ఫోకస్
దీర్ఘకాలంలో మేలే
S ,7 à 8 RSCA (si SASPAS) et 6 cialis pharmacie cialis rapports de stage.
స్వాతంత్య్రానంతరం దేశంలో చేపట్టిన ఆర్థిక సంస్కరణల్లో వస్తు, సేవల పన్ను అమలు చాలా కీలకమైంది. చాలాకాలంగా దేశమంతటా ఒకే పన్ను విధానం అమల్లోకి తేవాలన్న ప్రయత్నం జూన్ 30 అర్ధరాత్రినుంచి అమల్లోకి రానుంది. ఇది దేశ చరిత్రలో సువర్ణాక్షరాలతో లిఖించదగిన సందర్భం. పన్ను విధింపు, వసూళ్లలో పారదర్శకత పెరుగుతుంది. జిఎస్‌టి అమల్లో తొలినాళ్లలో రాష్ట్రానికి కొంత మేర ఆదాయం తగ్గుతుంది. అయితే దీర్ఘకాలంతో ఇది మేలు చేస్తుంది. ఆదాయం నష్టపోయినప్పటికీ, దానిని భర్తీ చేసే ఏర్పాటు కూడా జిఎస్‌టి చట్టంలో ఉంది. అన్ని రాష్ట్రాల నుంచి సెస్ వసూలు చేస్తారు. దాని నుంచి రాష్ట్రాలు కోల్పోయిన ఆదాయాన్ని కొన్ని ఇతర అంశాల ఆధారంగా చెల్లిస్తారు. తొలి సంవత్సరం రాష్ట్రానికి దాదాపు 2900 కోట్ల మేర ఆదాయం తగ్గుతుందని అంచనా వేస్తున్నాం. జిఎస్‌టి కౌన్సిల్‌లో ఎపి ప్రభుత్వం చేసిన వాదనల కారణంగా చాలా వస్తువులపై పన్ను తగ్గింది. ఇంకా మరికొన్ని వస్తువులపై పన్ను తగ్గించాల్సి ఉంది. వచ్చే సమావేశంలో కూడా వాటిపై చర్చ జరపుతాం. తగ్గించే ప్రయత్నం చేస్తాం. ఇతర దేశాలతో పోలిస్తే జిఎస్‌టి చాలా ఎక్కువగా ఉందన్న వాదన సరికాదు. దేశంలో ప్రాంతాల వారీగా వివిధ వస్తువుల ఉత్పత్తి, వాడకంలో తేడాలున్నాయి. 28 శాతం పన్ను శ్లాబ్‌లో కేవలం నాలుగు లగ్జరీ వస్తువులే ఉన్నాయి. అందువల్ల ఆ శ్లాబ్ వల్ల సామాన్యులపై ప్రభావం ఏమీ ఉండదు. ఇప్పటికే రాష్ట్రంలో జిఎస్‌టి అమలుకు సంబంధించి నోటిఫికేషన్లు జారీ చేశాం. అమలుకు సంసిద్ధంగా ఉన్నాం. వ్యాపారులను అధికారులు వేధిస్తే, కఠిన చర్యలు తీసుకుంటాం. జిఎస్‌టి అమలుకు అన్ని వర్గాలు సహకరించాలి.
- యనమల రామకృష్ణుడు
ఎపి రాష్ట్ర ఆర్థిక శాఖ మంత్రి
Related Articles
రెండు తెలుగు రాష్ట్రాలూ అభివృద్ధిలో పోటీ పడుతున్నాయి. ఈజ్ ఆఫ్ డూయింగ్ బిజినెస్‌లో నువ్వా నేనా చందంగా ఇరు తెలుగు రాష్ట్రాలూ పోటీపడటం మొత్తం దేశానే్న ఆశ్చర్యపరిచింది. రాష్ట్ర పునర్విభజన అనంతరం తెలంగాణ ఆర్ధికంగా పటిష్టస్థానంలో ఉండగా, ఆంధ్రప్రదేశ్ ఆర్థిక స్థితిలో తెలంగాణకు వెనుక నిలిచింది.
మన దేశంలో తలసరి ఆదాయం లెక్కింపులో శాస్ర్తియత లేదు. దీనికి కారణం మన సమాజంలో ఉన్న హెచ్చుతగ్గులే. నెలకు ఒకరి ఆదాయం వెయ్యి రూపాయలు, మరొకరి ఆదాయం 10 వేలు, ఇంకొకరి ఆదాయం లక్ష రూపాయలు, మరొకరి ఆదాయం కోటి రూపాయలు ఉంటే వీరందరి ఆదాయాన్ని కలిపి తలసరి ఆదాయంగా లెక్కవేస్తున్నారు.
అభివృద్ధి అనేది నిరంతర ప్రక్రియ. హైదరాబాద్‌ను ఉదాహరణగా తీసుకుంటే నగరం ఒక్క ఏడాదిలో అభివృద్ధి చెందలేదు. అనేక వందల సంవత్సరాలుగా అభివృద్ధి చెందుతూ వస్తోంది.
తెలుగు రాష్ట్రాలు పారిశ్రామికాభివృద్ధిలో, పెట్టుబడుల ఆకర్షణలో పోటీపడుతుండగా ఈ పోటీలో తెలంగాణ రాష్ట్రం సీఎం కెసిఆర్ ప్రభుత్వం అమలు చేస్తున్న నూతన పారిశ్రామిక విధానాలతో పారిశ్రామిక ప్రగతిలో దూసుకుపోతుంది.
ఉమ్మడి రాష్ట్రం విభజన జరిగిన తరువాత నవ్యాంధ్రలో ఇప్పుడిప్పుడే పారిశ్రామికాభివృద్ధి పురోగతి సాధిస్తోంది. ఉమ్మడి రాష్ట్రంలో హైదరాబాద్‌కే పరిమితమైన పారిశ్రామికాభివృద్ధి, ఇప్పుడు వికేంద్రీకరణ దిశగా అడుగులు వేస్తోంది.