తిరువనంతపురం, నవంబర్ 1: చదువుకోవడానికి వయసు అడ్డురాదని, నేర్చుకోవాలన్న జిజ్ఞాస ఉండాలే కాని ఎప్పుడైనా చదువుకోవచ్చునని నిరూపించింది కేరళలోని ఒక బామ్మగారు. 96 వయసులో 98 మార్కులు తెచ్చుకుని ఔరా అని అందరూ ముక్కుమీద వేలువేసుకునేలా చేసింది ఈ అవ్వ.

న్యూఢిల్లీ, నవంబర్ 1: వచ్చే లోక్‌సభకు అవసరమైన ఎలక్ట్రానిక్ ఓటింగ్ మిషన్ల (ఈవీఎం)ను కేంద్ర ప్రభుత్వం సిద్ధం చేసింది. దేశవ్యాప్తంగా జరిగే ఎన్నికల్లో అవసరమైన పరిజ్ఞానంతో రూపొందించిన ఎం 3 టైప్ ఈవీఎంల తయారీ బాధ్యతను కేంద్రం రెండు పబ్లిక్ సెక్టార్ యూనిట్లకు అప్పగించింది. ఆ రెండు సంస్థలు 22.3 లక్షల బ్యాలెట్ యూనిట్లు, 16.3 లక్షల కంట్రోల్ యూనిట్లు ఎన్నికల కమిషన్‌కు పంపినట్టు అధికారులు వెల్లడించారు.

న్యూఢిల్లీ, నవంబర్ 1: ఎయిర్‌సెల్-మాక్సిస్ మనీల్యాండరింగ్ కేసులో సీబీఐ, ఈడీల నుంచి నేరారోపణలను ఎదుర్కొంటున్న మాజీ కేంద్ర మంత్రి పి.చిదంబరం, ఆయన కుమారుడు కార్తీలను ఈనెల 26వ తేదీ వరకు అరెస్టు చేయకుండా ఢిల్లీ న్యాయస్థానం గురువారం రక్షణను పొడిగించింది.

న్యూఢిల్లీ:దేశంలో జీఎస్‌టీ వసూళ్లు భారీగా పెరిగాయని కేంద్ర ఆర్థిక మంత్రి అరుణ్‌జైట్లీ అన్నారు. ఆయన గురువారంనాడు విలేకరులతో మాట్లాడుతూ దాదాపు లక్ష కోట్ల రూపాయలకు చేరిందని అన్నారు. సెప్టెంబర్‌లో 94,442 కోట్ల రూపాయలు ఉండగా అది లక్ష కోట్ల రూపాయలకు చేరిందని అన్నారు. తక్కువ వడ్డీ రేట్లు, పన్ను ఎగవేతలు జరగకుండా చర్యలు తీసుకున్నట్లు మంత్రి తెలిపారు. ఏప్రిల్ తరువాత లక్ష కోట్లకు చేరుకోవటం ఇదే.