రాష్ట్రీయం
భూతద్దంలో చూడొద్దు
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, జూలై 26: హైదరాబాద్‌లో ఉన్న ఐటి పరిశ్రమలో కొందరు డ్రగ్స్ తీసుకున్నంత మాత్రాన మొత్తం ఐటి రంగాన్ని భూతద్దంలో చూడవద్దని తెలంగాణ ఐటి శాఖ కార్యదర్శి జయేష్ రంజన్ విజ్ఞప్తి చేశారు. తెలంగాణలో దాదాపు 400 ఐటి కంపెనీలు ఉన్నాయని, సుమారు 4 లక్షల మందికి పైగా ఉద్యోగులు వీటిలో పని చేస్తున్నారని తెలిపారు. ఎక్సైజ్ శాఖ ఇచ్చిన జాబితాలో ఐటి కంపెనీల్లో 20 నుంచి 30 శాతం మంది మాత్రమే డ్రగ్స్ తీసుకుంటున్నారని పేర్కొన్నట్లు చెప్పారు. కొందరు డ్రగ్స్ తీసుకున్నంత మాత్రాన మొత్తం ఐటి రంగానికి చెడ్డ పేరు వచ్చేలా ప్రచారం చేయడం మంచిది కాదని అన్నారు. ఎక్సైజ్ శాఖ ఇచ్చిన జాబితా మేరకు ఆయా కంపెనీల యాజమాన్యాలతో స్వయంగా మాట్లాడుతున్నానని తెలిపారు. ఎక్సైజ్ శాఖ ఇచ్చిన జాబితాలో కంపెనీల పేర్లే తప్ప ఉద్యోగుల పేర్లు లేవని స్పష్టం చేశారు. డ్రగ్స్ ముఠా సభ్యులు కెల్విన్, ఖుదూస్, నిఖిల్ శెట్టి, వియమ్స్, జీశాన్‌ల విచారణలో ఐటి ఉద్యోగులు డ్రగ్స్ తీసుకుంటున్న విషయం వెలుగులోకి వచ్చిందని తెలిపారు. మరో వైపు ఎన్‌ఫోర్స్‌మెంట్ డైరక్టర్ అకున్ సబర్వాల్ కూడా చాలా కంపెనీల్లో వందలాది మంది డ్రగ్స్ తీసుకున్నట్లు తెలిపారు. సాఫ్ట్‌వేర్ కంపెనీల్లోని కెఫ్టీరియాలే డ్రగ్స్ సరఫరాకు అడ్డాలుగా మారుతున్నట్లు తమ విచారణలో తేలిందని దర్యాప్తు వర్గాలు వెల్లడిస్తున్నాయి.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.