హర్యానా ‌: హర్యానాలోని అంబాలాలో అమరజవాను గురుసేవక్‌ సింగ్‌ కుటుంబాన్ని ఆ రాష్ట్ర ముఖ్యమంత్రి మనోహర్‌ లాల్‌ ఖట్టర్‌ మంగళవారం పరామర్శించారు. గర్నాలా గ్రామానికి చెందిన సింగ్‌ కుటుంబాన్ని ఓదార్చారు. అనంతరం ఆయన చిత్రపటానికి పూలమాల వేసి నివాళులర్పించారు.

పంజాబ్: పఠాన్‌కోట్ ఎయిర్ బేస్‌లో భద్రతా దళాల ఆపరేషన్ కొనసాగుతోందని, ఎప్పుడు ముగుస్తుందో తెలియదని, ఆపరేషన్ ముగింపు విషయంలో ఎన్‌ఎస్‌జీదే తుది నిర్ణయమని కేంద్ర రక్షణశాఖ సహాయ మంత్రి మనోహర్ పారికర్ అన్నారు. ఇవాళ ఆయన పఠాన్‌కోట్‌లోని ఎయిర్‌బేస్‌ను సందర్శించారు. కాల్పులు జరిపిన ప్రాంతాలను పరిశీలించారు. అనంతరం మీడియాతో మాట్లాడారు.

పంజాబ్: పఠాన్ కోట్ భారత వైమానిక స్థావరం బయట మంగళవారం మరోసారి భారీ పేలుడు శబ్దం వినిపించింది. కూంబింగ్ ఆపరేషన్ కొనసాగుతూండగానే మళ్లీ పెద్ద ఎత్తున పేలుడు వినిపించడం కలకలం రేపింది. దీంతో లోపల ఎంతమంది ఉగ్రవాదులు దాగివున్నారనే దానిపై మరింత ఆందోళన నెలకొంది.

న్యూఢిల్లీ : హస్తినలో కాలుష్యాన్ని తగ్గించేందుకు ఆప్ సర్కార్ చేపట్టిన సరి - బేసి విధానాన్ని సుప్రీంకోర్టు ప్రధాన న్యాయమూర్తి టీఎస్ ఠాకూర్ పాటిస్తున్నారు. టీఎస్ ఠాకూర్ జస్టిస్ శిక్రి కారులో కోర్టుకు వెళ్తున్నారు. ఈ సందర్భంగా టీఎస్ ఠాకూర్‌కు ఢిల్లీ సీఎం అరవింద్ కేజ్రీవాల్ కృతజ్ఞతలు తెలిపారు.