రాష్ట్రీయం
తప్పు చేయలేదు.. చేయను కూడా
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, జూలై 19: డ్రగ్ వ్యవహారంలో ప్రధాన నిందితుడు కెల్విన్ ముఠాతో తనకు ఎలాంటి సంబంధం లేదని ప్రముఖ దర్శకుడు పూరి జగన్నాథ్ స్పష్టం చేశారు. ఈ కేసుకు సంబంధించి బుధవారం సిట్ అధికారులు చేసిన విచారణకు తాను పూర్తిగా సహకరించానని, మళ్లీ పిలిచినా వెళ్తానని ఆయన స్పష్టం చేశారు. దాదాపు పదకొండు గంటల పాటు సిట్ అధికారుల విచారణను ఎదుర్కొన్న పూరి ఆ తరువాత మూడు నిమిషాల నిడివిగల వీడియో క్లిప్‌ను ట్విట్టర్ ఖాతాలో పోస్ట్ చేశారు. తాను ఎన్నడూ తప్పు చేయలేదని, తప్పుడు పనులు చేసే అలవాటు తనకు లేనే లేదని ఆయన అన్నారు. ‘నాపై వచ్చిన ఆరోపణలపై సిట్ నన్ను ప్రశ్నించింది. అన్ని ప్రశ్నలకూ సమాధానం ఇచ్చాను. నేను బాధ్యత గల వ్యక్తిని. చట్టవ్యతిరేకమైన, తప్పుడు పనులు చేసే అలవాటు నాకు లేదు.’ అని ఆయన వీడియోలో పేర్కొన్నారు. పోలీస్ శాఖ అంటే తనకు ఎంతో ఇష్టమని, అందుకే ఆ శాఖకు సంబంధించి ఎన్నో సినిమాలు చేశానని ఆయన వివరించారు. మీడియాలో తనకు ఎంతోమంది మిత్రులున్నారని, వారంటే తనకు ఎంతో అభిమానమని కూడా పూరీ అన్నారు. జర్నలిజం అంటే ఇష్టం కాబట్టే తాను ‘ఇజం’ అనే సినిమా తీసినట్లు ఆయన వివరించారు. నాలుగైదు రోజులుగా మీడియా ప్రసారం చేసిన కథనాలు తనను, తన కుటుంబాన్ని ఎంతో బాధ పెట్టాయని ఆవేదన వ్యక్తం చేశారు. ‘ఏదైనా ఉంటే సిట్ నిర్ణయిస్తుంది. కానీ మీడియా నన్ను నా కుటుంబాన్ని చాలా డిస్ట్రబ్ చేసింది. ఒక రకంగా జీవితాన్ని నాశనం చేశారు.. నాలుగు రోజుల నుంచి అమ్మ, భార్య పిల్లలు ఏడుస్తున్నారు. ననే్న కాదు.. చాలా కుటుంబాల్లో పరిస్థితి ఇలాగే ఇబ్బంది పెట్టారు.’ అని పూరి పేర్కొన్నారు.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.