బిజినెస్
మహిళా టెకీలకు షీ షటిల్ భద్రత
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్: రాష్ట్ర ప్రభుత్వం ఇన్ఫర్మేషన్ టెక్నాలజీ (ఐటీ) రంగంలో ప్రవేశపెట్టిన ‘షీ షటిల్’ సర్వీసులకు మంచి స్పందన లభిస్తోంది. మహిళా టెకీల భద్రతకు ఏర్పాటుచేసిన ఈ ప్రత్యేక సదుపాయాన్ని మూడు పోలీస్ కమిషనరేట్ల పరిధిలోని దాదాపు 32 వేల మంది మహిళా ఉద్యోగులు సద్వినియోగం చేసుకుంటున్నారు. అయితే ఈ సర్వీసులు వ్యాపార దృక్పథంతో నడవడం లేదని ఎస్సీఎస్సీ సెక్రటరీ భరణి కుమార్ తెలిపారు. ఎస్సీఎస్సీ నాన్ ప్రాఫిటబుల్ సంస్థని, స్పాన్సర్షిప్‌లపై ఆధారపడి ఉందని, కాబట్టి తెలంగాణ ప్రభుత్వం రాబోయే రోజుల్లో షీ షటిల్ సర్వీసులను ఐటీ క్యాడర్ మొత్తంగా విస్తరించేందుకు కృషి చేయాలని సూచించారు. కాగా, మహిళల భద్రతకు రాష్ట్ర ప్రభుత్వం కట్టుబడి ఉందని, సైబరాబాద్, రాచకొండ పరిధిలోని మహిళా టెకీలు ఉదయం వేకువజాము, రాత్రి వేళల్లో అభద్రతా భావానికి గురవుతుండటంతో ఎస్సీఎస్సీ సంస్థ షీ షటిల్స్‌ను ప్రవేశపెట్టి మహిళల సురక్షిత ప్రయాణానికి నడుం బిగించిందని సైబరాబాద్ పోలీస్ కమిషనర్ సందీప్ శాండిల్య ప్రశంసించారు. దేశంలోనే మొదటిసారిగా ప్రవేశపెట్టిన షటిల్ సర్వీసులకు జిపిఎస్ అనుసంధానంతో స్మార్ట్ ట్రాన్స్‌పోర్ట్ సిస్టమ్ మంచి ఫలితాలు సాధిస్తుందన్నారు. ఐటీ కారిడార్ ఉద్యోగులు తాము షటిల్ సర్వీసు ఎక్కే సమయం నుంచి గమ్యస్థానానికి చేరుకునే వరకు ప్రయాణం సురక్షితంగా జరుగుతుందని, సర్వీసుల్లో ఏర్పాటు చేసిన యాప్ సిస్టం ప్రయాణానికి సంబంధించి ఎప్పటికప్పుడు సమాచారం అందిస్తుందని తెలిపారు. ఇక లాభాపేక్షతో కాకుండా స్వచ్ఛందంగా సామాజిక సేవా దృక్పథంతో షీ షటిల్స్ పనిచేస్తున్నట్లు రాచకొండ పోలీస్ కమిషనర్ మహేశ్ ఎం భగవత్ కొనియాడారు. ఐటీ కారిడార్‌లో మహిళల భద్రతకు ప్రభుత్వం తీసుకుంటున్న చర్యలను హైదరాబాద్ నగర కమిషనర్ ఎం మహేందర్‌రెడ్డి సైతం అభినందించారు. భవిష్యత్తులో మూడు పోలీస్ కమిషనరేట్ల పరిధిలోని ఐటీ కారిడార్‌లో షీ షటిల్ సర్వీసులను విస్తరింపజేయాలని కమిషనర్ కోరారు.
Related Articles
ముంబయి: కరోనా వైరస్ వ్యాప్తి కొనసాగుతున్న నేపథ్యంలో, లాక్ డౌన్‌ను కేంద్రం కనీసం మరో వారం రోజులు పొడిగిస్తుందన్న వార్తల నేపథ్యంలో, సోమవారం కూడా భారత స్టాక్ మార్కెట్లలో పతనం తప్పలేదు. కేంద్ర విధించిన లాక్ డౌన్ ఈనెల 14వ తేదీతో ముగుస్తుంది.
న్యూఢిల్లీ, ఏప్రిల్ 13: గత మూడు వారాలుగా భారత దేశంలో అమలవుతున్న లాక్ డౌన్ వల్ల అనూహ్య రీతిలో దేశ ఆర్థిక వ్యవస్థకు అపారమైన నష్టం కలిగే అవకాశం ఉంది. మంగళవారం ముగుస్తున్న ఈ 21 రోజుల లాక్ డౌన్ కాలంలో దాదాపుగా భారత దేశం అంతా మూత పడింది.
బెంగళూరు, ఏప్రిల్ 13: కరోనా వైరస్ రాష్ట్ర ఆర్థిక పరిస్థితిని తీవ్రంగా దెబ్బతీసిందని కర్నాటక ముఖ్యమంత్రి బీఎస్ యడ్డియూరప్ప ఆందోళన వ్యక్తం చేశారు. ఈ ఆర్థిక సంక్షోభం నుంచి గట్టెక్కడానికి మార్గాలు అనే్వషిస్తున్నట్టు సోమవారం ఇక్కడ వెల్లడించారు.
న్యూఢిల్లీ, ఏప్రిల్ 13: చమురు, సహజవాయు కార్పొరేషన్ (ఓఎన్‌జీసీ) తన ఉత్పత్తిలో 15 శాతం కోత విధించింది. కరోనా వైరస్ విజృంభణ నేపథ్యంలో సప్లయర్లు కొనుగోళ్లను తగ్గించుకోవడంతో ఓఎన్‌జీసీ ఈ నిర్ణయం తీసుకుంది.
న్యూఢిల్లీ, ఏప్రిల్ 13: కరోనా వైరస్ కారణంగా అతలాకుతలమైన ఆటో మొబైల్ రంగాన్ని ఆదుకోవడానికి తక్షణ సాయం అందించాలని ప్రధాని నరేంద్ర మోదీని ఆటోమొబైల్ డీలర్ల సంఘాల సమాఖ్య (్ఫడా) కోరింది. ఈ మహమ్మారి కారణంగా మొత్తం పరిశ్రమ కుదేలైందని పేర్కొంది.