న్యూఢిల్లీ: పార్లమెంటు బడ్జెట్ సమావేశాల్లో విపక్షాలు లేవనెత్తే అంశాలతోపాటు దేశం ముందున్న అన్ని సవాళ్లపై చర్చించేందుకు ప్రభుత్వం సిద్ధంగా ఉందని ప్రధాని నరేంద్ర మోదీ స్పష్టం చేశారు. తాను ఒక పార్టీకి ప్రధానిని కాదని, దేశానికి ప్రధానిని కనుక విపక్షాలు ప్రస్తావించే అంశాలపైనా పార్లమెంట్‌లో చర్చ జరిగేలా చూస్తానని హామీ ఇచ్చారు.

న్యూఢిల్లీ: ఉద్యోగ భవిష్య నిధి సంస్థ (ఇపిఎఫ్‌ఓ) తమ చందాదారులకు తీపికబురు అందించింది. ప్రస్తుత ఆర్థిక సంవత్సరంలో ప్రావిడెంట్ ఫండ్ (పిఎఫ్) డిపాజిట్లకు చెల్లించే వడ్డీ రేటును 8.8 శాతానికి పెంచుతున్నట్లు మంగళవారం ఇపిఎఫ్‌ఓ ప్రకటించింది. పిఎఫ్ డిపాజిట్లపై గత రెండేళ్లు చెల్లించిన 8.75 శాతం వడ్డీ కంటే ఇది 0.13 శాతం ఎక్కువ.

న్యూదిల్లి:దిల్లీలోని ఓ కోర్టుకు హాజరైన విద్యార్థులు, అధ్యాపక సిబ్బంది, జర్నలిస్టులపై జరిగిన దాడికి సంబంధించి కొందరు జర్నలిస్టులు దాఖలు చేసిన పిటిషన్‌పై రేపు సుప్రీంకోర్టు విచారణ జరపనుంది. నిన్న జరిగిన సంఘటనల్లో దాడికి పూనుకున్నవారి వివరాలు వీడియోఫుటేజ్‌లో ఉన్నా ఎవరినీ అదుపులోకి తీసుకోలేదని ఇవాళ హోంమంత్రి రాజ్‌నాథ్‌సింగ్‌ను కలిసిన జర్నలిస్టులు ఆరోపించారు.

ముజఫర్‌నగర్:సమాజ్‌వాదీ పార్టీ అధికారంలో ఉత్తర్‌ప్రదేశ్‌లో ముజఫర్ నగర్ అసెంబ్లీ నియోజికవర్గానికి జరిగిన ఉపఎన్నికలో బిజెపి అభ్యర్థి విజయం సాధించారు. ఇటీవలికాలంలో అల్లర్లు చెలరేగిన ఇక్కడ బిజెపి గెలవడం విశేషం. గతంలో ఇక్కడ సమాజ్‌వాది అభ్యర్థి గెలిచారు. కాగా ఈ సీటును కోల్పోవడం ఆ పార్టీకి దెబ్బే. వచ్చే ఏడు అసెంబ్లీ ఎన్నికలు జరగనున్న నేపథ్యంలో ఈ ఫలితం బిజెపికి ఆశలు చిగురింపచేసిందనే చెప్పాలి.