ఫోకస్
మూలాలు గుర్తించి మట్టుపెట్టాలి
S ,7 à 8 RSCA (si SASPAS) et 6 cialis pharmacie cialis rapports de stage.
మారక ద్రవ్యాలు మద్యం కంటే మహమ్మారి. ప్రపంచాన్ని తొలిచేస్తున్న వీటి వినియోగం ప్రస్తుతం తెలుగు రాష్ట్రాలను కుదిపేస్తున్నది. ప్రగతి శరవేగంగా పరుగులు తీస్తున్న శతాబ్దంలో ఉన్నాం. నూతన సాంకేతికతను అందిపుచ్చుకుంటున్నాం. కాలు కదపకుండా సౌకర్యాలను గుమ్మంలోకి వచ్చేలా అభివృద్ధి సాధించాం. ఒకప్పుడు గాలికన్నా మనస్సు వేగవంతమైనదని అనుకున్నాం. అయితే మనస్సుకు ఉన్న ఆ వేగం ఇప్పుడు ఏమైంది. మనస్సు ఎందుకు మత్తుబారిపోతుంది. చదువులు ఆపై ఉద్యోగాల్లో రాణించాల్సిన యువత మత్తుబాట పడుతున్నారు. ఈ మత్తు అన్ని రంగాలు, అన్ని వయస్సుల వారినుంచి క్రమేణ విద్యాలయాలు కూడా వేదికగా మారుతుండటం బాధాకరం. వాస్తవానికి ఈ మారక ద్రవ్యాలు మరణాల రేటును పెంచుతున్నాయి. మైకంలో మజాను రుచి చూడాలనే ఆరాటం కొందరిని తప్పుదోవ పట్టిస్తూ ఉన్మాదులను, అసాంఘిక శక్తులుగానూ చేస్తున్నాయి. అసలు తొలినుంచి గంజాయి అక్రమ రవాణాకు విశాఖ ఏజన్సీ ప్రాంతాలు మూల కేంద్రంగా పని చేస్తున్నాయి. అక్కడినుండి తెలంగాణ, ఒరిస్సా, మధ్యప్రదేశ్ ఇలా దేశమంతటా అక్రమ రవాణా జరుగుతున్నది. మొదటి ఈ మూలాలను గుర్తించి ఉక్కుపాదం మోపాల్సి ఉంది. ఇందుకు ఎవ్వరూ భయపడాల్సిన అవసరం లేదు. 60, 70 దశకాల్లో మాత్రలు, ఇంజక్షన్ రూపాల్లో చాలా అరుదుగా దొరికే ఈ మందులు ప్రస్తుతం రకరకాల ఆకృతులను మార్చుకున్నాయి. మత్తు మందుల రవాణా, పంపిణీ వ్యవస్థలో చోటుచేసుకుంటున్న మార్గాలను గుర్తించి సమూలంగా అణచివేయడంతోపాటు డ్రగ్స్ వాడకంవల్ల కలిగే దుష్ఫలితాలను ప్రచారం చేయాలి. విద్యాసంస్థల్లో నైతిక విలువలకు పెద్దపీట వేయాల్సి ఉంది.
Related Articles
రెండు తెలుగు రాష్ట్రాలూ అభివృద్ధిలో పోటీ పడుతున్నాయి. ఈజ్ ఆఫ్ డూయింగ్ బిజినెస్‌లో నువ్వా నేనా చందంగా ఇరు తెలుగు రాష్ట్రాలూ పోటీపడటం మొత్తం దేశానే్న ఆశ్చర్యపరిచింది. రాష్ట్ర పునర్విభజన అనంతరం తెలంగాణ ఆర్ధికంగా పటిష్టస్థానంలో ఉండగా, ఆంధ్రప్రదేశ్ ఆర్థిక స్థితిలో తెలంగాణకు వెనుక నిలిచింది.
మన దేశంలో తలసరి ఆదాయం లెక్కింపులో శాస్ర్తియత లేదు. దీనికి కారణం మన సమాజంలో ఉన్న హెచ్చుతగ్గులే. నెలకు ఒకరి ఆదాయం వెయ్యి రూపాయలు, మరొకరి ఆదాయం 10 వేలు, ఇంకొకరి ఆదాయం లక్ష రూపాయలు, మరొకరి ఆదాయం కోటి రూపాయలు ఉంటే వీరందరి ఆదాయాన్ని కలిపి తలసరి ఆదాయంగా లెక్కవేస్తున్నారు.
అభివృద్ధి అనేది నిరంతర ప్రక్రియ. హైదరాబాద్‌ను ఉదాహరణగా తీసుకుంటే నగరం ఒక్క ఏడాదిలో అభివృద్ధి చెందలేదు. అనేక వందల సంవత్సరాలుగా అభివృద్ధి చెందుతూ వస్తోంది.
తెలుగు రాష్ట్రాలు పారిశ్రామికాభివృద్ధిలో, పెట్టుబడుల ఆకర్షణలో పోటీపడుతుండగా ఈ పోటీలో తెలంగాణ రాష్ట్రం సీఎం కెసిఆర్ ప్రభుత్వం అమలు చేస్తున్న నూతన పారిశ్రామిక విధానాలతో పారిశ్రామిక ప్రగతిలో దూసుకుపోతుంది.
ఉమ్మడి రాష్ట్రం విభజన జరిగిన తరువాత నవ్యాంధ్రలో ఇప్పుడిప్పుడే పారిశ్రామికాభివృద్ధి పురోగతి సాధిస్తోంది. ఉమ్మడి రాష్ట్రంలో హైదరాబాద్‌కే పరిమితమైన పారిశ్రామికాభివృద్ధి, ఇప్పుడు వికేంద్రీకరణ దిశగా అడుగులు వేస్తోంది.