పఠాన్‌కోట్‌లోని వైమానిక కేంద్రంపై జరిగిన దాడికి సంబంధించి కుట్రపన్నిన వారిపై పాకిస్తాన్ కఠిన చర్యలు తీసుకోవల్సిందేనని భారత్ తెగేసి చెప్పింది. ఈ దాడికి సంబంధించి పాకిస్తాన్‌లో జరుగుతున్న దర్యాప్తు తీరును తాము లోతుగా పరిశీలిస్తున్నామని విదేశాంగశాఖ ప్రతినిధి వికాస్ స్వరూప్ గురువారం ఇక్కడ స్పష్టం చేశారు.

తిరువనంతపురం: ప్రముఖ మ్యూజిక్ డైరెక్టర్, మ్యూజిక్ మాస్ట్రో ఇళయరాజా ప్రతిష్టాత్మక నిశగంధీ పురస్కారాన్ని పొందారు. కేరళ పర్యాటక శాఖ ఆధ్వర్యంలో నిర్వహించిన ఓ కార్యక్రమంలో ఆ రాష్ట్ర ముఖ్యమంత్రి ఊమెన్‌చాందీ ఇళయరాజాకు పురస్కారాన్ని ప్రదానం చేశారు. నిశగంధీ అవార్డు కింద రూ.1,50లక్షల నగదుతోపాటు జ్ఞాపిక, కాంస్య ప్రతిమను అందజేశారు.

ముంబయి: రోహిత్ ఆత్మహత్యకు కేంద్ర ప్రభుత్వమే కారణమంటూ ముంబయిలో నేషనలిస్ట్‌ కాంగ్రెస్‌ పార్టీ (ఎన్‌సీపీ) గురువారం ర్యాలీ నిర్వహించింది. బీజేపీ ప్రభుత్వం దళితులకు వ్యతిరేకంగా పని చేస్తోందంటూ మండిపడింది. కేంద్రమంత్రులు స్మృతీ ఇరానీ, బండారు దత్తాత్రేయలు తమ పదవులకు రాజీనామా చేయాలంటూ ఎన్‌సీపీ డిమాండ్‌ చేసింది.

చెన్నై: సంక్రాంతి సందర్భంగా తమిళనాడులో నిర్వహించే జల్లికట్టు క్రీడపై విధించిన నిషేధంపై ఈరోజు తమిళనాడు అసెంబ్లీలో అధికార, ప్రతిపక్ష పార్టీల నేతలు ఒకరిపై ఒకరు విమర్శలు చేసుకున్నారు. జల్లికట్టుపై నిషేధం ఎత్తేయాలని, సత్వరమే ఈ సమస్యను పరిష్కరించాలని ప్రతిపక్షాలు డిమాండ్‌ చేశాయి. ప్రశ్నోత్తరాల తర్వాత కూడా డీఎంకే జల్లికట్టుపై చర్చించేందుకు స్పీకర్‌ను అనుమతి కోరగా.. స్పీకర్‌ అనుమతించలేదు.