న్యూఢిల్లీ: హైదరాబాద్ సెంట్రల్ వర్శిటీ పరిశోధక విద్యార్థి రోహిత్ వేముల ఆత్మహత్య, జెఎన్‌యు వర్శిటీ గొడవలపై చర్చ జరగాలన్న కాంగ్రెస్ సూచనకు ప్రధాని నరేంద్ర మోదీ అంగీకరించారని పార్లమెంటరీ వ్యవహారాల మంత్రి వెంకయ్యనాయుడు గుర్తు చేశారు. పార్లమెంటులో చర్చలు వాడిగా వేడిగా జరిగినా ఫరవాలేదుకానీ, స్థాయికి తగ్గిన విమర్శలు చేయకూడదని సూచించారు.

న్యూఢిల్లీ: రెండు రాష్ట్రాల శాసనసభల సీట్ల సంఖ్యను పెంచేందుకు ఆంధ్రప్రదేశ్ విభజన చట్టాన్ని సవరించేందుకు కేంద్ర ప్రభుత్వం పావులు కదుపుతోంది. అయితే ఇందుకు సంబంధించిన సవరణ బిల్లు పార్లమెంటు బడ్జెట్ సమావేశాల్లో రాకపోచ్చునని అంటున్నారు. రెండు తెలుగు రాష్ట్రాల శాసన సభల పదవీ కాలం 2019 వరకు ఉన్నందున అప్పటిలోగా సీట్ల సంఖ్యను పెంచేందుకు అవసరమైన చర్యలు తీసుకోవచ్చునని ఎన్‌డిఏ ప్రభుత్వం భావిస్తోంది.

న్యూఢిల్లీ: కేంద్ర పథకం అమృత్ కింద ఉభయ తెలుగు రాష్ట్రాల్లో 45 నగరాల అభివృద్ధికి వచ్చే ఐదేళ్లలో 37వేల 58 కోట్లు కేటాయించినట్టు కేంద్ర పట్టణాభివృద్ధి మంత్రి వెంకయ్యనాయుడు తెలిపారు. కేంద్రం అందరికీ ఇళ్లు పథకం కింద మంజూరు చేసిన 4లక్షల 75వేల ఇళ్లలో దాదాపు సగభాగాన్ని తెలుగు రాష్ట్రాలకే కేటాయించినట్టు బుధవారం మీడియాతో మాట్లాడుతూ వెల్లడించారు.

న్యూదిల్లి:జెఎన్‌యులో జాతివ్యతిరేక వ్యాఖ్యలేవీ తాను చేయలేదని, కొందరు వ్యక్తులు చేసిన నినాదాలు దురదృష్టకరమని జాతివ్యతిరేక వ్యాఖ్యల కేసులో నిందితుడు కన్నయ్యకుమార్ పేర్కొన్నాడు. బెయిల్ పిటిషన్ విచారణ సందర్భంగా కన్నయ్య కోర్టుకు వచ్చినపుడు రెండోసారి దాడి జరిగిన విషయం తెలిసిందే. కాగా ఈ దాడికి పాల్పడిన న్యాయవాదిని గుర్తించిన కన్నయ్య జెఎన్‌యులో జరిగిన వివాదంపై వ్యాఖ్యానించాడు.