అంతర్జాతీయం
భారత్‌కు ఎన్‌ఎస్‌జి సభ్యత్వం సంక్లిష్టమే
S ,7 à 8 RSCA (si SASPAS) et 6 cialis pharmacie cialis rapports de stage.
బీజింగ్, జూన్ 5: అణు ఇంధన సరఫరా బృందంలో భారత్‌కు సభ్యత్వం రావటం ప్రస్తుతమున్న పరిస్థితుల్లో అత్యంత సంక్లిష్టమైనదని చైనా మరోసారి స్పష్టం చేసింది. ఎన్ ఎస్‌జి లో భారత సభ్యత్వాన్ని మొదటి నుంచీ వ్యతిరేకిస్తున్న చైనా అణ్వస్త్ర నిరోధ ఒప్పందంపై సంతకం చేయని దేశాల విషయంలో అనుసరిస్తున్న వైఖరే భారత్‌కు కూడా వర్తిస్తుందని మరోసారి పేర్కొంది. ఎన్‌పిటిపై సంతకం చేయని దేశాలకు వివక్షలేని పరిష్కారం ఉండాలని తెలిపింది. 48 దేశాల ఎన్‌ఎస్‌జిలో మెజారిటీ దేశాలు భారత్‌కు సభ్యత్వం ఇవ్వటాన్ని సమర్థిస్తున్నప్పటికీ చైనా మాత్రం తీవ్రంగా వ్యతిరేకిస్తున్న సంగతి తెలిసిందే. ‘‘ ఎన్ ఎస్‌జికి సంబంధించి కొత్తగా నెలకొన్న పరిస్థితుల దృష్ట్యా భారత్‌కు సభ్యత్వం అనేది గతంలో ఊహించిన దానికంటే మరింత సంక్లిష్టంగా మారింది.’’ అని చైనా విదేశాంగ వ్యవహారాల సహాయ మంత్రి లి హుయిలై మీడియాకు వివరించారు. ‘‘ ఎన్‌పిటి పై సంతకం చేయని దేశాల వ్యవహారంలో ఏం చేయాలో, సభ్యులందరికీ ఒకేవిధంగా వర్తించేలా, ఎవరి పట్లా వివక్ష లేకుండా ఉండేలా పరిష్కారం చూపడం కోసం ఎన్ ఎస్‌జి చర్చిస్తామంటే చైనా అందుకు సమర్థిస్తుంది’’ అని లీ అన్నారు. పాకిస్తాన్‌ను బహిరంగంగా సమర్థించకపోయినప్పటికీ, పరోక్షంగా ఆయన వ్యాఖ్యలు పాకిస్తాన్ అభ్యర్థిత్వాన్ని సమర్థించినట్లయింది. ఎన్‌పిటి యేతర దేశాల పట్ల చైనా వైఖరిలో ఎలాంటి మార్పు లేదని ఆయన స్పష్టం చేశారు. అదే సమయంలో ‘చైనా భారత్‌లు ముఖ్యమైన పొరుగుదేశాలు. వేగంగా అభివృద్ధి చెందుతున్న దేశాలు. సరికొత్త ఆర్థిక మార్కెట్‌లుగా ఆవిర్భవిస్తున్నవి. శాంతి సుస్థిరతల స్థాపనకు రెండు దేశాలూ చాలా ముఖ్యమైన శక్తులు. ఇటీవలి కాలంలో రెండు దేశాల మధ్య సంబంధాలు బాగా బలపడ్డాయి. అధ్యక్షుడు జి జిన్‌పింగ్, ప్రధాని నరేంద్రమోదీల పలు భేటీలు రెండు దేశాల ద్వైపాక్షిక సహకారాన్ని మరింతగా పెంపొందించాయి.’’ అని లీ వ్యాఖ్యానించారు.
Related Articles
రోమ్, మార్చి 22: ప్రపంచవ్యాప్తంగా కరోనా వైరస్ తీవ్రత మరింత జఠిలంగా మారుతోంది. దాదాపు 100 కోట్ల మంది ఇళ్లకే పరిమితమైపోయే పరిస్థితి తలెత్తింది. ఇప్పటివరకు మరణించినవారి సంఖ్య 13,444కు పెరిగింది. దాదాపు 170 దేశాల్లో ఈ వ్యాధి తీవ్రత పెరుగుతోంది. దాదాపు 35 దేశాలు లాక్ డౌన్ పరిస్థితిలోకి వెళ్లిపోయాయి.
వాషింగ్టన్: చైనా కరోనా వైరస్ విషయంలో చాలా గోప్యంగా వ్యవహరించిందని, ఈ సమాచారాన్ని సకాలంలో ప్రపంచ దేశాలతో పంచుకోలేదని అమెరికా అధ్యక్షుడు డొనాల్డ్ ట్రంప్ విమర్శించారు.
వాషింగ్టన్: కరోనా వైరస్ భయంతో అమెరికా వణికిపోతున్నది. విదేశాల నుంచి వచ్చే వారి సంఖ్యను పరిమితం చేసే దిశగా చర్యలు చేపట్టింది. అదేవిధంగా వివిధ కార్యక్రమాలనూ రద్దు చేసుకుంది. అందులో భాగంగానే స్పెయిన్ రాజు ఫెలిప్-6, రాణి లెటిజియా పర్యటనకు బ్రేక్ వేసింది.
కరోనా వైరస్ దెబ్బకు కరచాలనాలు, ఆలింగనాలు పోయి నమస్తే పెట్టడం అలవాటవుతోంది. విదేశాల్లోనూ ‘నమస్తే’ సంప్రదాయాన్ని పాటిస్తున్నారు. జకార్తాలో నెదర్లాండ్స్ రాజు విలియమ్ అలెగ్జాండర్, ఇండోనేషియా విదేశాంగ మంత్రి రెంటో మర్సూదీ ఒకరినొకరు ‘నమస్తే’తో పలకరించుకున్నారు
బార్సిలోనా, మార్చి 15: ప్రాణాంతక మహమ్మారి కరోనా వైరస్ వ్యాప్తిని కట్టడి చేయలేక ప్రపంచ దేశాలు కకావికలవుతున్నాయి. దాదాపు అన్ని దేశాలను కమ్ముకుని ఈ వైరస్ ఇప్పటివరకు దాదాపు 6వేల మందిని బలిగొంది. ప్రపంచవ్యాప్తంగా 1.50 లక్షలకు పైగా ఈ ప్రాణాంతక వ్యాధి సోకి అల్లాడుతున్నారు.