ఫోకస్
ప్రభుత్వాలు విఫలం
S ,7 à 8 RSCA (si SASPAS) et 6 cialis pharmacie cialis rapports de stage.
స్వాతంత్య్రం లభించి 70 ఏళ్లు గడచినా నేటికి దళితులపై దాడులు ఆగడం లేదు. దేశంలో ప్రధానంగా బిహార్, ఉత్తరప్రదేశ్, ఆంధ్రప్రదేశ్ వంటి రాష్ట్రాల్లో దాడులు ఎక్కువగా జరుగుతున్నాయి. ఇటీవల కాలంలో గుజరాత్‌లో కూడా దళితులపై దాడులు జరుగుతున్న సంఘటనలు అనేకం ఉన్నాయి. సాధారణంగా దళితులను బహిరంగంగా అవమానపర్చడం, హత్యలు, బహిరంగ ప్రదేశాల్లో తిరగనివ్వక పోవడం. సాంఘిక బహిష్కరణ, అత్యాచారాలు, సాంప్రదాయ భూమి హక్కుల నుంచి వారిని నిరాకరించడం, మానభంగాలు, మానసికంగాను, శారీరకంగా వారిని గాయపరచడం వంటివి తరచూ జరుగుతున్నాయి. నేషనల్ క్రైమ్ రికార్డు బ్యూరో ప్రకారం ఈ తరహా నేరాలు అత్యధికంగా నమోదవుతున్నాయి. వీటిలో ఆంధ్రప్రదేశ్ మూడో స్థానంలో ఉంది. చుండూరు, కారంచేడు, వేంపేట నుంచి ప్రారంభమైన అత్యాచారాల పరంపర శ్రీకాకుళం జిల్లా లక్ష్మింపేట వరకు సాగింది. ఈ మధ్య కాలంలో ఐనపల్లి, గరుగుపర్రు, దేవరాపల్లి, ప్రకాశం, అమలాపురం ప్రాంతాల్లో దాడులు పెరిగాయి. ప్రభుత్వం ముందస్తు చర్యలు తీసుకోవడంలో విఫలమైంది. ఫలితంగానే అట్రాసిటీ కేసులు ఎక్కువగా జరుగుతున్నాయి. ఇలాంటివి జరగకుండా ఉండాలంటే ప్రభుత్వం ఏడు రకాల చర్యలు తీసుకోవాలి. ఎస్సీ ఎస్టీ అత్యాచారాల నిరోధక చట్టం సక్రమంగా అమలుచేయడం, పర్యవేక్షణపై ఉన్నత స్థాయి కమిటీ సమీక్ష, విజిలెన్స్ అండ్ మోనిటరింగ్ కమిటీ, జిల్లా విజిలెన్స్ అండ్ మోనిటరింగ్ కమిటీ పనితీరును ఎప్పటికపుడు సమీక్షించాలి. ముందస్తు నివారణ చర్యలు తీసుకోవాలి. చట్టంపై నిర్లక్ష్యం వహించే అధికారులపై చర్యలు తీసుకోవాలి. సెక్షన్ 21(4) ప్రకారం కేంద్రం పార్లమెంట్‌కు నివేదిక అందజేయాలి. ఇదే సెక్షన్‌పై బిఎస్పీ నేత మాయవతి పార్లమెంట్‌లో తీర్మానం చేయాలని పట్టుబట్టగా పార్లమెంట్‌లో అనుమతించలేదు. దీంతో ఆమె తన రాజ్యసభ పదవికి రాజీనామా చేసిన విషయం విదితమే. రూల్ 18 ప్రకారం రాష్ట్ర ప్రభుత్వం అసెంబ్లీకి నివేదిక ఇవ్వాలి. దానిపై చర్చ జరగాలి. హోం సెక్రటరీ, ప్రిన్సిపల్ సెక్రటరీ ప్రతి మూడు నెలలకోమారు సమీక్ష జరిపి కేంద్ర ప్రభుత్వానికి నివేదికలను అందజేయాలి. ఎస్సీ ఎస్టీ అట్రాసిటీ చట్టం అమలుకు ప్రతి జిల్లాలో నోడల్ అధికారిని నియమించాలి. రాష్ట్రంలోని 13 జిల్లాల్లో ఎక్కడా ఇలాంటివి అమలు చేయడం లేదు. ఎస్సీ, ఎస్టీ అట్రాసిటీ చట్టాన్ని పరిపూర్ణంగా అమలు చేయాలని సుప్రీంకోర్టు ఆదేశించింది. అయితే ఆ ఆదేశాలు ఎక్కడా అమలు కావడం లేదు. వీటన్నింటిపై ఇటీవల ఢిల్లీలోని ‘నేషనల్ క్యాంపయిన్ ఆన్ దళిత్ హ్యూమన్ రైట్స్’ సమావేశంలో ప్రస్తావించడం జరిగింది.
Related Articles
రెండు తెలుగు రాష్ట్రాలూ అభివృద్ధిలో పోటీ పడుతున్నాయి. ఈజ్ ఆఫ్ డూయింగ్ బిజినెస్‌లో నువ్వా నేనా చందంగా ఇరు తెలుగు రాష్ట్రాలూ పోటీపడటం మొత్తం దేశానే్న ఆశ్చర్యపరిచింది. రాష్ట్ర పునర్విభజన అనంతరం తెలంగాణ ఆర్ధికంగా పటిష్టస్థానంలో ఉండగా, ఆంధ్రప్రదేశ్ ఆర్థిక స్థితిలో తెలంగాణకు వెనుక నిలిచింది.
మన దేశంలో తలసరి ఆదాయం లెక్కింపులో శాస్ర్తియత లేదు. దీనికి కారణం మన సమాజంలో ఉన్న హెచ్చుతగ్గులే. నెలకు ఒకరి ఆదాయం వెయ్యి రూపాయలు, మరొకరి ఆదాయం 10 వేలు, ఇంకొకరి ఆదాయం లక్ష రూపాయలు, మరొకరి ఆదాయం కోటి రూపాయలు ఉంటే వీరందరి ఆదాయాన్ని కలిపి తలసరి ఆదాయంగా లెక్కవేస్తున్నారు.
అభివృద్ధి అనేది నిరంతర ప్రక్రియ. హైదరాబాద్‌ను ఉదాహరణగా తీసుకుంటే నగరం ఒక్క ఏడాదిలో అభివృద్ధి చెందలేదు. అనేక వందల సంవత్సరాలుగా అభివృద్ధి చెందుతూ వస్తోంది.
తెలుగు రాష్ట్రాలు పారిశ్రామికాభివృద్ధిలో, పెట్టుబడుల ఆకర్షణలో పోటీపడుతుండగా ఈ పోటీలో తెలంగాణ రాష్ట్రం సీఎం కెసిఆర్ ప్రభుత్వం అమలు చేస్తున్న నూతన పారిశ్రామిక విధానాలతో పారిశ్రామిక ప్రగతిలో దూసుకుపోతుంది.
ఉమ్మడి రాష్ట్రం విభజన జరిగిన తరువాత నవ్యాంధ్రలో ఇప్పుడిప్పుడే పారిశ్రామికాభివృద్ధి పురోగతి సాధిస్తోంది. ఉమ్మడి రాష్ట్రంలో హైదరాబాద్‌కే పరిమితమైన పారిశ్రామికాభివృద్ధి, ఇప్పుడు వికేంద్రీకరణ దిశగా అడుగులు వేస్తోంది.