న్యూదిల్లీ: జెఎన్‌యులో జాతివ్యతిరేక వ్యాఖ్యలు చేయడం, ఉగ్రవాది అఫ్జల్‌గురు అనుకూల కార్యక్రమాలు చేపట్టడాన్ని నిరసిస్తూ వేలాదిమంది ఆదివారంనాడు న్యూదిల్లీలో భారీ ర్యాలీ నిర్వహించారు. జెఎన్‌యు విద్యార్థిసంఘం నాయకుడు కన్నయ్య, అతడి మద్దతుదార్లకు వ్యతిరేకంగా వీరు నినాదాలు చేశారు. రాజ్‌ఘాట్‌నుంచి జంతర్‌మంతర్‌వరకు సాగిన ఈ ర్యాలీలో దాదాపు 25వేలమంది పాల్గొన్నట్లు పోలీసులు పేర్కొన్నారు

శ్రీనగర్: ఇక్కడి ప్యాంపోర్ ప్రాంతంలో ఓ ప్రభుత్వ భవనం వద్ద సైనికులు, ఉగ్రవాదుల ఎదురుకాల్పుల్లో ఆదివారం మరో జవాను మృతి చెందాడు. శనివారం ఇరువర్గాల మధ్య ఎదురుకాల్పులు ప్రారంభం కాగా నలుగురు జవాన్లు మరణించారు. భవనంలో దాక్కున్న ఉగ్రవాదులను అంతం చేసేందుకు పోలీసులు అక్కడ ఉంటూ కాల్పులు జరుపుతున్నారు.

న్యూదిల్లి:ఒబిసి రిజర్వేషన్లలో చోటు కల్పించాలని కోరుతూ జాట్‌లు చేపట్టిన హింసాత్మక ఆందోళన ఎనిమిదవరోజు (ఆదివారం) ఉద్రిక్త పరిస్థితుల్లో కొనసాగుతోంది. సైన్యం పహారా, కర్ఫ్యూ విధించినప్పటికీ ఆందోళనకారులు విచ్చలవిడిగా విధ్వంసానికి పాల్పడుతున్నారు. ఆందోళనకారుల పేరుతో అల్లరిమూకలు దీనికి పాల్పడుతున్నట్లు తెలుస్తోంది. కాగా విధ్వంసకాండతో రోహ్‌తక్ పట్టణం పూర్తిగా దెబ్బతింది.

న్యూదిల్లి:ఒబిసిలుగా రిజర్వేషన్ కల్పించాలని కోరుతూ జాట్ కులస్థులు చేపట్టిన ఆందోళన వరుసగా ఏడోరోజూ కొనసాగుతోంది. హర్యానాలోని రోహ్‌తక్ సహా ఎనిమిది జిల్లాల్లో పరిస్తితి అట్టుడుకుతోంది. ఎక్కడికక్కడ రైళ్లు, ఇతర రవాణా సౌకర్యాలు స్తంభించిపోవడంతో ప్రజలు తీవ్ర అసౌకర్యానికి గురవుతున్నారు. ఇప్పటివరకు జరిగిన అల్లర్లు, కాల్పుల్లో ఎనిమిది మరణించారు. దాదాపు 700 రైళ్లు రద్దయ్యాయి.