకు, విద్యార్థులకు ఘర్షణ జరిగిన సంగతి తెలిసిందే.

దిల్లీ: ఆర్థిక మంత్రి అరుణ్ జైట్లీ ఆర్థిక సర్వే నివేదికను నేడు లోక్‌సభలో ప్రవేశపెట్టనున్నారు. ఏటా బడ్టెట్ ముందు ఆర్థిక సర్వే నివేదికను పార్లమెంటుకు సమర్పించటం ఆనవాయితీగా వస్తోంది. ఆ సర్వే ఆధారంగానే బడ్జెట్ ప్రతిపాదనలు రూపొందిస్తారు.

న్యూఢిల్లీ: ముస్లిం మైనార్టీలకు మత ప్రాతిపదికన కాకుండా వెనుకబాటుతనం ఆధారంగానే రిజర్వేషన్లు కల్పించాలని సుప్రీంకోర్టులో వాదనలు వినిపిస్తామని రాష్ట్ర సమాచారశాఖ మంత్రి పల్లె రఘునాథరెడ్డి చెప్పారు.

ఇటానగర్: అరుణాచల్‌ప్రదేశ్ కొత్త ముఖ్యమంత్రి కలిఖో పుల్ గురువారం శాసనసభలో తనకు ఉన్న బలాన్ని నిరూపించుకున్నారు. 40 మంది ఎమ్మెల్యేలు ఆయనకు మద్దతిచ్చారు. ఇందులో 27 మంది కాంగ్రెస్ పార్టీకి, 11 మంది బిజెపికి చెందిన వారు కాగా, మరో ఇద్దరు స్వతంత్రులు. మాజీ ముఖ్యమంత్రి నబమ్ టుకీ శిబిరంనుంచి బుధవారం కలిఖో శిబిరంలోకి చేరిన తొమ్మిది మంది కాంగ్రెస్ ఎమ్మెల్యేలు కలిఖోకు ఓటు వేశారు.