అంతర్జాతీయం
జి-20 సదస్సులో ట్రంప్-పుతిన్ రహస్య భేటీ?
S ,7 à 8 RSCA (si SASPAS) et 6 cialis pharmacie cialis rapports de stage.
వాషింగ్టన్, జూలై 19: జర్మనీలో ఈ నెల ప్రారంభంలో జరిగిన జి-20 శిఖరాగ్ర సమావేశం నేపథ్యంలో అమెరికా అధ్యక్షుడు డొనాల్డ్ ట్రంప్ రష్యా అధ్యక్షుడు వ్లాదిమిర్ పుతిన్‌తో రెండోసారి రహస్యంగా సమావేశమైనట్లు మీడియా కథనాలు పేర్కొన్నాయి. అయితే జి-20 నేతలకు ఇచ్చిన విందు సందర్భంగా ఇరువురు నేతలు కొద్ది సేపు మాట్లాడుకున్న మాట నిజమేనని పేర్కొన్న వైట్‌హౌస్ ఈ రెండో భేటీని దాచి పెట్టడానికి వైట్‌హౌస్ ప్రయత్నించిందని చెప్పడం శుద్ద తప్పని, అర్థం లేనిదని స్పష్టం చేసింది. వివిధ పత్రికల్లో ట్రంప్-పుతిన్ రహస్య భేటీనుంచి కథనాలు వచ్చిన నేపథ్యంలో వైట్‌హౌస్ మంగళవారం రాత్రి ఈ వివరణ ఇచ్చింది. నిర్మాణాత్మక చర్చల్లో భాగంగా మొదట జరిగిన రెండున్నర గంటల సమావేశానికి అదనంగా జరిగిన ఈ సమావేశం దాదాపు గంటసేపు జరిగిందని మీడియా కథనాలు తెలిపాయి. అయితే అధ్యక్షుడి విధుల్లో భాగంగానే ఈ సమావేశం జరిగిందని జి-20 సమావేశంలో, అలాగే సమావేశానికి హాజరయిన ఇతర దేశాల నేతలతో సమావేశాల్లో ట్రంప్ మన ప్రయోజనాలు, విలువలకు ప్రదర్శించి అమెరికా నాయకత్వాన్ని చాటారని వైట్‌హౌస్ ఈ సమావేశాన్ని సమర్థిస్తూ చేసిన ప్రకటనలో తెలిపింది. జి-20 సమావేశం చివరిరోజు రాత్రి జర్మనీ చాన్సలర్ ఏంజెలా మెర్కెల్ సమావేశానికి హాజరయిన వివిధ దేశాల నేతలందరికీ విందు ఇచ్చారని వైట్‌హౌస్ ఆ ప్రకటనలో తెలిపింది. విందు ముగిశాక ట్రంప్ తన భార్య కూర్చున్న సీటు వద్దకు వెళ్లారని, అప్పుడు పక్కనే ఉన్న పుతిన్‌తో కొద్దిసేపు మాట్లాడారని తెలిపింది. విందులో పాల్గొన్న నేతలందరూ పరస్పరం స్వేచ్ఛగా మాట్లాడుకోవడం సహజమని, ఇందులో రహస్యం ఏమీ లేదని కూడా ఆ ప్రకటన స్పష్టం చేసింది. అయితే అమెరికా అధ్యక్ష ఎన్నికల్లో ట్రంప్ విజయానికి రష్యా సహకరించిందన్న ఆరోపణల నేపథ్యంలో ఈ ఇద్దరు నేతలు రహస్యంగా భేటీ కావడంపై ‘న్యూయార్క్ టైమ్స్’ పత్రిక అనుమానాలు వ్యక్తం చేసింది.
Related Articles
రోమ్, మార్చి 22: ప్రపంచవ్యాప్తంగా కరోనా వైరస్ తీవ్రత మరింత జఠిలంగా మారుతోంది. దాదాపు 100 కోట్ల మంది ఇళ్లకే పరిమితమైపోయే పరిస్థితి తలెత్తింది. ఇప్పటివరకు మరణించినవారి సంఖ్య 13,444కు పెరిగింది. దాదాపు 170 దేశాల్లో ఈ వ్యాధి తీవ్రత పెరుగుతోంది. దాదాపు 35 దేశాలు లాక్ డౌన్ పరిస్థితిలోకి వెళ్లిపోయాయి.
వాషింగ్టన్: చైనా కరోనా వైరస్ విషయంలో చాలా గోప్యంగా వ్యవహరించిందని, ఈ సమాచారాన్ని సకాలంలో ప్రపంచ దేశాలతో పంచుకోలేదని అమెరికా అధ్యక్షుడు డొనాల్డ్ ట్రంప్ విమర్శించారు.
వాషింగ్టన్: కరోనా వైరస్ భయంతో అమెరికా వణికిపోతున్నది. విదేశాల నుంచి వచ్చే వారి సంఖ్యను పరిమితం చేసే దిశగా చర్యలు చేపట్టింది. అదేవిధంగా వివిధ కార్యక్రమాలనూ రద్దు చేసుకుంది. అందులో భాగంగానే స్పెయిన్ రాజు ఫెలిప్-6, రాణి లెటిజియా పర్యటనకు బ్రేక్ వేసింది.
కరోనా వైరస్ దెబ్బకు కరచాలనాలు, ఆలింగనాలు పోయి నమస్తే పెట్టడం అలవాటవుతోంది. విదేశాల్లోనూ ‘నమస్తే’ సంప్రదాయాన్ని పాటిస్తున్నారు. జకార్తాలో నెదర్లాండ్స్ రాజు విలియమ్ అలెగ్జాండర్, ఇండోనేషియా విదేశాంగ మంత్రి రెంటో మర్సూదీ ఒకరినొకరు ‘నమస్తే’తో పలకరించుకున్నారు
బార్సిలోనా, మార్చి 15: ప్రాణాంతక మహమ్మారి కరోనా వైరస్ వ్యాప్తిని కట్టడి చేయలేక ప్రపంచ దేశాలు కకావికలవుతున్నాయి. దాదాపు అన్ని దేశాలను కమ్ముకుని ఈ వైరస్ ఇప్పటివరకు దాదాపు 6వేల మందిని బలిగొంది. ప్రపంచవ్యాప్తంగా 1.50 లక్షలకు పైగా ఈ ప్రాణాంతక వ్యాధి సోకి అల్లాడుతున్నారు.