రాష్ట్రీయం
జూన్‌కల్లా ఎస్‌ఆర్‌ఎస్‌పి
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్: వచ్చే ఏడాది జూన్‌కల్లా శ్రీరామసాగర్ (ఎస్‌ఆర్‌ఎస్‌పి) రెండవ దశ పూర్తి చేయాలని తెలంగాణ రాష్ట్ర నీటిపారుదలశాఖ మంత్రి టి హరీశ్‌రావు అధికారులను ఆదేశించారు. ఎస్‌ఆర్‌ఎస్‌పి రెండవ దశలో తుపాకులగూడెం అత్యంత కీలకమైందన్నారు. ఎస్‌ఆర్‌ఎస్‌పి రెండవ దశ, తుపాకులగూడెం ప్రాజెక్టులపై బుధవారం సంబంధిత ఉన్నతాధికారులతో మంత్రి హరీశ్‌రావు సమీక్షించారు. తుపాకులగూడెం ప్రాజెక్టు పూర్తి అయితే 10 నెలల పాటు దేవాదుల పంపులు నిరంతరాయంగా పని చేస్తాయన్నారు. ఈ ప్రాజెక్టు వల్ల దేవాదుల ప్రాజెక్టు కింద 6 లక్షల ఎకరాలకు ఆయకట్టు స్థిరీకరణ జరుగుతుందన్నారు. ఎస్‌ఆర్‌ఎస్‌పి రెండవ దశ ద్వారా పూర్వ నల్లగొండ, ఖమ్మం, వరంగల్ జిల్లాల్లోని కరువు పీడిత ప్రాంతాల్లో 4లక్షల ఎకరాలకు సాగునీరు అందుతుందన్నారు. ఎస్‌ఆర్‌ఎస్‌పి రెండో దశ కింద మొత్తంగా రూ.1321 కోట్ల వ్యయం చేసే పనులు పురోగతిలో ఉన్నాయన్నారు. టిఆర్‌ఎస్ పార్టీ అధికారంలోకి వచ్చాక ఎస్‌ఆర్‌ఎస్‌పి రెండవ దశ కింద 2 లక్షల 25 వేల ఎకరాలు స్థిరీకరించిందని, మరో లక్షా 75వేల ఎకరాలకు సాగునీరు అందిస్తామన్నారు. వాస్తవానికి రెండవ దశ ఎస్‌ఆర్‌ఎస్‌పి ద్వారా 4లక్షల ఎకరాలకు సాగునీరు అందించాల్సి ఉన్నప్పటికీ కాకతీయ ప్రధాన కాలువల్లో లైనింగ్ దెబ్బతినడం, పూడిక పేరుకుపోవడం వంటి కారణాల వల్ల ఆయకట్టుకు నీరు అందించలేక పోతున్నామన్నారు. వరంగల్, ఖమ్మం, నల్లగొండ జిల్లాల్లోని కాకతీయ కాలువలకు మరమ్మత్తులు చేసి ఫీల్డ్ చానల్స్ అన్నింటినీ వినియోగంలోకి తీసుకురావాలని మంత్రి హరీశ్‌రావు ఆదేశించారు. రెండవ దశ పనులు పూర్తి అయితే పూర్వ నల్లగొండ జిల్లాలో తుంగతుర్తి, సూర్యాపేట, కోదాడ శాసనసభ నియోజకవర్గాల పరిధిలోని 2,13,175 ఎకరాలకు, ఖమ్మం జిల్లాలో పాలేరు, మధిర శాసనసభ నియోజకవర్గాల పరిధిలో 75,262 ఎకరాలకు, వరంగల్ జిల్లాలో వర్ధన్నపేట, పాలకుర్తి, డోర్నకల్ నియోజకవర్గాల పరిధిలో 1,09,512 ఎకరాలకు సాగునీరు అందుతుందని మంత్రి వివరించారు. శ్రీరామ్‌సాగర్ చివరి ఆయకట్టుకు కూడా సాగునీరు అందించాలని ముఖ్యమంత్రి పట్టుదలతో ఉన్నారన్నారు. వచ్చే ఏడాది కాళేశ్వరం ప్రాజెక్టుకు ఎస్‌ఆర్‌ఎస్‌పి ప్రాజెక్టుకు అనుసంధానం చేయనుండటంతో ఆ లోగా రెండవ దశ పనులన్నీ పూర్తి చేయడానికి లక్ష్యంగా పెట్టుకున్నామని మంత్రి అన్నారు. ఎల్‌ఎండికి ఎగువ, దిగువ ప్రాంతాలలో కాలువల్లో నీటి ప్రవాహానికి ఎలాంటి అడ్డంకులు లేకుండా చూడాలని అధికారులను మంత్రి ఆదేశించారు. ఈ సమావేశంలో నీటిపారుదలశాఖ ఇంజనీరింగ్-ఇన్-చీఫ్ మురళీధర్, ఇఎన్‌సి అడ్మిన్ నాగేందర్‌రావుతో పాటు కాంట్రాక్టు ఏజెన్సీల ప్రతినిధులు పాల్గొన్నారు.
చిత్రం.. అధికారులతో సమీక్షిస్తున్న తెలంగాణ రాష్ట్ర మంత్రి హరీశ్ రావు
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.