రాష్ట్రీయం
తొలగిన అడ్డంకి
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, జూన్ 28: పాలమూరు రంగారెడ్డి ఎత్తిపోతల స్కీంకు సంబంధించి చెన్నైలోని నేషనల్ గ్రీన్ ట్రిబ్యునల్ ఇచ్చిన ఆదేశాలపై హైకోర్టు స్టే మంజూరు చేసింది. ప్రాజెక్టు మొదటి దశ కింద ఇరిగేషన్ లేదా మంచినీటి కోసం వినియోగిస్తున్నారా? లేదా? అనే అంశాన్ని ధృవీకరించేందుకు నేషనల్ గ్రీన్ కమిషన్ ఒక ఇండిపెండెంట్ కమిషన్‌ను ఏర్పాటు చేసింది. ట్రిబ్యునల్ ఆదేశాలను తెలంగాణ రాష్ట్ర ప్రభుత్వం హైకోర్టులో సవాలు చేసింది. పిటిషన్‌ను తాత్కాలిక ప్రధాన న్యాయమూర్తి జస్టిస్ రమేష్ రంగనాథన్, జస్టిస్ టి రజనితో కూడిన ధర్మాసనం విచారించి ఆదేశాలిచ్చింది. కాగా కమిషన్‌లో సాగునీటి రంగ నిపుణులు లేనందువల్ల కమిషన్ ఏర్పాటు సబబుకాదని రాష్ట్ర ప్రభుత్వం తన పిటిషన్‌లో పేర్కొంది. ఈ ఏడాది మే 30న ఎన్‌జిటి ఇండిపెండెంట్ కమిషన్‌ను ఏర్పాటు చేస్తున్నట్టు ఆదేశాలు వెలువరించడం తెలిసిందే. బి హర్షవర్ధన్ రెడ్డి అనే వ్యక్తి దాఖలు చేసిన పిటిషన్‌పై ఎన్‌జిటి ఈ ఆదేశాలను ఇచ్చింది. పర్యావరణ, అటవీ శాఖలు అనుమతిలేకుండా 279 హెక్టార్ల అటవీ భూముల్లో ప్రాజెక్టు మొదటి దశ నిర్మాణం పనులు చేపట్టడాన్ని సవాలు చేస్తూ హర్షవర్దన్ రెడ్డి పిటిషన్ దాఖలు చేశారు. హర్షవర్దన్ రెడ్డికి సంబంధించిన న్యాయవాది హైకోర్టులో వాదనలు వినిపిస్తూ ఎన్‌జిటి 22వ సెక్షన్ కింద ట్రిబ్యునల్ ఆదేశాలను సుప్రీం కోర్టులో సవాలు చేయాలని, హైకోర్టులో కాదని తెలిపారు. కాగా ఎన్‌జిటి తదుపరి ఆదేశాల్లో కమిషన్‌లో ఇరిగేషన్ రంగ నిపుణుడిని నియమించే వరకు తాము ఇచ్చిన స్టే ఆర్డర్ కొనసాగుతుందని హైకోర్టు స్పష్టం చేసింది.
టిఎస్‌పిఎస్‌సి గ్రూప్-1 పరీక్షపై పిటిషన్ స్వీకరించిన హైకోర్టు
గత ఏడాది సెప్టెంబర్ 14 నుంచి 24 వరకు తెలంగాణ పబ్లిక్ సర్వీసు కమిషన్ నిర్వహించిన గ్రూప్-1 పరీక్షలకు సంబంధించి ప్రకటించిన ప్రొవిజనల్ లిస్టును సవాలు చేస్తూ దాఖలైన పిటిషన్‌ను హైకోర్టు విచారణ నిమిత్తం స్వీకరించింది. డి శ్రీకాంత్ తదితరులు దాఖలు చేసిన పిటిషన్‌ను హైకోర్టు న్యాయమూర్తి జస్టిస్ ఎంఎస్ రామచంద్రరావు స్వీకరించారు. కేసులో పిటిషనర్ల తరఫున న్యాయవాది బి రచనారెడ్డి వాదనలు వినిపించారు. అనంతరం కేసు విచారణను మూడు వారాలపాటు వాయిదా వేశారు.
ఆన్‌లైన్ రమీపై..
తదుపరి ఆదేశాలు జారీ చేసే వరకు తెలంగాణ రాష్ట్రం వెలుపల నుంచి ఆన్‌లైన్ రమీ గేమ్‌ను నిర్వహణకు అనుమతించాలని హైకోర్టు ధర్మాసనం బుధవారం తెలంగాణ ప్రభుత్వాన్ని ఆదేశించింది. ఈనెల 17న ఆన్‌లైన్ రమీ గేమ్‌ను నిషేధిస్తూ రాష్ట్ర ప్రభుత్వం ఆర్డినెన్స్‌ను జారీ చేసింది. అనంతరం ఈ కేసులో వచ్చే సోమవారం ప్రభుత్వ వాదనలు వింటామని హైకోర్టు పేర్కొంది.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.