రాష్ట్రీయం
ఇరుక్కున్న పూరి
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, జూలై 19: కాదు ఔను అంటూనే అడ్డంగా దొరికిపోయాడు స్టార్ డైరెక్టర్ పూరీ జగన్నాథ్. అసలు డ్రగ్స్ అంటేనే తెలీదంటూ సమాధానాలు మొదలెట్టిన పూరి, చివరికి సూత్రధారి కెల్విన్ ఈవెంట్ మేనేజర్‌గా మాత్రమే తెలుసన్న సమాధానాల వరకూ వచ్చారు. టాలీవుడ్‌లో ప్రకంపనలు సృష్టించిన డ్రగ్స్ వ్యవహారంపై సిట్ అధికారుల విచారణ బుధవారం ప్రారంభమైంది. డ్రగ్స్ విషయంలో సిట్ నుంచి నోటీసులు అందుకున్న స్టార్ డైరెక్టర్ పూరి, బుధవారం ఉదయం రాష్ట్ర ఎక్సైజ్ కార్యాలయంలో ప్రత్యేక దర్యాప్తు సంస్థ (సిట్) ముందు హాజరయ్యారు. కెల్విన్‌తో పూరీ పరిచయాలు ఎలాంటివి? సినీ పరిశ్రమకు అందుతోన్న డ్రగ్స్ వ్యవహారంలో పూరీ పాత్ర ఏమిటి? అన్న కోణంలోనే ప్రధానంగా విచారణ సాగింది. దాదాపు పది గంటలపాటు సాగిన విచారణలో తొలుత డ్రగ్స్ ముఠాతో తనకు ఎలాంటి సంబంధం లేదన్న పూరి, సిట్ అధికారులు ఆధారాలు చూపెట్టడంతో అంగీకరించక తప్పని పరిస్థితి తలెత్తింది. డ్రగ్స్ వ్యవహారంలో అనేక ప్రశ్నలు సంధించిన అధికారులు కీలక సమాచారం రాబట్టడంతో, స్టార్ దర్శకుడి మెడకు ఉచ్చు బిగిసినట్టేనన్న అంచనాలు వినవస్తున్నాయి. హీరోయిన్ చార్మి ప్రధాన పాత్రలో తాను దర్శకత్వం వహించిన ‘జ్యోతిలక్ష్మి’ సినిమా ఆడియో ఫంక్షన్‌లో డ్రగ్ డీలర్లు కెల్విన్, జీషన్‌తోపాటు తాను కూడా పాల్గొన్నట్టు దర్శకుడు పూరీ జగన్నాథ్ అంగీకరించారు. రాష్ట్ర ఎక్సైజ్ కమిషనర్ ఆర్‌వి చంద్రవదన్, ఎన్‌ఫోర్స్‌మెంట్ డైరెక్టర్ అకున్ సబర్వాల్ పర్యవేక్షణలో కార్యాలయంలోని ఐదో అంతస్తులో డిఎస్పీస్థాయి అధికారితోపాటు ముగ్గురు ఇన్‌స్పెక్టర్లు పూరీని కూలంకషంగా విచారించారు. వీడియో చిత్రీకరణ ద్వారా విచారణ కొనసాగింది. ఇందుకుగానూ ఓ వీడియో గ్రాఫర్‌ను విచారణాధికారులు ఏర్పాటు చేశారు. బుధవారం ఉదయం పదిన్నరకు ప్రారంభమైన విచారణలో మధ్యాహ్నం వరకు పూరీనుంచి ఎలాంటి సమాధానం రాలేదని తెలిసింది. భోజన విరామం తరువాత పూరి, సిట్ అధికారులు చూపిన ఆధారాలతో ఒక్కొక్కటిగా వాస్తవాలు వెల్లడించినట్టు సమాచారం. డైరెక్టర్ పూరీ జగన్నాథ్‌ను సిట్ అధికారులు పూర్తిగా కార్నర్ చేశారు. అయితే అధికారుల ప్రశ్నలకు పూరి ఆచితూచి సమాధానాలు ఇచ్చినట్టు తెలుస్తోంది. తనకు డ్రగ్స్ అలవాటు లేకపోయినా కెల్విన్, జీషన్‌తో పరిచయం ఉన్నట్టు అధికారుల ఎదుట ఒప్పుకున్నట్టు తెలిసింది. కెల్విన్, జీషన్ ఈవెంట్స్ ద్వారా పరిచయం అయ్యారని, తరువాత ఒకటి, రెండుసార్లు ఓ పబ్‌లో కలిశానని, అయితే తనకు వారితో ఎలాంటి రెగ్యులర్ సంభాషణలు జరగలేదని దర్శకుడు పూరి అధికారులకు వెల్లడించినట్టు సమాచారం. అయితే ఓ ఆడియో ఫంక్షన్‌లో కలిసిన కెల్విన్ బ్యాంక్ అకౌంట్‌కు పూరి డబ్బులు పంపించినట్టు అధికారులు పేర్కొనడంతో, పూరి నోరు మెదపలేదని తెలిసింది. కాగా దర్శకుడు పూరి సిట్ అధికారుల సుదీర్ఘ విచారణలో చెప్పిన సమాధానాలే ఈ కేసులో కీలకం కాబట్టి, పూరిని కెల్విన్‌తో దోస్తీ, ఆర్థిక లావాదేవీలపై మరోసారి విచారించనున్నట్టు తెలిసింది. పూరి మత్తు పదార్థాలు వాడుతున్నారా? లేదా? అనే విషయంపై సిట్ రక్త పరీక్షలు నిర్వహించేందుకు ఉస్మానియా ఆసుపత్రికి చెందిన వైద్యుడిని రప్పించి రక్త నమూనాలు సేకరించినట్టు తెలిసింది. అదేవిధంగా నార్కొటిక్ అధికారులు కూడా పూరి విచారణకు హాజరయ్యారు. విచారణ మరికొంత కాలం కొనసాగనున్నట్టు విశ్వసనీయ సమాచారం.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.