S ,7 à 8 RSCA (si SASPAS) et 6 cialis pharmacie cialis rapports de stage.

జాతీయ వార్తలు

01/19/2020 - 04:36

న్యూఢిల్లీ, జనవరి 18: నిర్భయ గ్యాంగ్‌రేప్, హత్య కేసులో మరణశిక్ష ఖరారయిన నలుగురు ముద్దాయిలకు క్షమాభిక్ష ప్రసాదించాలని సూచించినందుకు సీనియర్ న్యాయవాది ఇందిరా జైసింగ్ సిగ్గుపడాలని నిర్భయ తండ్రి శనివారం పేర్కొన్నారు. కాంగ్రెస్ పార్టీ అధ్యక్షురాలు సోనియా గాంధీ వలె తమ కుటుంబానికి ‘విశాల హృదయం’ లేదని ఆయన అన్నారు.

01/19/2020 - 04:35

బెంగళూరు: భారతీయ సంస్కృతి, సంప్రదాయాల ఔన్నత్యాన్ని విశ్వవ్యాపితం చేసేందుకు కంకణం కట్టుకున్న నాయకుడిగా ప్రధాని నరేంద్ర మోదీని కేంద్ర హోం మంత్రి అమిత్ షా అభివర్ణించారు. ‘్భరత సంస్కృతి, సంప్రదాయాలకు దివిటీ పట్టిన వ్యక్తి మోదీ’ అని శనివారం ఇక్కడ జరిగిన వేదాంత భారతి కార్యక్రమంలో ఆయన అన్నారు. భారతీయత గురించి, దాని విలువల గురించి ప్రపంచంలో ఎక్కడికెళ్లినా మోదీ విశదీకరిస్తున్నారని అమిత్ షా తెలిపారు.

01/19/2020 - 04:35

జైపూర్, జనవరి 18: పౌరసత్వం అంశం కేంద్ర జాబితాలోనిదని, ఏ రాష్ట్ర ప్రభుత్వం కూడా సీఏఏను అమలు చేయకుండా అడ్డుకోలేవని కేరళ గవర్నర్ ఆరిఫ్ మహ్మద్ ఖాన్ స్పష్టం చేశారు. కేంద్రం ప్రభుత్వం తీసుకొచ్చిన పౌరసత్వ సవరణ చట్టం(సీఏఏ) అమలుచేయకుండా ఏ రాష్ట్ర తప్పించుకోజాలదని శనివారం ఇక్కడ ఉద్ఘాటించారు. ‘సీఏఏ అమలుచేయడం తప్ప మరో మార్గం లేదు.

01/19/2020 - 04:49

న్యూఢిల్లీ: ఆంధ్రప్రదేశ్ ముఖ్యమంత్రి వైఎస్ జగన్మోహన్ రెడ్డి రాష్ట్ర రాజధానిని అమరావతిలో ఏర్పాటు చేయకుండా మూడు ముక్కలు చేస్తే కేంద్ర ప్రభుత్వం చూస్తూ ఊరుకోదని బీజేపీ రాజ్యసభ సభ్యుడు సుజనా చౌదరి హెచ్చరించారు. రాజధానిని అమరావతి నుంచి ఒక్క అంగుళం కూడా కదపలేరని ఆయన అన్నారు. శనివారం ఢిల్లీలో ఆయన విలేఖరులతో మాట్లాడుతూ మూడు రాజధానుల వల్ల ఆంధ్రప్రదేశ్ నష్టపోతుందని అభిప్రాయపడ్డారు.

01/19/2020 - 01:12

షిర్డి, జనవరి 18: షిర్డి సాయిబాబా జన్మస్థలంపై మహారాష్ట్ర ముఖ్యమంత్రి ఉద్ధవ్ థాక్రే చేసిన వివాదస్పద ప్రకటన అలజడి రేపుతోంది. దీనికి నిరసనగా ఆదివారం బంద్ జరపాలని స్థానికులు పిలుపునిచ్చారు. 19వ శతాబ్దానికి చెందిన షిర్డి సాయిబాబా జన్మస్థలం పర్బనీ జిల్లాలోని పత్రి ప్రాంతం అని మహారాష్ట్ర ముఖ్యమంత్రి ఉద్ధవ్ థాక్రే ప్రకటించడంతో ఈ వివాదం తలెత్తింది.

01/18/2020 - 16:25

జమ్మూకాశ్మీర్: ఆర్టికల్ 370 రద్దు తర్వాత నిర్బంధంలో ఉన్న కాశ్మీర్ నేతలను ఒక్కొక్కరిని విడుదల చేస్తున్న నేపథ్యంలో ఆ రాష్ట్రంలో 36 మంది కేంద్ర మంత్రుల బృందం శనివారం నుండి పర్యటిస్తుంది. అలాగే జమూకాశ్మీర్‌వాసులకు ప్రభుత్వం మరో శుభవార్త అందించింది. అక్కడ ప్రీపెయడ్ మొబైల్ సేవలను పునరుద్ధరించనున్నారు. ఈ మేరకు ప్రధాన కార్యదర్శి రోహిత్ కన్సల్ ఆదేశాలు సైతం జారీ చేయటం జరిగింది.

01/18/2020 - 15:43

జమ్మూకాశ్మీర్: ఆర్టికల్ 370 రద్దు తర్వాత నిర్బంధంలో ఉన్న కాశ్మీర్ నేతలను ఒక్కొక్కరిని విడుదల చేస్తున్నారు. అంతేకాదు ఆ రాష్ట్రంలో 36 మంది కేంద్ర మంత్రుల బృందం శనివారం నుండి పర్యటిస్తుంది. వారం రోజుల పాటు పర్యటించనున్న ఈ మంత్రుల బృందం మూకుమ్మడిగా కాకుండా, వివిధ ప్రాంతాల్లో కొందరు కొందరుగా పర్యటించనున్నారు. కొత్తగా ఏర్పడిన కేంద్రపాలిత ప్రాంతాలతో పాటు 51 ప్రాంతాల్లో పర్యటిస్తారు.

01/18/2020 - 15:40

జమ్మూకాశ్మీర్: గృహనిర్బంధంలో ఉన్న మరో నలుగురు కాశ్మీర్ నేతలను విడుదల చేశారు. నేషనల్ కాన్ఫరెన్స్ నేత నజీర్ గురేజీ, పీడీపీ నేత అబ్దుల్ హక్‌ ఖాన్, మహ్మద్ అబ్బాస్ వనీతో పాటు అబ్దుల్ రషీద్‌ను అధికారులు విడుదల చేవారు. ఆర్టికల్ 370 ని కేంద్రం రద్దు చేసిన నేపథ్యంలో ముందస్తు చర్యల్లో భాగంగా కొందరు నేతలను గృహ నిర్బంధంలో ఉంచిన విషయం తెలిసిందే.

01/18/2020 - 15:40

న్యూఢిల్లీ: హర్యానాలోని కర్నల్ మాజీ ఎంపీ, సీనియర్ జర్నలిస్ట్ అశ్విన్ కుమార్ చోప్రా మృతిచెందారు. ఆయన క్యాన్సర్‌తో బాధపడుతున్నారు. ఆసుపత్రిలో చికిత్సపొందుతూ శనివారంనాడు మృతిచెందారు. 2014లో ప్రత్యక్ష రాజకీయాల్లోకి వచ్చిన ఆయన తొలుత జర్నలిస్ట్‌గా పనిచేశారు. జలంధర్‌లో జన్మించిన ఆయన పంజాబ్‌ కేసరి అనే పత్రికకు ఎడిటర్‌గా పని చేశారు. ఆయన కుటుంబం జర్నలిజానికే అంకితమయ్యింది.

01/18/2020 - 15:37

తిరువనంతపురం: కాంగ్రెస్ యువనేత రాహుల్ గాంధీని మలయాళీ ప్రజలు మళ్లీ ఎన్నుకుంటే ఘోరమైన తప్పు చేసినట్లేనని ప్రముఖ చరిత్రకారుడు రామచంద్ర గుహ అన్నారు. ఆయన ‘లిటరేచరీ ఫెస్టివల్‌లో జరిగిన ‘దేశభక్తి వర్సెస్ యుద్ధోన్మాదం’ అనే అంశంపై జరిగిన సమావేశంలో మాట్లాడుతూ కుటుంబ వారసత్వ రాజకీయాల ద్వారా వచ్చిన రాహుల్ వంటి ఐదోతరం నాయకుల వల్ల బీజేపీ బలపడతుందన్నారు.

Pages