జాతీయ వార్తలు
తగ్గని అన్నాడిఎంకె సెగ!
S ,7 à 8 RSCA (si SASPAS) et 6 cialis pharmacie cialis rapports de stage.
చెన్నై/పుదుచ్చేరి: తమిళనాడులో అధికార అన్నాడిఎంకెలో చీలిక వర్గాలు విలీనం అయినా సమస్య మాత్రం తీరలేదు. శశికళ వర్గానికి చెందిన టిటివి దినకరన్ పార్టీపై పట్టుసాధించేందుకు నలుగురు మంత్రులపై వేటు వేశారు. ఈ నలుగురినీ పార్టీ పదవుల నుంచి తొలగిస్తున్నామని ప్రకటించిన ఆయన తనకు మద్దతుగా ఉన్న 18 మంది ఎమ్మెల్యేలను పుదుచ్ఛేరిలోని ఓ రిసార్టులోనే కొనసాగిస్తున్నారు. ముఖ్యమంత్రి పళనిస్వామి, మాజీ ముఖ్యమంత్రి, ప్రస్తుత ఉప ముఖ్యమంత్రి పన్నీర్ సెల్వం ప్రభుత్వ మనుగడను ప్రశ్నార్ధకం చేసే రీతిలో దినకరన్ చర్యలు సాగుతున్నాయి. మరోపక్క రంగంలోకి దిగిన ప్రతిపక్ష కాంగ్రెస్ పార్టీ అన్నాడిఎంకె సర్కార్ బలపరీక్షను ఎదుర్కోవల్సిందేనని డిమాండ్ చేసింది. ఇప్పటికే డిఎంకె ఇందుకు సంబంధించిన డిమాండ్‌పై పట్టుబడుతోంది. 22 మంది అన్నాడిఎంకె శాసన సభ్యులు ముఖ్యమంత్రి పళనిస్వామిపై తమకు ఎలాంటి విశ్వాసం లేదని గవర్నర్ విద్యాసాగర్‌రావుకు లేఖను అందించిన విషయాన్ని కాంగ్రెస్ గుర్తుచేస్తోంది. 234 మంది సభ్యులుగల తమిళనాడు అసెంబ్లీలో అధికార అన్నాడిఎంకె బలం 134. కాగా పార్టీపై ఇంకా శశికళకే పట్టుఉందని స్పష్టం చేసిన దినకరన్ ముఖ్యమంత్రి పళని ప్రభుత్వానికి మెజారిటీ లేదని ఆయన రాజీనామా చేయాల్సిందేనని డిమాండ్ చేశారు. ఇలాంటి ప్రభుత్వానికి కొనసాగే హక్కులేదని, సిఎం పదవి నుంచి ఆయన తప్పుకోవల్సిందేనని తంజావూర్ జిల్లాలోని కుంభకోణంలో జరిగిన మీడియా సమావేశంలో అన్నారు. తాజా పరిణామాలతో నిమిత్తం లేకుండా పళనిస్వామి, పన్నీర్ సెల్వంలు అన్నాడిఎంకె వ్యవస్థాపకుడు ఎంజి రామచంద్రన్ శతవార్షికోత్సవాల్లో నిమగ్నమయ్యారు.
చిత్రం.. బుధవారం తిరుచ్చిలోని బ్రహ్మపురీశ్వర ఆలయాన్ని సందర్శించిన
తమిళనాడు ఉపముఖ్యమంత్రి ఓ. పన్నీర్ సెల్వం
Related Articles
న్యూఢిల్లీ: దేశ రాజ్యాంగ నిర్మాణ శిల్పి డాక్టర్ బీఆర్ అంబేద్కర్ బోధనలను అనుసరించండి అని రాష్ట్రపతి రాంనాథ్ కోవింద్ దేశ ప్రజలకు పిలుపునిచ్చారు. బలమైన, సంపన్నమైన భారత దేశాన్ని సృష్టించడానికి దోహదం చేయాలని ఆయన కోరారు.
న్యూఢిల్లీ, ఏప్రిల్ 13: దేశ వ్యాప్తంగా అత్యంత కట్టుదిట్టంగా అమలవుతున్న లాక్ డౌన్ వల్ల కరోనా వైరస్ అదుపులోకి వస్తున్న సూచనలు కనిపిస్తున్నాయి. దేశ వ్యాప్తంగా 15 రాష్ట్రాల్లోని 25 జిల్లాల్లో గత 14 రోజులుగా కొత్తగా ఎలాంటి కేసు నమోదు కాలేదని కేంద్ర ఆరోగ్య మంత్రిత్వ శాఖ సోమవారం ప్రకటించింది.
న్యూఢిల్లీ, ఏప్రిల్ 13: కోవిడ్-19 కారణంగా స్వదేశాలకు వెళ్లలేకపోయిన విదేశీయులకు వీసా, ఈ-వీసా పరిమితి గడువును పెంచుతూ కేంద్ర హోం మంత్రిత్వ శాఖ వెసులుబాటును కల్పించింది. ఈ మేరకు సోమవారం ఒక అధికారిక ప్రకటనను విడుదల చేసింది.
న్యూఢిల్లీ, ఏప్రిల్ 13: అసలే కరోనా మహామ్మారితో దేశ ప్రజలే కాదు యావత్ ప్రజలు తల్లడిల్లుతుంటే సోమవారం ఢిల్లీ ప్రజలను భూకంపం వణికించింది. అయితే భూకంపం తీవ్రత (2.7) స్వల్పంగా ఉండడంతో ఆస్తి, ప్రాణ నష్టమేమీ జరగలేదు.
న్యూఢిల్లీ, ఏప్రిల్ 13: దేశంలో కరోనా వైరస్ కేసులు పెరుగుతున్న దృష్ట్యా కేంద్ర ప్రభుత్వం మంగళవారంతో ముగుస్తున్న 21 రోజుల లాక్‌డౌన్‌ను ఈ నెలాఖరు వరకు పొడిగించే అవకాశాలున్నాయ.