అస్సాం: అస్సాంలో దారుణం చోటుచేసుకుంది. ఉల్ఫా ఉగ్రవాదులు ఐదుగురు వ్యక్తులను కాల్చి చంపారు. టిన్‌సుకియా జిల్లాలోని ఖేర్‌బరి బిసోన్‌బరి ప్రాంతంలో తుపాకీ చూపించి ఐదుగురు వ్యక్తులను ఎంపికచేసుకుని కాల్చి చంపారు. అస్సాం డీజీపీ కులధర్ సైకియా తదితరులు సంఘటన స్థలాన్ని పరిశీలించారు.

న్యూఢిల్లీ, నవంబర్ 1: మధ్యప్రదేశ్ అసెంబ్లీ ఎన్నికల్లో కాంగ్రెస్ టికెట్ల కేటాయింపుపై నేతల్లో తలెత్తిన విభేదాల పరిష్కారానికి సీనియర్ కాంగ్రెస్ నేతల నేతృత్వంలో చేపట్టిన చర్చలు ఇంకా కొలిక్కిరాలేదు. ఈనెల 28న ఎన్నికలు జరుగనున్న ఈ రాష్ట్రంలో కాంగ్రెస్ పార్టీకి చెందిన ఒక్క అభ్యర్థిని కూడా అధిష్టానం ఇప్పటివరకు ప్రకటించకపోవడం గమనార్హం.

న్యూఢిల్లీ, నవంబర్ 1: ఫ్రాన్స్ నుంచి కొనుగోలు చేయనున్న రాఫెల్ జెట్స్ వివరాలు సమర్పించాలని సుప్రీంకోర్టు కేంద్రాన్ని ఆదేశించడాన్ని సీపీఎం ప్రధాన కార్యదర్శి సీతారాం ఏచూరి స్వాగతించారు. మోదీ ప్రభుత్వం అవినీతిలో కూరుకుపోయిందని, కోట్లాది రూపాయల స్కాంలో చిక్కుకుని విలవిలలాడుతోందని ఆయన అన్నారు. ఆశ్రీతపక్షపాతం, అవినీతికి ఈ స్కీం నిదర్శనమన్నారు. ఈ స్కాం విషయంపై నోరు విప్పేందుకు మోదీ జంకుతున్నారన్నారు.

ఐజావీ, నవంబర్ 1: త్రిపురలోని బ్రూ కులానికి చెందిన శరణార్థుల శిబిరాలకు ఎన్నికల ప్రచారం కోసం మిజోరాంలోని ఏ రాజకీయ పార్టీలూ వెళ్లరాదని మిజోరాం బ్రూ నిర్వాసిత ప్రజల ఫోరం (ఎంబీడీపీఎఫ్) విజ్ఞప్తి చేసింది. ఇక్కడి 40 అసెంబ్లీ స్థానాలకు ఈనెల 28న ఎన్నికలు జరుగనున్న క్రమంలో ఎంబీడీపీఎస్ విజ్ఞప్తి ప్రాధాన్యతను సంతరించుకుంది. ఫోరం ఉపాధ్యక్షుడు ఆర్.