అంతర్జాతీయం
నేపాల్ ప్రధానిగా షేర్ బహదూర్ దేవుబా
S ,7 à 8 RSCA (si SASPAS) et 6 cialis pharmacie cialis rapports de stage.
ఖాట్మండు, జూన్ 7: నేపాల్ కొత్త ప్రధానిగా షేర్ బహదూర్ దేవుబా ఎన్నికయ్యారు. నేపాల్ కాంగ్రెస్ పార్టీ అధ్యక్షుడైన దేవుబా ప్రధాని పదవి చేపట్టడం ఇది నాలుగోసారి. నేపాల్ మావోయిస్టు పార్టీ అధినేత పుష్ప కమల్ దహల్ అలియాస్ ప్రచండ స్థానంలో దేవుబాను పార్లమెంటు ఎన్నుకుంది. అధికార మార్పిడిలో భాగంగా తొమ్మిది నెలలు ప్రధానిగా పనిచేసిన ప్రచండ ఇటీవలే తన పదవికి రాజీనామా చేశారు. నేపాల్ కాంగ్రెస్ పార్టీ అధ్యక్షుడు షేర్ బహదూర్ దేవుబా (70) కొత్త ప్రధానిగా బాధ్యతల చేపట్టారు. దేశాధ్యక్షురాలు విద్యాదేవి భండారీ ఆయనతో ప్రమాణ స్వీకారం చేయించారు. మంగళవారమే దేవుబాను పార్లమెంటు నాయకునిగా ఎన్నికయ్యారు. నేపాల్‌కు ఆయన 40వ ప్రధాన మంత్రి. 601 మంది సభ్యులుగల పార్లమెంటులో 558 ఓట్లు పోలవ్వగా దేవుబాకు 388 ఓట్లు వచ్చాయి. ప్రధాని పదవికి ఆయనొక్కరే పోటీచేశారు. దేవుబా విద్యాధికుడు. న్యూఢిల్లీలోని జవహర్‌లాల్ నెహ్రూ విశ్వవిద్యాలయం 2016లో ఆయనకు డాక్టరేట్ ప్రదానం చేసింది. నేపాల్ కష్టాల్లో ఉన్న ప్రతిసారీ పదవి చేపట్టి సమర్థవంతంగా పనిచేశారన్న పేరుం ది. భారత్‌లోని పలువురు ప్రముఖ నాయకులతో దేవుబాకు మంచి సం బంధాలు ఉన్నాయి. నేపాల్ రాజ్యాం గ సవరణ విషయంలో ఆయన కీలక భూమిక పోషించారు. 1995-97, 2001-2002, 2004-2005లో ప్రధానిగా పనిచేశారు.
Related Articles
రోమ్, మార్చి 22: ప్రపంచవ్యాప్తంగా కరోనా వైరస్ తీవ్రత మరింత జఠిలంగా మారుతోంది. దాదాపు 100 కోట్ల మంది ఇళ్లకే పరిమితమైపోయే పరిస్థితి తలెత్తింది. ఇప్పటివరకు మరణించినవారి సంఖ్య 13,444కు పెరిగింది. దాదాపు 170 దేశాల్లో ఈ వ్యాధి తీవ్రత పెరుగుతోంది. దాదాపు 35 దేశాలు లాక్ డౌన్ పరిస్థితిలోకి వెళ్లిపోయాయి.
వాషింగ్టన్: చైనా కరోనా వైరస్ విషయంలో చాలా గోప్యంగా వ్యవహరించిందని, ఈ సమాచారాన్ని సకాలంలో ప్రపంచ దేశాలతో పంచుకోలేదని అమెరికా అధ్యక్షుడు డొనాల్డ్ ట్రంప్ విమర్శించారు.
వాషింగ్టన్: కరోనా వైరస్ భయంతో అమెరికా వణికిపోతున్నది. విదేశాల నుంచి వచ్చే వారి సంఖ్యను పరిమితం చేసే దిశగా చర్యలు చేపట్టింది. అదేవిధంగా వివిధ కార్యక్రమాలనూ రద్దు చేసుకుంది. అందులో భాగంగానే స్పెయిన్ రాజు ఫెలిప్-6, రాణి లెటిజియా పర్యటనకు బ్రేక్ వేసింది.
కరోనా వైరస్ దెబ్బకు కరచాలనాలు, ఆలింగనాలు పోయి నమస్తే పెట్టడం అలవాటవుతోంది. విదేశాల్లోనూ ‘నమస్తే’ సంప్రదాయాన్ని పాటిస్తున్నారు. జకార్తాలో నెదర్లాండ్స్ రాజు విలియమ్ అలెగ్జాండర్, ఇండోనేషియా విదేశాంగ మంత్రి రెంటో మర్సూదీ ఒకరినొకరు ‘నమస్తే’తో పలకరించుకున్నారు
బార్సిలోనా, మార్చి 15: ప్రాణాంతక మహమ్మారి కరోనా వైరస్ వ్యాప్తిని కట్టడి చేయలేక ప్రపంచ దేశాలు కకావికలవుతున్నాయి. దాదాపు అన్ని దేశాలను కమ్ముకుని ఈ వైరస్ ఇప్పటివరకు దాదాపు 6వేల మందిని బలిగొంది. ప్రపంచవ్యాప్తంగా 1.50 లక్షలకు పైగా ఈ ప్రాణాంతక వ్యాధి సోకి అల్లాడుతున్నారు.