శ్రీనగర్‌ : జమ్మూకాశ్మీర్‌లోని తాంగ్‌ధర్‌ సెక్టార్‌ వద్ద ఉగ్రవాదులు చొరబాటు ప్రయత్నాన్ని భద్రతా దళాలు తిప్పికొట్టాయి. బుధవారం తెల్లవారుజామున కొంతమంది ఉగ్రవాదులు సరిహద్దు దాటి జమ్మూ కాశ్మీర్‌లోకి చొరబడినట్లు సమాచారం అందింది. జమ్మూ నుంచి పఠాన్‌కోట్‌కు ఉన్న 109 కిలోమీటర్ల హైవేను పూర్తిగా బ్లాక్‌ చేసి తనిఖీలు నిర్వహించారు.

ఢిల్లీ: కేంద్ర మంత్రివర్గ సమావేశం ముగిసింది. బంగ్లాదేశ్ సరిహద్దుల్లో నుంచి దేశంలోకి ఉగ్రవాదుల చొరబాట్లను అడ్డుకోవాలని కేంద్ర ప్రభుత్వం నిర్ణయించింది. అందుకు పటిష్ట భద్రతకు చర్యలు చేపట్టాలని నిర్ణయించింది. బంగ్లాదేశ్ ప్రభుత్వంతో సంప్రదింపు చర్యలు చేపట్టాలని కేంద్ర మంత్రివర్గ సమావేశంలో నిర్ణయం తీసుకున్నారు.

చెన్నై‌: తమిళనాడులోని ప్రముఖ మధుర మీనాక్షి దేవాలయం సమీపంలో గుర్తుతెలియని వ్యక్తులు బాంబు దాడికి పాల్పడ్డారు. గత రాత్రి కొందరు వ్యక్తులు మూడు పెట్రోలు బాంబులను విసిరారని అధికారులు చెప్పారు. ఈ ఘటనలో ఎలాంటి ప్రాణనష్టం చోటుచేసుకోలేదని వారు పేర్కొన్నారు.

దిల్లీ: ప్రధాని నరేంద్ర మోదీ అధ్యక్షతన బుధవారం ఉదయం కేంద్ర కేబినెట్ సమావేశం ప్రారంభమైంది. పఠాన్‌కోట్ వైమానిక స్థావరంపై పాక్ ఉగ్రవాదుల దాడి ఘటనపై సమావేశంలో చర్చిస్తున్నట్లు తెలిసింది. దేశ అంతర్గత భద్రత, తాజా రాజకీయ పరిణామాలపై కూడా మంత్రుల అభిప్రాయాలను ప్రధాని తెలుసుకొంటున్నారు.