న్యూఢిల్లీ: ప్రతిపక్షాల ఆందోళన మధ్య రాజ్యసభ రెండవ తేదీకి వాయిదా పడింది. ముమ్మారు తలాక్ వ్యతిరేక బిల్లును సెలెక్ట్ కమిటీకి పంపాలని ప్రతిపక్షాలు డిమాండ్ చేశాయి. దాదాపు 10 ప్రతిపక్ష పార్టీలు ఈ బిల్లును సెలెక్ట్ కమిటీకి పంపాలని డిమాండ్ చేశాయి.

న్యూఢిల్లీ: 1984 సిక్కు అల్లర్ల కేసులో శిక్షపడిన కాంగ్రెస్ నేత సజ్జన్ కుమార్ నేడు ఢిల్లీ కోర్టు ఎదుట లొంగిపోయారు. అనంతరం ఆయనను తూర్పు ఢిల్లీలోని మండోలి జైలుకు తరలించారు. తనకు పిల్లలు, మనమలు, మనుమరాండ్లు ఉన్నారని, వారికి సంబంధించిన ఆస్తి పంపకాలు, ఇతర విషయాలు చూసుకునేందుకు జనవరి 31వరకు గడువు ఇవ్వాలని కోరగా కోర్టు తిరస్కరించిన విషయం విదితమే.

జమ్మూకాశ్మీర్: జమ్మూకాశ్మీర్ సరిహద్దుల్లో కాల్పులు జరిగాయి. పాకిస్తాన్ సైనిక దుస్తులు ధరించిన కొందరు నాగౌమ్ సెక్టార్‌లోని ఎల్‌ఓసీ వద్ద చొరబడేందుకు ప్రయత్నించగా భద్రతా దళాలు కాల్పులు జరిపాయి. రాత్రంతా ఈ కాల్పులు జరిగాయని, నూతన సంవత్సర వేడుకల నేపథ్యంలో కొందరు అల్లర్లు సృష్టించేందుకు ప్రయత్నాలు చేస్తున్నారని సైనిక అధికారులు వెల్లడించారు. ఈ ప్రాంతంలో చొరబాటుదారుల మృతదేహాలు పడివున్నాయి.

న్యూఢిల్లీ: రాజ్యసభ ప్రారంభమైన వెంటనే గందరగోళం నెలకొన్నది. ప్రతిపక్ష సభ్యులు మూకుమ్మడిగా పోడియంను చుట్టుముట్టి తమకు న్యాయం కావాలంటూ నినాదాలు చేశారు. దీంతో ఛైర్మన్ సభను మధ్యాహ్నానికి వాయిదా వేశారు. సభా కార్యక్రమాలు పట్టుమని పది నిమిషాలు కూడా సాగలేదు. మధ్యాహ్నాం రెండు గంటలకు త్రిపుల్ తలాక్ బిల్లును ప్రభుత్వం ప్రవేశపెట్టనున్నది.