న్యూఢిల్లీ : ఆధ్యాత్మిక గురువు, డేరా అధినేత గుర్‌మీత్‌ రాం రహీం సింగ్‌ను అనుకరించి ఆయన అనుచరుల మనోభావాలను గాయపరిచినందుకు కమెడియన్‌ కీకు శార్దా(పలక్‌) అరెస్ట్‌ అయ్యారు. టెలివిజన్‌లో ప్రసారమయ్యే ప్రఖ్యాత హిందీ కామెడీ నైట్స్‌ కార్యక్రమంలో ఆధ్యాత్మిక గురువు, మనోభావాలను గాయపరిచినందుకు శార్దాని ఇప్పుడు అరెస్టు చేశారు.

న్యూఢిల్లీ : తెలంగాణకు కరువు సాయంపై కేంద్ర వ్యవసాయ శాఖ మంత్రి రాధామోహన్‌సింగ్‌తో రాష్ట్ర నీటి పారుదల శాఖ మంత్రి హరీష్‌రావు చర్చించారు. వీరిద్దరి మధ్య చర్చ ముగిసిన అనంతరం హరీష్‌రావు మీడియాతో మాట్లాడుతూ.. కరువు పరిస్థితుల తీవ్రత దృష్ట్యా రూ. 1500 కోట్ల సాయాన్ని కోరామని తెలిపారు. జాతీయ డెయిరీ పథకం కింద ఇవ్వాల్సిన రూ. 1,024 కోట్లను అడిగామన్నారు.

న్యూఢిల్లీ : మ్యాగీ న్యూడిల్స్‌పై సుప్రీం కోర్టులో బుధవారంనాడు విచారణ జరిగింది. మ్యాగీపై ముంబయి హైకోర్టు నిషేధం ఎత్తివేయటంతో భారత ఆహార భద్రతా సంస్థ సుప్రీం కోర్టును ఆశ్రయించింది. దీనిపై విచారణ జరిపిన న్యాయస్థానం ఈ న్యూడిల్స్‌ను యువత, పిల్లలు ఎక్కువగా తింటున్నందున వీరి ఆరోగ్య భద్రతపై తమకు బాధ్యత ఉందని పేర్కొంటూ మరిన్ని శాంపిల్స్‌ను మైసూర్ ప్రయోగశాలలో పరీక్షించవలసిందిగా సూచించింది.

రాయ్‌పూర్, జనవరి 12: పరస్పర సంప్రదాయాలు, మనోభావాలను గౌరవించుకున్నప్పుడే శాంతి, సమైక్యత, సామరస్యం పెంపొందుతాయని ప్రధాని నరేంద్ర మోదీ స్పష్టం చేశారు. ఈ రకమైన పరిస్థితి ఏమాత్రం కొరవడినా అభివృద్ధికి విఘాతం ఏర్పడుతుందని హెచ్చరించారు. వైవిధ్యమే భారతదేశ అంతర్గత శక్తి అని, సామరస్యం దీన్ని మరింత బలోపేతం చేసే సుగుణమని ప్రధాని తెలిపారు.