జాతీయ వార్తలు
సమగ్ర నివేదిక ఇవ్వండి
S ,7 à 8 RSCA (si SASPAS) et 6 cialis pharmacie cialis rapports de stage.
న్యూఢిల్లీ, జూలై 5: పశ్చిమ బెంగాల్‌లోని ఉత్తర 24 పరగణాల జిల్లాలో జరిగిన మత ఘర్షణలపై కేంద్ర హోమ్ మంత్రి రాజ్‌నాథ్ సింగ్ స్పందించారు. గవర్నర్ కేసరీనాథ్ త్రిపాఠి, ముఖ్యమంత్రి మమతా బెనర్జీతో బుధవారం రాజ్‌నాథ్ మాట్లాడారు. ఫేస్‌బుక్‌లో పోస్టుచేసిన అభ్యంతరకరమైన వ్యాఖ్యల నేపథ్యంలో మతఘర్షణలు తలెత్తాయి. హుటాహుటిన సాయుధ దళాలను జిల్లాకు తరలించి సాధారణ పరిస్థితులు నెలకొనేలా చర్యలు చేపట్టారు. అయితే ఈ మొత్తం వ్యవహారంపై సమగ్ర నివేదిక ఇవ్వాలంటూ హోమ్ మంత్రి రాజ్‌నాథ్ పశ్చిమ బెంగాల్ ప్రభుత్వాన్ని ఆదేశించారు. గవర్నర్ త్రిపాఠి, ముఖ్యమంత్రి మమతా బెనర్జీతో ఆయన విడివిడిగా ఫోన్ చేసి మాట్లాడారు. పరిస్థితి చక్కదిద్దడానికి చర్యలు తీసుకోవాలని సూచించారు. నార్త్ 24 పరగణాల జిల్లాలో తలెత్తిన ఘర్షణలకు సంబంధించి గవర్నర్, సిఎంలు హోమ్ మంత్రికి వివరణ ఇచ్చినట్టు తెలిసింది. అలాగే విభేదాలకు స్వస్తిచెప్పి సమష్టిగా పనిచేయాలని త్రిపాఠి, మమతలకు రాజ్‌నాథ్ స్పష్టం చేశారు. గవర్నర్ త్రిపాఠి తనను అవమానించే రీతిలో మాట్లాడారని ముఖ్యమంత్రి ఆరోపించిన సంగతి తెలిసిందే. శాంతిభద్రతలు క్షీణించాయంటూ గవర్నర్ చేసిన నిందారోపణలు తనను ఎంతో బాధించాయని మమతా బెనర్జీ మంగళవారం మీడియా సమావేశంలో తెలిపారు. మమత బెనర్జీ వ్యాఖ్యలను ఖండిస్తూ రాజ్‌భవన్ నుంచి ఓ ప్రకటన విడుదలైంది. శాంతిభద్రతలు పరిరక్షించాల్సిన బాధ్యత గవర్నర్‌కు ఉందని స్పష్టం చేశారు. కాగా నార్త్ 24 పరగణాల జిల్లాలో మంగళవారం రాత్రి మతఘర్షణలు చోటుచేసుకున్నాయి. తక్షణం 400 బిఎస్‌ఎఫ్ కంపెనీలను సంఘటనా స్థలానికి పంపారు. అలాగే డార్జిలింగ్‌లో పరిస్థితిపై రాజ్‌నాథ్ గవర్నర్, ముఖ్యమంత్రిని ఆరా తీసినట్టు తెలిసింది. ప్రత్యేక గూర్ఖాలాండ్ రాష్ట్రంకోసం చేపట్టిన నిరవధిక సమ్మె బుధవారానికి 21వ రోజుకు చేరుకుంది.
Related Articles
న్యూఢిల్లీ: దేశ రాజ్యాంగ నిర్మాణ శిల్పి డాక్టర్ బీఆర్ అంబేద్కర్ బోధనలను అనుసరించండి అని రాష్ట్రపతి రాంనాథ్ కోవింద్ దేశ ప్రజలకు పిలుపునిచ్చారు. బలమైన, సంపన్నమైన భారత దేశాన్ని సృష్టించడానికి దోహదం చేయాలని ఆయన కోరారు.
న్యూఢిల్లీ, ఏప్రిల్ 13: దేశ వ్యాప్తంగా అత్యంత కట్టుదిట్టంగా అమలవుతున్న లాక్ డౌన్ వల్ల కరోనా వైరస్ అదుపులోకి వస్తున్న సూచనలు కనిపిస్తున్నాయి. దేశ వ్యాప్తంగా 15 రాష్ట్రాల్లోని 25 జిల్లాల్లో గత 14 రోజులుగా కొత్తగా ఎలాంటి కేసు నమోదు కాలేదని కేంద్ర ఆరోగ్య మంత్రిత్వ శాఖ సోమవారం ప్రకటించింది.
న్యూఢిల్లీ, ఏప్రిల్ 13: కోవిడ్-19 కారణంగా స్వదేశాలకు వెళ్లలేకపోయిన విదేశీయులకు వీసా, ఈ-వీసా పరిమితి గడువును పెంచుతూ కేంద్ర హోం మంత్రిత్వ శాఖ వెసులుబాటును కల్పించింది. ఈ మేరకు సోమవారం ఒక అధికారిక ప్రకటనను విడుదల చేసింది.
న్యూఢిల్లీ, ఏప్రిల్ 13: అసలే కరోనా మహామ్మారితో దేశ ప్రజలే కాదు యావత్ ప్రజలు తల్లడిల్లుతుంటే సోమవారం ఢిల్లీ ప్రజలను భూకంపం వణికించింది. అయితే భూకంపం తీవ్రత (2.7) స్వల్పంగా ఉండడంతో ఆస్తి, ప్రాణ నష్టమేమీ జరగలేదు.
న్యూఢిల్లీ, ఏప్రిల్ 13: దేశంలో కరోనా వైరస్ కేసులు పెరుగుతున్న దృష్ట్యా కేంద్ర ప్రభుత్వం మంగళవారంతో ముగుస్తున్న 21 రోజుల లాక్‌డౌన్‌ను ఈ నెలాఖరు వరకు పొడిగించే అవకాశాలున్నాయ.