న్యూదిల్లి:జవహర్‌లాల్ నెహ్రూ యూనివర్శిటీలో దేశ వ్యతిరేక చర్యలకు పాల్పడ్డారంటూ వచ్చిన ఆరోపణలు, దానికి వ్యతిరేకంగా ఒకవర్గం విద్యార్థులు చేపట్టిన ఆందోళనల దరిమిలా అసలు ఏం జరిగిందన్నది రాబట్టడానికి మెజిస్టీరియల్ విచారణకు దిల్లీ ముఖ్యమంత్రి అరవింద్ కేజ్రివాల్ ఆదేశించారు.

న్యూదిల్లి:జవహర్‌లాల్ నెహ్రు విశ్వవిద్యాలయంలో విద్యార్థులపై పోలీసుల చర్యకు నిరసనగా దీక్ష చేస్తున్న ఆందోళనకారులకు కాంగ్రెస్ నేత రాహుల్‌గాంధీ సంఘీభావం ప్రకటించారు. శనివారం సాయంత్రం ఆయన జెఎన్‌యులో విద్యార్థులను కలిశారు. కాగా ఆయన రాకను వ్యతిరేకిస్తూ ఎబివిపి విద్యార్థులు నల్లజెండాలతో నిరసన తెలిపారు.

న్యూదిల్లి:దిల్లీలోని జవహర్‌లాల్ నెహ్రూ యూనివర్శిటీలో దేశవ్యతిరేక కార్యకలాపాలకు నిరసనగా తమ డిగ్రీ పట్టాలను వెనక్కి ఇచ్చేస్తామని మాజీ సైనికాధికారులు హెచ్చరించారు. శనివారం ఉదయం కేంద్ర హోంమంత్రి రాజ్‌నాథ్‌సింగ్‌తో భేటి అయినవారు ఈ మేరకు స్పష్టం చేశారు. యూనివర్శిటీలో తీవ్రవాద అనుకూల పరిణామాలపట్ల వారు ఆగ్రహం వ్యక్తం చేశారు. కాగా జెఎన్‌యులో విద్యార్థులపై చర్య తీసుకోవడాన్ని సిపిఎం తప్పుబట్టింది.

శ్రీనగర్: ఉగ్రవాదులు, సైనిక సిబ్బందికి మధ్య జరిగిన కాల్పుల్లో ఇద్దరు జవాన్లు గాయపడ్డారు. కుప్వా జిల్లాలో మర్‌శేరి గ్రామం వద్ద ఉగ్రవాదుల కదలికలు ఉన్నాయని తెలియడంతో ఈ రోజు తెల్లవారుజామున సైనికులు అక్కడికి వెళ్లారు. ఉభయ వర్గాల మధ్య కాల్పుల్లో గాయపడ్డ ఇద్దరిని సైనిక ఆస్పత్రికి తరలించారు.