చెన్నై, మే 23: స్పాట్ ఫిక్సింగ్ కేసులో విచారణకు శుక్రవారం తమ ముందు హాజరుకావాలని చెన్నై సూపర్ కింగ్స్ చీఫ్ ఎగ్జిక్యూటివ్ అధికారి గురునాథ్ మెయ్యప్పన్‌ను ముంబయి పోలీసులు ఆదేశించారు. ఇప్పటికే బోట్ క్లబ్‌లోని గురునాథ్ ఇంటికి సమన్లు పంపారని ఇక్కడికి వచ్చిన ముంబయి క్రైమ్ బ్రాంచ్ అధికారులు వెల్లడించారు.

న్యూఢిల్లీ, మే 23: రోజుకో మలుపు తిరుగుతున్న స్పాట్ ఫిక్సింగ్ సంఘటన కారణంగా సిగ్గుతో తలదించుకుంటున్నానని కేంద్ర క్రీడాశాఖ మంత్రి జితేంద్ర సింగ్ వాపోయారు. గురువారం ఆయన విలేఖరులతో మాట్లాడుతూ క్రీడాభిమానిగా, క్రీడా శాఖ మంత్రిగా తాను ఈ సంఘటనను చూసి సిగ్గుపడాల్సి వస్తోందని అన్నారు.

టోక్యో, మే 22: లండన్ ఒలింపిక్స్ పురుషుల హ్యామర్ త్రోలో కాంస్య పతకాన్ని కైవసం చేసుకున్న జపాన్ అథ్లెట్ కొజి మరొఫుషికి కోర్టులో చుక్కెదురైంది. అంతర్జాతీయ ఒలింపిక్ మండలి (ఐఒసి) సభ్యుడిగా పోటీపడి తనను అనర్హుడిగా ప్రకటించడాన్ని సవాలు చేస్తూ అతను కోర్టును ఆశ్రయించాడు.

మెల్బోర్న్, మే 22: ట్విటర్‌లో ఇద్దరు జర్నలిస్టులపై అనుచిత వ్యాఖ్యలు చేసిన ఆస్ట్రేలియా బ్యాట్స్‌మన్ డేవిడ్ వార్నర్‌కు క్రికెట్ ఆస్ట్రేలియా (సిఎ) 5,750 డాలర్ల జరిమానా విధించింది. నిబంధనావళిని అతిక్రమించి వార్నర్ ప్రవర్తించాడని బుధవారం విడుదల చేసిన ప్రకటనలో సిఎ వ్యాఖ్యానించింది.