ఫోకస్
కాలయాపనకే ఉద్యోగ ప్రకటనలు
S ,7 à 8 RSCA (si SASPAS) et 6 cialis pharmacie cialis rapports de stage.
రాష్ట్రంలో ఏ ప్రభుత్వం అధికారంలోకి వచ్చినా.. ముందుగా హామీ ఇచ్చేది నిరుద్యోగులకే. ఉపాధి అవకాశాలు కల్పిస్తామంటూ నిరుద్యోగులకు భరోసా ఇస్తారు. అధికారంలోకి రాగానే బడ్జెట్ సమస్య, నోటిఫికేషన్లు, ఆదాయ వనరులు అంటూ దాటేస్తుంటారు. దీంతో కొంత కాలయాపన జరుగుతుంది. ప్రభుత్వానికి వెసులుబాటు అవుతుంది. మళ్లీ నిరుద్యోగులు ప్రభుత్వంపై తిరగబడే ఆందోళనలు, ధర్నాలు, నిరశనలు వెల్లువెత్తగానే ప్రభుత్వం ఉద్యోగ నియామకాల ప్రకటన చేస్తోంది. దీంతో ప్రభుత్వం హుటాహుటిన ఒక కమిటీ ఏర్పాటు చేయడం, ఏవో కొన్ని పోస్టులకు నోటిఫికేషన్లు జారీ చేయడం జరుగుతుంది. ఇదిలావుంటే ఖాళీ పోస్టుల స్థానే భర్తీ చేయాలని ప్రభుత్వంలోని ఒక పాలకవర్గం యోచిస్తుండగానే, కొత్త పోస్టులకు ప్రతిపాదనలు సిద్ధమవుతుంటాయి. దీంతో పాత ఖాళీలు భర్తీ కావు.. కొత్త నియామకాలు జరగవు. దీంతో నిరుద్యోగ యువత ఉద్యోగం దొరక్కా, కొత్త నియామకాలకు వయస్సు అర్హత దాటిపోతోందని ఆందోళన చెందుతున్నారు. కానీ ప్రభుతం మాత్రం ఉద్యోగ ప్రకటనలు కేవలం కాలయాపనలతోనే సరిపెట్టుకుంటోంది. ప్రభుత్వానికి చిత్తశుద్ధి ఉంటే వెంటనే ప్రభుత్వ శాఖల్లోని ఖాళీలను భర్తీ చేయాలి. కొత్త పోస్టులకు నోటిఫికేషన్ జారీ చేసి.. పక్షం రోజుల్లోనే నియామకాలు చేపడితే బాగుంటుంది. ప్రస్తుతం అధికారంలో కొనసాగుతున్న టిఆర్‌ఎస్ ప్రభుత్వం ఉపాధి అవకాశాలు, కొత్త ఉద్యోగాలు కల్పిస్తున్నామని, లక్ష ఉద్యోగాలంటూ ఒకసారి. 50వేల ఉద్యోగాలకు నోటిఫికేషన్ జారీ చేశామని మరోసారి ప్రకటిస్తుందే.. తప్ప అమలులో కాలయాపన చేస్తోంది. అభివృద్ధి, సంక్షేమ పథకాలపై చూపుతున్న శ్రద్ధ, ఉపాధి అవకాశాలపై కూడా శ్రద్ధ చూపాల్సిన అవసరం ఉంది.
Related Articles
రెండు తెలుగు రాష్ట్రాలూ అభివృద్ధిలో పోటీ పడుతున్నాయి. ఈజ్ ఆఫ్ డూయింగ్ బిజినెస్‌లో నువ్వా నేనా చందంగా ఇరు తెలుగు రాష్ట్రాలూ పోటీపడటం మొత్తం దేశానే్న ఆశ్చర్యపరిచింది. రాష్ట్ర పునర్విభజన అనంతరం తెలంగాణ ఆర్ధికంగా పటిష్టస్థానంలో ఉండగా, ఆంధ్రప్రదేశ్ ఆర్థిక స్థితిలో తెలంగాణకు వెనుక నిలిచింది.
మన దేశంలో తలసరి ఆదాయం లెక్కింపులో శాస్ర్తియత లేదు. దీనికి కారణం మన సమాజంలో ఉన్న హెచ్చుతగ్గులే. నెలకు ఒకరి ఆదాయం వెయ్యి రూపాయలు, మరొకరి ఆదాయం 10 వేలు, ఇంకొకరి ఆదాయం లక్ష రూపాయలు, మరొకరి ఆదాయం కోటి రూపాయలు ఉంటే వీరందరి ఆదాయాన్ని కలిపి తలసరి ఆదాయంగా లెక్కవేస్తున్నారు.
అభివృద్ధి అనేది నిరంతర ప్రక్రియ. హైదరాబాద్‌ను ఉదాహరణగా తీసుకుంటే నగరం ఒక్క ఏడాదిలో అభివృద్ధి చెందలేదు. అనేక వందల సంవత్సరాలుగా అభివృద్ధి చెందుతూ వస్తోంది.
తెలుగు రాష్ట్రాలు పారిశ్రామికాభివృద్ధిలో, పెట్టుబడుల ఆకర్షణలో పోటీపడుతుండగా ఈ పోటీలో తెలంగాణ రాష్ట్రం సీఎం కెసిఆర్ ప్రభుత్వం అమలు చేస్తున్న నూతన పారిశ్రామిక విధానాలతో పారిశ్రామిక ప్రగతిలో దూసుకుపోతుంది.
ఉమ్మడి రాష్ట్రం విభజన జరిగిన తరువాత నవ్యాంధ్రలో ఇప్పుడిప్పుడే పారిశ్రామికాభివృద్ధి పురోగతి సాధిస్తోంది. ఉమ్మడి రాష్ట్రంలో హైదరాబాద్‌కే పరిమితమైన పారిశ్రామికాభివృద్ధి, ఇప్పుడు వికేంద్రీకరణ దిశగా అడుగులు వేస్తోంది.