రాష్ట్రీయం
రాజధానికి మెడ్‌టెక్
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, జూన్ 7: ఫార్మా రంగంలోనే నంబర్ వన్ స్థానాన్ని ఆక్రమించిన హైదరాబాద్ సిగలో ఇదే రంగానికి చెందిన మరో కలికితురాయి చేరబోతుంది. దేశ విదేశాలకు ఇక్కడ తయారు చేస్తున్న ఫార్మాస్యూటికల్స్ (ఔషధ ఉత్పత్తులు) ఎగుమతి అవుతున్నప్పటికీ, వైద్య పరికరాలను మాత్రం విదేశాలనుంచి దిగుమతి చేసుకోవాల్సి వస్తుంది. ఇకనుంచి అలాంటి పరిస్థితి తలెత్తకుండా వైద్య పరికరాలను సైతం హైదరాబాద్‌లోనే తయారు చేయడానికి మెడ్ టెక్ పార్క్ ఏర్పాటుకు ప్రభుత్వం శ్రీకారం చుట్టింది. హైదరాబాద్ నగర శివారు పటాన్‌చెరు సమీపంలోని సుల్తాన్‌పూర్‌లో 250 ఎకరాల విస్తీర్ణంలో మెడ్ టెక్ పార్క్‌కు ఈనెల 17 ప్రారంభించనున్నట్టు ఐటీ మంత్రి కె తారకరామారావు వెల్లడించారు. హైదరాబాద్‌లో ఇప్పటికే వైద్యరంగం పరిశోధనల్లో నైపుణ్యం, ఇంజనీరింగ్ ప్రతిభ కలిగి ఉండటంతో మెడ్ టెక్ పార్క్ ఏర్పాటుకు అన్ని విధాలుగా అనుకూలంగా ఉందని మంత్రి పేర్కొన్నారు. మెడ్ టెక్ పార్క్‌లో తయారు చేసే వైద్య (ఎలక్ట్రానిక్స్, ప్లాస్టిక్, మెటల్) ఉపకరణాలకు అంతర్జాతీయ మార్కెట్ ఉంటుందని మంత్రి కెటిఆర్ అన్నారు. దేశంలోని మహానగరాలలో ఒకటి, అంతర్జాతీయ విమానాశ్రయంతోపాటు గ్లోబల్ మార్కెటింగ్‌కు అవకాశాలు, స్థానికంగా వైద్యరంగానికి సంబంధించిన విద్యా, పరిశోధన, అభివృద్ధి వనరులు కలిగి ఉండటంతో మెడ్‌టెక్ పార్క్‌కు ప్రపంచ దృష్టిని ఆకర్షించనుందన్నారు. రాష్ట్ర ప్రభుత్వం నూతనంగా ప్రవేశపెట్టిన పారిశ్రామిక విధానం, ప్రభుత్వ తోడ్పాటు అన్నీ మెడ్‌టెక్ పార్క్ రాణించడానికి దోహదం చేస్తాయని మంత్రి కెటిఆర్ అభిప్రాయపడ్డారు. హైదరాబాద్ ట్రిపుల్ ఐటి సాంకేతిక సహకారాన్ని అందించనుందన్నారు. మెడ్‌టెక్ పార్క్ సెబి కేటగిరి కిందకు వస్తుందని, ఈ స్టార్టప్‌కు ఒక నిధిని ఏర్పాటు చేసి ప్రభుత్వం ఆర్థిక సహకారాన్ని అందించనుందని మంత్రి వివరించారు.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.