న్యూఢిల్లీ,జనవరి 5: తెలంగాణ రాష్ట్రానికి సివిల్ సర్వీస్ ఉద్యోగుల కేటాయింపు, పెంపు అంశాలపై డిఓపిటి అధికారులతో చర్చించినట్లు రాష్ట్ర ప్రభుత్వ చీఫ్ సెక్రటరీ రాజీవ్ శర్మ, డిజిపి అనురాగ్ శర్మ తెలిపారు. ఇరువురు సీనియర్ అధికారులు మంగళవారం డిఓపిటి అధికారులతో చర్చలు జరిపిన అనంతరం విలేఖరులతో మాట్లాడుతూ ఈ విషయం చెప్పారు.

పఠాన్‌కోట్, జనవరి 5: భద్రతకు సంబంధించిన ‘కొన్ని లోపాలే’ పఠాన్‌కోట్‌లో వైమానిక స్థావరంపై ఉగ్రదాడికి దారితీశాయని రక్షణ శాఖ మంత్రి మనోహర్ పారికర్ మంగళవారం అంగీకరించారు. పాకిస్తాన్‌లో తయారైన ఆయుధాలను ఉపయోగించి ఈ దాడికి తెగబడిన మొత్తం ఆరుగురు ఉగ్రవాదులూ హతమయ్యారని ఆయన చెప్పారు.

ఇంఫాల్/న్యూఢిల్లీ, జనవరి 5: మణిపూర్ సహా పలు ఈశాన్య రాష్ట్రాలను కుదిపేసిన పెను భూకంపం వల్ల కలిగిన నష్టాన్ని అంచనా వేయడంతోపాటు తక్షణమే సహాయ చర్యలు చేపట్టడానికి ప్రత్యేక బృందాలు సన్నద్ధమయ్యాయి. రిక్టర్ స్కేలుపై 6.7 తీవ్రతో సంభవించిన భూ కంపంలో 8 మంది మృతి చెందారు. అనేక రహదారులు, భవనాలు బీటలువారాయి. జాతీయ విపత్తుల నిరోధక దళానికి (ఎన్‌డిఆర్‌ఏ) చెందిన సహాయక బృందాలు మణిపూర్‌కు తరలివచ్చాయి.

న్యూఢిల్లీ, జనవరి 5: ఉన్నత విద్య కోసం అమెరికా వెళుతున్న తెలుగు విద్యార్థులు ఎదుర్కొంటున్న సమస్యలను వెంటనే పరిష్కరించాలని తెలంగాణ కాంగ్రెస్ రాజ్యసభ సభ్యుడు ఆనంద్ భాస్కర్ డిమాండ్ చేశారు. సోమవారం ఆయన కేంద్ర విదేశీ వ్యవహారాల శాఖ మంత్రి సుష్మాస్వరాజ్‌కు రాసిన లేఖలో తెలుగు విద్యార్థుల సమస్యల గురించి అమెరికా ప్రభుత్వంతో ఉన్నతస్థాయి చర్చలు జరపాలని సూచించారు.