న్యూఢిల్లీ, నవంబర్ 21: గుండె వ్యాధితో, లోపాలతో బాధపడుతున్న 14 నెలల పాకిస్తానీ శిశువుకు ఇక్కడి సర్ గంగారామ్ ఆసుపత్రిలో వైద్యులు నిర్వహించిన శస్తచ్రికిత్స విజయవంతమైంది. దీంతో ఆ శిశువు కోలుకున్నాడని వైద్యులు చెప్పారు. ఆ శిశువు శ్వాస కోశ సమస్యలతో కూడి సతమతమవుతోంది. దీని వల్ల శిశువుపెరుగుదల నిలిచిపోయే ప్రమాదం ఏర్పడింది. ఈ ఆపరేషన్‌ను పిల్లల గుండెవ్యాధుల నిపుణులు నీజర్ అగర్వాల్ నిర్వహించారు.

న్యూఢిల్లీ, నవంబర్ 21: ముస్లింలు గంపగుత్తగా కాంగ్రెస్ పార్టీకి ఓటు వేయని పక్షంలో కాంగ్రెస్ మట్టికరుస్తుందని మధ్యప్రదేశ్ కాంగ్రెస్ కమిటీ అధ్యక్షుడు కమల్‌నాథ్ వీడియో సందేశంలో పేర్కొన్నట్లుగా వైరల్ అవుతున్న దృశ్యాలు వివాదస్పదమవుతున్నాయి. ఈ విషయమై ఎన్నికల సంఘానికి ఫిర్యాదు చేయాలని బీజేపీ నిర్ణయించింది.

రాజస్థాన్‌లో అధికార బీజేపీ, ప్రతిపక్ష కాంగ్రెస్ పార్టీలో అసమ్మతి బుసలు కొడుతోంది. వచ్చే నెల 7వ తేదీన రాజస్తాన్ అసెంబ్లీకి ఎన్నికలు జరగనున్నాయి. ఈ నేపథ్యంలో బీజేపీ, కాంగ్రెస్ పార్టీలు అసమ్మతిని చల్లార్చేందుకు బుజ్జగింపులు చేపట్టారు. కాని అసమ్మతి నేతలు మాత్రం ససేమిరా అంటున్నారు.అసమ్మతి దెబ్బకు ఓటమి చెందే అవకాశాలు ఉన్నాయని బీజేపీ, కాంగ్రెస్ అభ్యర్థులు ఆందోళన చెందుతున్నారు.

శ్రీనగర్, నవంబర్ 21: జమ్మూకాశ్మీర్ అసెంబ్లీకి సంబంధించి బుధవారం అనూహ్య పరిణామాలు చోటు చేసుకున్నాయి. జమ్మూకాశ్మీర్ గవర్నర్ సత్యపాల్ మాలిక్ బుధవారం రాత్రి అకస్మాత్తుగా రాష్ట్ర శాసనసభను రద్దు చేశారు. సుస్థిరమయిన ప్రభుత్వాన్ని ఏర్పాటు చేయడానికి రెండు రాజకీయ పార్టీలు ముందుకు వచ్చిన తరుణంలో గవర్నర్ సుప్తచేతనావస్థలో ఉన్న శాసనసభను రద్దు చేయడం సంచలనం సృష్టించింది.