న్యూఢిల్లీ: జమ్మూలో ఉగ్రవాదుల దుశ్చర్యను కేంద్ర ఆర్థిక మంత్రి అరుణ్ జైట్లీ తీవ్రంగా ఖండించారు. అమరవీరుల కుటుంబాలకు అండగా ఉంటామని అన్నారు. గాయపడిన ఉగ్రవాదులు త్వరగా కోలుకోవాలని ప్రార్థిస్తున్నట్లు చెప్పారు. సీఆర్పీఎఫ్ జవాన్లను లక్ష్యంగా చేసుకుని సాగించిన మారణకాండకు కారకులైనవారిపై ప్రతీకార చర్య తీసుకుంటామని అన్నారు.

న్యూఢిల్లీ: జమ్మూకాశ్మీర్‌లో ఉగ్రదాడుల్లో అమరులైన 40మంది వీర సైనిక జవాన్లకు ప్రధాని మోదీ నివాళులర్పించారు. తన జీవితంలో ప్రతి క్షణం వీర సైనికుల త్యాగాలను గుర్తుకుతెచ్చుకుంటూనే ఉంటానని అన్నారు. సైనికులకు పూర్తి స్వేచ్ఛాస్వాతంత్య్రాలను ఇచ్చామని, వారి ధైర్యసాహసాలపై తనకు పూర్తి నమ్మకం ఉందని అన్నారు.

హైదరాబాద్, ఫిబ్రవరి 14: దేశవ్యాప్తంగా జవహర్ నవోదయ విద్యాలయాల్లో కేంద్రప్రభుత్వం 5వేల సీట్లను పెంచింది. మొత్తం మీద 10 శాతం అదనపు సీట్లకు వీలు కల్పించింది. దీనివల్ల తెలంగాణలోని అన్ని జవహర్ నవోదయ విద్యాలయాల్లో 10 శాతం సీట్లు అదనంగా పెరుగుతాయి. పెరిగిన సీట్లకు ఈ విద్యాసంవత్సరం నుండే అడ్మిషన్లు చేపట్టనున్నట్టు అధికారులు తెలిపారు.

డెహ్రాడూన్, ఫిబ్రవరి 14: ప్రధానమంత్రి నరేంద్ర మోదీ గురువారం డెహ్రాడూన్‌లోని జోలి గ్రాంట్ విమానాశ్రయంలో సుమారు నాలుగు గంటల సేపు ఉండిపోవాల్సి వచ్చింది. అననుకూల వాతావరణం కారణంగా ఆయన ప్రయాణించాల్సిన హెలికాప్టర్ టేకాఫ్ కాకపోవడం వల్ల ఆయన విమానాశ్రయంలో చిక్కుకుపోయారు. ప్రధానమంత్రి గురువారం ఉత్తరాఖండ్‌లోని రుద్రాపూర్‌లో ఒక ర్యాలీని ఉద్దేశించి ప్రసంగించాల్సి ఉండింది.