న్యూఢిల్లీ, డిసెంబర్ 30: వివాదాస్పదమైన పౌరసత్వ సవరణ బిల్లు ఈ శీతాకాల సమావేశాల్లో ఆమోదం పొందే అవకాశాలు కన్పించడం లేదు. పార్లమెంట్ శీతాకాల సమావేశాలు జనవరి ఎనిమిదితో ముగియనున్నాయి. అఫ్గానిస్తాన్, బంగ్లాదేశ్, పాకిస్తాన్ దేశాలలో ఉంటున్న హిందువులు, సిక్కులు, బుద్ధిస్టులు, జైన్లు, పార్సీలు, క్రైస్తవులకు భారత పౌరసత్వం ఇచ్చేందుకు ఉద్దేశించిన ఈ బిల్లు వాస్తవానికి బీజేపీ ఎన్నికల హామీగా పేర్కొనవచ్చు.

న్యూఢిల్లీ, డిసెంబర్ 30: దేశంలో 1961 నుంచి జరిగిన 13 మతకల్లోలసంఘటనలపై విచారణ కమిటీ నివేదికలను కనుగొనేందుకు ఒక సీనియర్ అధికారిని నియమించాలని కేంద్ర సమాచార కమిషన్ కేంద్రహోంశాఖను కోరింది. ఈ నివేదికలు తమ వద్ద లేవని కేంద్రహోంశాఖ తెలిపిన నేపథ్యంలో కమిషన్ పై విధంగా స్పందించింది. సమాచార కమిషనర్ బిమాల్ జుల్కా ఈ ఆదేశాలు జారీ చేశారు.

న్యూఢిల్లీ, డిసెంబర్ 30: పేదరిక నిర్మూలన, రక్షణ, భద్రతా రంగంలో స్వయం సమృద్ధి, త్రివిధ దళాల అణ్వాయుధీకరణతోపాటు అంతర్జాతీయ స్థాయిలో దేశానికి మంచిపేరు తీసుకురావటంలో గణనీయమైన ఫలితాలను సాధించామని ప్రధాన మంత్రి నరేంద్ర మోదీ ప్రకటించారు. నరేంద్ర మోదీ ఆదివారం ఉదయం ఆకాశవాణిలో దేశ ప్రజలకు ‘మనసులోని మాట’ను వినిపిస్తూ 2018లో ఈ మూడు రంగాల్లో గణనీయమైన ప్రగతిని సాధించామని తెలిపారు.

కోల్‌కతా, డిసెంబర్ 30: పల్లె జీవితాన్ని, కుటుంబ అనుబంధాలను, పీడితులు, శ్రామికుల కష్టాలను కళ్లకు కట్టినట్టు చూపించి, ‘ఆర్ట్ ఫిల్మ్స్’కు కూడా ఓ గుర్తింపును తీసుకొచ్చి, సామాన్య ప్రజల చెంతకు తీసుకెళ్లిన దార్శనిక దర్శకుడు మృణాల్ సేన్ కన్నుమూశారు. సత్యజిత్ రే, రిత్విక్ ఘటక్, మృణాల్ సేన్ ‘ భారత దర్శక రత్నాలు’గా పేర్కొంటారు.