ఫోకస్
మాఫియాపై ఉక్కుపాదం
S ,7 à 8 RSCA (si SASPAS) et 6 cialis pharmacie cialis rapports de stage.
డ్రగ్ మాఫియా దేశానికి చీడపురుగు. యువతను నిర్వీర్యం చేస్తోంది. కఠినమైన చట్టాలు తెచ్చి మాదకద్రవ్యాల అమ్మకాలకు పాల్పడేవారిపై ఉక్కుపాదం మోపాలి. ఇటీవల హైదరాబాద్‌లో వెలుగుచూసిన డ్రగ్ మాఫియాను చూస్తే ఆందోళన కలుగుతోంది. పాఠశాల విద్యార్థులు, టీనేజి కుర్రాళ్లు మొదలుకుని ఇంజనీరింగ్ కాలేజీ విద్యార్థులు, ఐటి కంపెనీల్లో పనిచేసే ఉద్యోగులు, సినీ పరిశ్రమకు చెందినవారు మాదకద్రవ్యాలకు బానిసైనట్లు వార్తలు వస్తున్నాయి. పోలీసు శాఖ, ఎక్సైజ్ శాఖ, వైద్య శాఖ, యువజన సంక్షేమ శాఖ, మహిళా శిశుసంక్షేమ శాఖలు సమన్వయంతో పనిచేసి డ్రగ్స్ బారిన పడిన యువత సరైన దారిలో నడిచేటట్లు చర్యలు తీసుకోవాలి. వారికి కౌనె్సలింగ్ ఇవ్వాలి. వారిని ప్రేమతో దగ్గరకు తీసుకుని డ్రగ్స్‌వల్ల వచ్చే చెడును వివరించాలి. అంతేకాని డ్రగ్స్ బారినపడిన యువతను బెదిరించడంవల్ల ఉపయోగంలేదు. వారు మరింత నిరాశ నిస్పృహలకు లోనవుతారు. డ్రగ్ మాఫియాకు పాల్పడే వారిపై నిఘా పెట్టాలి. పోలీసు, ఎక్సైజ్ శాఖలు, కాలేజి యాజమాన్యాలు ఉమ్మడిగా పనిచేయాలి. పాత నేరగాళ్ల కదలికలపై దృష్టి పెట్టాలి. తక్కువ పెట్టుబడితో ఎక్కువ ఆదాయం వచ్చే వ్యాపారం డ్రగ్ మాఫియా. అంతర్జాతీయంగా ఈ వ్యాపారానికి నెట్‌వర్క్ ఉంటుంది. ఇరుగు పొరుగు రాష్ట్రాలతో పోలీసులు కలిసి పనిచేయాలి. ఇకపోతే తల్లితండ్రులు కూడా తమ పిల్లలకు అడిగినంత డబ్బు ఇచ్చి వారి బాగోగులను పట్టించుకోవడం లేదు. దీనివల్ల తీవ్రమైన అనర్థాలు కలుగుతున్నాయి. వారికి మంచి ప్రేమను అందించాలి. అదే సమయంలో వారికి జీవితపై భరోసా ఇవ్వాలి. అంతేకాని పిల్లల పట్ల కఠినంగా ఉండరాదు. తాము చెప్పినట్లుగా నడుచుకోలేదని పిల్లలను నిర్బంధానికి గురిచేయరాదు. వారిలో మానసిక ఉల్లాసం కలిగించేందుకు చర్యలు తీసుకోవాలి. పిల్లలు దర్వ్యసనాల బారినపడకుండా పెద్దలు అప్రమత్తతతో ఉండాలి.
Related Articles
రెండు తెలుగు రాష్ట్రాలూ అభివృద్ధిలో పోటీ పడుతున్నాయి. ఈజ్ ఆఫ్ డూయింగ్ బిజినెస్‌లో నువ్వా నేనా చందంగా ఇరు తెలుగు రాష్ట్రాలూ పోటీపడటం మొత్తం దేశానే్న ఆశ్చర్యపరిచింది. రాష్ట్ర పునర్విభజన అనంతరం తెలంగాణ ఆర్ధికంగా పటిష్టస్థానంలో ఉండగా, ఆంధ్రప్రదేశ్ ఆర్థిక స్థితిలో తెలంగాణకు వెనుక నిలిచింది.
మన దేశంలో తలసరి ఆదాయం లెక్కింపులో శాస్ర్తియత లేదు. దీనికి కారణం మన సమాజంలో ఉన్న హెచ్చుతగ్గులే. నెలకు ఒకరి ఆదాయం వెయ్యి రూపాయలు, మరొకరి ఆదాయం 10 వేలు, ఇంకొకరి ఆదాయం లక్ష రూపాయలు, మరొకరి ఆదాయం కోటి రూపాయలు ఉంటే వీరందరి ఆదాయాన్ని కలిపి తలసరి ఆదాయంగా లెక్కవేస్తున్నారు.
అభివృద్ధి అనేది నిరంతర ప్రక్రియ. హైదరాబాద్‌ను ఉదాహరణగా తీసుకుంటే నగరం ఒక్క ఏడాదిలో అభివృద్ధి చెందలేదు. అనేక వందల సంవత్సరాలుగా అభివృద్ధి చెందుతూ వస్తోంది.
తెలుగు రాష్ట్రాలు పారిశ్రామికాభివృద్ధిలో, పెట్టుబడుల ఆకర్షణలో పోటీపడుతుండగా ఈ పోటీలో తెలంగాణ రాష్ట్రం సీఎం కెసిఆర్ ప్రభుత్వం అమలు చేస్తున్న నూతన పారిశ్రామిక విధానాలతో పారిశ్రామిక ప్రగతిలో దూసుకుపోతుంది.
ఉమ్మడి రాష్ట్రం విభజన జరిగిన తరువాత నవ్యాంధ్రలో ఇప్పుడిప్పుడే పారిశ్రామికాభివృద్ధి పురోగతి సాధిస్తోంది. ఉమ్మడి రాష్ట్రంలో హైదరాబాద్‌కే పరిమితమైన పారిశ్రామికాభివృద్ధి, ఇప్పుడు వికేంద్రీకరణ దిశగా అడుగులు వేస్తోంది.