గుర్గావ్, అక్టోబర్ 14: జడ్జి భార్యపై కాల్పులు జరిపి, ఆమె మృతికి కారకుడైన అంగరక్షకుడు మహిపాల్‌కు కోర్టు నాలుగు రోజుల పోలీసు కస్టడీ విధించింది. అడిషనల్ సెషన్స్ జడ్టి కృష్ణకాంత్ సతీమణి రీతూ(45), కుమారుడు ధృవ్(18)పై వారి అంగరక్షకుడే కాల్పులు జరిపాడు. తీవ్రంగా గాయపడ్డ రీతూ ఆసుపత్రిలో చికిత్సపొందుతూ మృతి చెందారని గుర్గావ్ ప్రభుత్వ ఆసుపత్రి ఆర్‌ఎం పవన్ చౌదరి ఆదివారం వెల్లడించారు.

న్యూఢిల్లీ, అక్టోబర్ 14: భారత్-అమెరికా రక్షణ బంధం మరింత దృఢతరం అవుతోంది. ఇందులో భాగంగా ఇరు దేశాల త్రివిధ దళాలు కలిసి విన్యాసాలు చేయడానికి రంగం సిద్ధమయింది. చరిత్రలో తొలిసారి ఈ రెండు దేశాల త్రివిధ దళాల సంయుక్త విన్యాసాలు వచ్చే సంవత్సరం జరిగే అవకాశాలు ఉన్నాయి. ఈ సంయుక్త విన్యాసాలలో ఇరు దేశాల ప్రత్యేక బలగాలను చేర్చడానికి సంబంధించి చర్చలు జరుగుతున్నాయి.

న్యూఢిల్లీ, అక్టోబర్ 14: సాక్ష్యాలు లేకుండా ఆరోపణలు చేయటం ఒక అలవాటుగా మారింది.. తనపై సెక్స్‌పరమైన ఆరోపణలు చేసిన వారందరికీ లీగల్ నోటీసులు ఇస్తానని కేంద్ర విదేశీ వ్యవహారాల శాఖ సహాయ మంత్రి ఎంజే అక్బర్ చెప్పారు. ఆదివారం నైజీరియా నుండి తిరిగి వచ్చిన అనంతరం విడుదల చేసిన ఒక పత్రికా ప్రకటనలో తనపై చేసిన ఆరోపణలను ఆయన తీవ్రంగా ఖండించారు. ఈ ఆరోపణలకు సాక్ష్యాలు చూపించగలరా? అని ప్రశ్నించారు.

ఐక్యరాజ్యసమితి/న్యూఢిల్లీ: ఐక్యరాజ్యసమితిలో అత్యున్నత విభాగం మానవ హక్కుల మండలి సభ్యత్వానికి జరిగిన ఎన్నికల్లో భారత్ ఎన్నికైంది. ఈ పదవీ కాలం మూడేళ్ల పాటుంటుంది. 2019 జనవరి 1వ తేదీ నుంచి 2021 వరకు భారత్‌కు మానవ హక్కుల సంస్థలో సభ్యత్వం ఉంటుంది. భారత్‌కు 188 ఓట్లు పోలయ్యాయి. ఐక్యరాజ్యసమితిలో 193 దేశాలకు సభ్యత్వం ఉంది. మానవ హక్కుల మండలిలో సభ్యత్వం కావాలంటే కనీసం 97 దేశాల మద్దతు ఉండాలి.