బిజినెస్
కొనుగోళ్ల జోష్‌లో మదుపరులు
S ,7 à 8 RSCA (si SASPAS) et 6 cialis pharmacie cialis rapports de stage.
ముంబయి: దేశీయ స్టాక్ మార్కెట్లు బుధవారం భారీ లాభాలను అందుకున్నాయి. అమెరికా-ఉత్తర కొరియా మధ్య నెలకొన్న యుద్ధ భయాలు నెమ్మదిగా తొలగిపోతుండటంతో మదుపరులు మళ్లీ పెట్టుబడులకు ఆసక్తి కనబరుస్తున్నారు. ఈ క్రమంలోనే బాంబే స్టాక్ ఎక్స్‌చేంజ్ సూచీ సెనె్సక్స్ 321.86 పాయింట్లు ఎగిసి 31,770.89 వద్ద స్థిరపడింది. ఈ నెలలో కేవలం ఒక్కరోజులోనే సెనె్సక్స్ ఈ స్థాయిలో పెరగడం ఇదే ప్రథమం. ఇక నేషనల్ స్టాక్ ఎక్స్‌చేంజ్ సూచీ నిఫ్టీ 103.15 పాయింట్లు ఎగబాకి 9,897.30 వద్ద నిలిచింది. ఒకానొక దశలో సెనె్సక్స్ 31,805.99 పాయిం ట్లు, నిఫ్టీ 9,903.95 పాయింట్ల గరిష్ఠ స్థాయిలను తాకాయి.
ఐదు వారాల వరుస లాభాల అనంతరం గత వారం సూచీలు భారీగా నష్టపోయినది తెలిసిందే. సెనె్సక్స్ 1,111.82 పాయింట్లు, నిఫ్టీ 355.60 పాయింట్లు కోల్పోయాయి. అయితే సోమవారం లాభాల్లోకి రాగా, బుధవారం కూడా ఆ లాభాలు కొనసాగాయి. మంగళవారం స్వాతంత్య్ర దినోత్సవం సందర్భంగా స్టాక్ మార్కెట్లు మూతపడగా, భారత్‌సహా ప్రపంచ దేశాల స్టాక్ మార్కెట్లను ప్రభావితం చేస్తున్న అమెరికా-ఉత్తర కొరియా ఉద్రిక్తకర పరిస్థితులు శాంతిస్తుండటంతో మార్కెట్లూ కోలుకుంటున్నాయి. ఈ నేపథ్యంలోనే సెనె్సక్స్ 235.44 పాయింట్లు, నిఫ్టీ 83.35 పాయింట్లు పెరిగాయి. బుధవారం సైతం అదే జోరు కనిపించగా, సూచీలు భారీ స్థాయిలో పుంజుకున్నాయి. ఎఫ్‌ఎమ్‌సిజి షేర్లు అత్యధికంగా 2.49 శాతం మేర బలపడగా, మెటల్, ఆటో, బ్యాంకింగ్, హెల్త్‌కేర్ రంగాల షేర్లకూ కొనుగోళ్ల మద్దతు లభించింది. ఇన్‌ఫ్రాస్ట్రక్చర్, క్యాపిటల్ గూడ్స్ షేర్లు మాత్రం నష్టపోయాయి. కాగా, గత నెల జూలైకిగాను విడుదలైన రిటైల్, హోల్‌సేల్ ద్రవ్యోల్బణం గణాంకాలు పెరిగినప్పటికీ, మదుపరులు వాటిని పెద్దగా పట్టించుకోకపోవడం విశేషం.
Related Articles
ముంబయి: కరోనా వైరస్ వ్యాప్తి కొనసాగుతున్న నేపథ్యంలో, లాక్ డౌన్‌ను కేంద్రం కనీసం మరో వారం రోజులు పొడిగిస్తుందన్న వార్తల నేపథ్యంలో, సోమవారం కూడా భారత స్టాక్ మార్కెట్లలో పతనం తప్పలేదు. కేంద్ర విధించిన లాక్ డౌన్ ఈనెల 14వ తేదీతో ముగుస్తుంది.
న్యూఢిల్లీ, ఏప్రిల్ 13: గత మూడు వారాలుగా భారత దేశంలో అమలవుతున్న లాక్ డౌన్ వల్ల అనూహ్య రీతిలో దేశ ఆర్థిక వ్యవస్థకు అపారమైన నష్టం కలిగే అవకాశం ఉంది. మంగళవారం ముగుస్తున్న ఈ 21 రోజుల లాక్ డౌన్ కాలంలో దాదాపుగా భారత దేశం అంతా మూత పడింది.
బెంగళూరు, ఏప్రిల్ 13: కరోనా వైరస్ రాష్ట్ర ఆర్థిక పరిస్థితిని తీవ్రంగా దెబ్బతీసిందని కర్నాటక ముఖ్యమంత్రి బీఎస్ యడ్డియూరప్ప ఆందోళన వ్యక్తం చేశారు. ఈ ఆర్థిక సంక్షోభం నుంచి గట్టెక్కడానికి మార్గాలు అనే్వషిస్తున్నట్టు సోమవారం ఇక్కడ వెల్లడించారు.
న్యూఢిల్లీ, ఏప్రిల్ 13: చమురు, సహజవాయు కార్పొరేషన్ (ఓఎన్‌జీసీ) తన ఉత్పత్తిలో 15 శాతం కోత విధించింది. కరోనా వైరస్ విజృంభణ నేపథ్యంలో సప్లయర్లు కొనుగోళ్లను తగ్గించుకోవడంతో ఓఎన్‌జీసీ ఈ నిర్ణయం తీసుకుంది.
న్యూఢిల్లీ, ఏప్రిల్ 13: కరోనా వైరస్ కారణంగా అతలాకుతలమైన ఆటో మొబైల్ రంగాన్ని ఆదుకోవడానికి తక్షణ సాయం అందించాలని ప్రధాని నరేంద్ర మోదీని ఆటోమొబైల్ డీలర్ల సంఘాల సమాఖ్య (్ఫడా) కోరింది. ఈ మహమ్మారి కారణంగా మొత్తం పరిశ్రమ కుదేలైందని పేర్కొంది.