అంతర్జాతీయం
ఖతార్‌తో తెగతెంపులు
S ,7 à 8 RSCA (si SASPAS) et 6 cialis pharmacie cialis rapports de stage.
దుబాయ్, జూన్ 5: అరబ్ దేశాల మధ్య విభేదాలు మరింత ముదురుతున్నాయి. ఇస్లామిక్ ఉగ్రవాద గ్రూపులకు అండగా నిలవడంతోపాటు ఇరాన్‌తో సంబంధాలను కొనసాగిస్తున్న ఖతార్‌పై ఆగ్రహాన్ని వ్యక్తం చేస్తూ సోమవారం నాలుగు అరబ్ దేశాలు దౌత్య సంబంధాలను తెగతెంపులు చేసుకున్నాయి. ఖతార్ నుంచి తమ దౌత్య సిబ్బందిని ఉపసంహరించుకుంటున్నట్లు బహ్రెయిన్, ఈజిప్టు, సౌదీ అరేబియా, యునైటెడ్ అరబ్ ఎమిరేట్స్ (యుఎఇ) ప్రకటించాయి. వీటిలో సౌదీ అరేబియా మరో అడుగు ముందుకేసి యెమెన్‌లో కొనసాగుతున్న యుద్ధం నుంచి ఖతార్ బలగాలను ఉపసంహరిస్తామని స్పష్టం చేసింది. ఈ నాలుగు దేశాలు తమ భూభాగాలనుంచి ఖతార్ దౌత్య సిబ్బందిని వెనక్కి పంపేస్తున్నాయి. ఉగ్రవాద గ్రూపులకు నిధులను సమకూరుస్తున్నట్లు తమపై వస్తున్న ఆరోపణలను ఖతార్ ప్రభుత్వం గతంలోనే తోసిపుచ్చినప్పటికీ, నాలుగు దేశాలు దౌత్య సంబంధాలను తెగతెంపులు చేసుకోవడంపై ఇప్పటివరకూ స్పందించలేదు. ఖతార్ తీరుకు నిరసనగా ఆ దేశంతో విమానయాన, సముద్ర రవాణా సంబంధాలను కూడా తెగతెంపులు చేసుకోవాలని భావిస్తున్నట్లు ఈ దేశాలు స్పష్టం చేయగా, ఖతార్‌తో తమ సరిహద్దును మూసేస్తామని సౌదీ ప్రకటించింది. ఇదే గనుక జరిగితే అరేబియా ద్వీపకల్పంలోని ఇతర దేశాలతో ఖతార్‌కు సంబంధాలు తెగిపోతాయి.
Related Articles
రోమ్, మార్చి 22: ప్రపంచవ్యాప్తంగా కరోనా వైరస్ తీవ్రత మరింత జఠిలంగా మారుతోంది. దాదాపు 100 కోట్ల మంది ఇళ్లకే పరిమితమైపోయే పరిస్థితి తలెత్తింది. ఇప్పటివరకు మరణించినవారి సంఖ్య 13,444కు పెరిగింది. దాదాపు 170 దేశాల్లో ఈ వ్యాధి తీవ్రత పెరుగుతోంది. దాదాపు 35 దేశాలు లాక్ డౌన్ పరిస్థితిలోకి వెళ్లిపోయాయి.
వాషింగ్టన్: చైనా కరోనా వైరస్ విషయంలో చాలా గోప్యంగా వ్యవహరించిందని, ఈ సమాచారాన్ని సకాలంలో ప్రపంచ దేశాలతో పంచుకోలేదని అమెరికా అధ్యక్షుడు డొనాల్డ్ ట్రంప్ విమర్శించారు.
వాషింగ్టన్: కరోనా వైరస్ భయంతో అమెరికా వణికిపోతున్నది. విదేశాల నుంచి వచ్చే వారి సంఖ్యను పరిమితం చేసే దిశగా చర్యలు చేపట్టింది. అదేవిధంగా వివిధ కార్యక్రమాలనూ రద్దు చేసుకుంది. అందులో భాగంగానే స్పెయిన్ రాజు ఫెలిప్-6, రాణి లెటిజియా పర్యటనకు బ్రేక్ వేసింది.
కరోనా వైరస్ దెబ్బకు కరచాలనాలు, ఆలింగనాలు పోయి నమస్తే పెట్టడం అలవాటవుతోంది. విదేశాల్లోనూ ‘నమస్తే’ సంప్రదాయాన్ని పాటిస్తున్నారు. జకార్తాలో నెదర్లాండ్స్ రాజు విలియమ్ అలెగ్జాండర్, ఇండోనేషియా విదేశాంగ మంత్రి రెంటో మర్సూదీ ఒకరినొకరు ‘నమస్తే’తో పలకరించుకున్నారు
బార్సిలోనా, మార్చి 15: ప్రాణాంతక మహమ్మారి కరోనా వైరస్ వ్యాప్తిని కట్టడి చేయలేక ప్రపంచ దేశాలు కకావికలవుతున్నాయి. దాదాపు అన్ని దేశాలను కమ్ముకుని ఈ వైరస్ ఇప్పటివరకు దాదాపు 6వేల మందిని బలిగొంది. ప్రపంచవ్యాప్తంగా 1.50 లక్షలకు పైగా ఈ ప్రాణాంతక వ్యాధి సోకి అల్లాడుతున్నారు.