పనాజీ, నవంబర్ 23: అనారోగ్యం బారిన పడిన గోవా ముఖ్యమంత్రి మనోహర్ పారికర్ రాజీనామా చేయాలన్న డిమాండ్‌తో ఉద్యమాన్ని తీవ్రతరం చేయాలని ఇక్కడి ప్రజాసంఘాలు నిర్ణయించాయి. ప్రత్యేకించి రాష్ట్ర గవర్నర్ మృదులా సిన్హా ఈ విషయంపై నిర్లక్ష్యంగా వ్యవహరిస్తున్నారని ఆందోళకారులు ఆగ్రహం వ్యక్తం చేస్తున్నారు. ఈ నెల 21న వందలాదిగా ఆందోళనకారులు సీఎం పారికర్ ని వాసగృహం వద్దకు తరలివచ్చి నిరసన తెలిపిన సం గతి తెలిసిందే.

జమ్ము, నవంబర్ 22: రాష్ట్రంలో ప్రభుత్వాన్ని ఏర్పాటు చేసేందుకు వీలుగా జోరుగా ఎమ్మెల్యేల బేరసారాలు జరుగుతున్నాయని, పరస్పర విరుద్ధమైన భావజాలంతో ఉన్న పార్టీలు ప్రభుత్వాన్ని ఏర్పాటు చేయలేవని జమ్ముకాశ్మీర్ గవర్నర్ సత్యపాల్ మాలిక్ అన్నారు. అందుకే తాను అసెంబ్లీని రద్దు చేస్తూ నిర్ణయం తీసుకున్నట్లు ఆయన చెప్పారు. విరుద్ధ భావజాలంతో ఉన్న పార్టీలు ప్రభుత్వాన్ని ఏర్పాటు చేయడం సాధ్యం కాని పని అన్నారు.

న్యూఢిల్లీ, నవంబర్ 22: పాకిస్తాన్ ఆదేశం మేరకే నేషనల్ కాన్ఫరెన్స్ (ఎన్‌సీ) జమ్మూకాశ్మీర్‌లో ప్రభుత్వ ఏర్పాటుకు పీపుల్స్ డెమొక్రటిక్ పార్టీ (పీడీపీ)కి మద్దతు ఇచ్చిందని చేసిన వ్యాఖ్యలను బీజేపీ ప్రధాన కార్యదర్శి రామ్‌మాధవ్ గురువారం ఉపసంహరించుకున్నారు.

న్యూఢిల్లీ, నవంబర్ 22: గవర్నర్ అసెంబ్లీని రద్దుచేసిన తర్వాత జమ్మూ కాశ్మీర్‌లో నెలకొన్న పరిస్థితులపై కేంద్ర కేబినెట్ మంత్రివర్గం గురువారం సమీక్షించిందని కేంద్ర ఆర్థిక శాఖ మంత్రి అరుణ్ జైట్లీ తెలిపారు. అసలు కేబినెట్ సమావేశంలోని అజెండాలో జమ్మూ కాశ్మీర్ అంశం లేనప్పటికీ కేబినెట్ సభ్యులు ఈ అంశాన్ని ప్రస్తావించి సమీక్ష జరిగేలా చేశారని కేబినెట్ సమావేశానంతరం జరిగిన విలేఖరుల సమావేశంలో ఆయన వివరించారు.