న్యూఢిల్లీ: సియాచిన్‌లో టన్నుల కొద్దీ మంచుకింద కూరుకు పోయిన అయిదు రోజుల తర్వాత కొన ప్రాణాలతో బైటపడిన లాన్స్ నాయక్ హనుమంతప్ప కొప్పాడ్ గురువారం ఇక్కడి ఆర్మీ రిసెర్చ్, రెఫరల్ ఆస్పత్రిలో మృతి చెందారు. లాన్స్‌నాయక్ హనుమంతప్ప ఇక లేరు. ఈ రోజు తెల్లవారుజామున 1.45 గంటలకు ఆయన చివరి శ్వాస విడిచారని ఆర్మీ ఉన్నతాధికారి ఒకరు చెప్పారు.

న్యూదిల్లి:కాలుష్య నివారణే లక్ష్యంగా మరోసారి దేశ రాజధాని దిల్లీలో సరి-బేసి విధానాన్ని అమలు చేయనున్నట్లు ముఖ్యమంత్రి అరవింద్ కేజ్రివాల్ విలేకరుల సమావేశంలో వెల్లడించారు. ప్రజలనుంచి వచ్చిన బ్రహ్మాండమైన ఫీడ్‌బ్యాక్ ఆధారంగా ఈ నిర్ణయం తీసుకున్నట్లు చెప్పారు. ఏప్రిల్ 15నుంచి పదిహేను రోజులపాటు ఈ విధానం అమల్లోకి వస్తుంది. మహిళలు, టూవీలర్లకు మినహాయింపు ఇస్తారు.

న్యూదిల్లీ-దేశ రాజధానిలో కాలుష్యానికి కళ్లెం వేయాలన్న లక్ష్యంతో జనవరిలో ప్రయోగాత్మకంగా అమలు చేసిన సరి-బేసి విధానాన్ని మరోసారి అమలు చేయాలని ఆప్ ప్రభుత్వం నిర్ణయించింది. జనవరి1నుంచి 15వ తేదీవరకు ఈ విధానాన్ని అమలు చేయగా ప్రజలనుంచి సానుకూల స్పందన లభించడంతో మరోసారి అమలు చేయాలని దిల్లీ రాష్ట్ర ప్రభుత్వం నిర్ణయం తీసుకుంది. గురువారం జరిగిన మంత్రిమండలి సమావేశంలో ఈ మేరకు నిర్ణయం తీసుకున్నారు.

దిల్లీ: దేశ సరిహద్దుల్లోని సియాచిన్‌లో మంచు చరియల్లో చిక్కుకుని ఆరురోజుల తర్వాత బయటపడిన వీర సైనికుడు లాన్స్ నాయక్ గురువారం తుదిశ్వాస విడిచాడు. కొన ఊపిరితో కొట్టుమిట్టాడుతున్న ఆయనను సియాచిన్ నుంచి హెలికాప్టర్ ద్వారా దిల్లీలోని ఆర్‌ఆర్ ఆస్పత్రికి తరలించి కొద్దిరోజులుగా చికిత్స అందిస్తున్న సంగతి తెలిసిందే. కోమాలోకి వెళ్లిపోయిన హనుమంతప్పను రక్షించేందుకు వైద్యులు చేసిన ప్రయత్నాలు ఫలించలేదు.