ఫోకస్
సాహసోపేతమైన నిర్ణయం
S ,7 à 8 RSCA (si SASPAS) et 6 cialis pharmacie cialis rapports de stage.
దేశంలో ఓబిసిలు 50 శాతానికిపైగా ఉన్నారు. ఓబిసిల సముద్ధరణ, హక్కుల పరిరక్షణకు నేషనల్ కమిషన్ ఫర్ బ్యాక్‌వర్డ్ క్లాసెస్ (జాతీయ బిసి కమిషన్)కు రాజ్యాంగ హోదా కల్పించేందుకు కేంద్రం తీసుకున్న నిర్ణయం గొప్ప సాహసవంతమైనది. ఈ నిర్ణయం మంచిది. అన్ని పార్టీలు మద్దతు ఇవ్వాలి. సామాజికంగా, ఆర్థికంగా, విద్యాపరంగా బిసిలు వెనకబడి ఉన్నారు. అనేక రాష్ట్రాల్లో ఇంకా సామాజిక వివక్షతకు బిసిలు గురవుతున్నారు. బిసిల సంక్షేమంకోసం ఎన్నో పథకాలను కేంద్ర, రాష్ట్ర ప్రభుత్వాలు అమలు చేస్తున్నాయి. కాని బిసిల్లో చాలా వర్గాలకు ఈ ఫలాలు అందాల్సి ఉంది. పైగా రాజకీయంగా బిసిలు వెనకబడి ఉన్నారు. సమాజంలో బిసిల జనాభా 50 శాతానికిపైగా ఉన్నా, ఇంకా అనేక కీలక పదవులకు దూరం. ఒక ఎంపి, ఎమ్మెల్యే పదవుల్లో బిసిలకు రిజర్వేషన్లు లేవు. ఈ రంగంలో కూడా రిజర్వేషన్లు ఉండాలి. అప్పుడే రాజ్యాధికారం బిసిలకు చేరవవుతుంది. ప్రస్తుతం స్థానిక సంస్థలకే రిజర్వేషన్లు పరిమితం. దేశ జనాభాలో సగం మంది బిసిలు ఉన్నా, ఎంతమంది బిసిలు ఎంపీలవుతున్నారు? ఎమ్మెల్యేలుగా ఎన్నికవుతున్నారు? న్యాయవ్యవస్ధలో హైకోర్టు, సుప్రీంకోర్టుల్లో ఎంతమంది బిసి న్యాయకోవిదులు ఉన్నారు? పారిశ్రామిక రంగంలో కూడా బిసిలు వెనకబడి ఉన్నారు. వీరికి ప్రభుత్వం, బ్యాంకులు ఆర్థిక ప్రోత్సాహం కల్పించాలి. రాయితీలు ఇవ్వాలి. జాతీయ బిసి కమిషన్‌కు రాజ్యాంగ హోదా ఇవ్వడాన్ని రాజకీయం చేయరాదు. ఇది ముమ్మాటికీ తప్పు. జనాభాకు తగ్గట్టుగా బిసిలకు రాజ్యాంగ పదవుల్లో, అధికారంలో సరైన వాటా లేదు. ఇది బిసిలను అవమానపరచడమే. తమిళనాడులో బిసిల ఉద్యమం ఊపందుకోవడంవల్లే ద్రవిడ కజగం పార్టీలను బిసిలే నడిపిస్తున్నారు. ద్రవిడ ఉద్యమాలవల్ల బిసిలు ఆ రాష్ట్ర రాజకీయాల్లో కీలకపాత్ర వహిస్తున్నారు. కర్నాటకలో సిద్ధరామయ్య బిసి వర్గానికి చెందిన నేత. కేరళలో సిపిఎం ముఖ్యమంత్రి విజయన్ కూడ బిసి సామాజిక వర్గానికి చెందినవారే. మధ్యప్రదేశ్ సిఎం చౌహాన్ కూడా ఓబిసి వర్గంనుంచి వచ్చారు. బిసిలకు సంక్షేమ ఫలాలు అందించేందుకు, వారి హక్కులు భంగం కలగకుండా పరిరక్షించేందుకు బిసి కమిషన్‌కు రాజ్యాంగ హోదా ఇవ్వడం ఉత్తమమైన నిర్ణయంగా భావిస్తున్నాం.
Related Articles
రెండు తెలుగు రాష్ట్రాలూ అభివృద్ధిలో పోటీ పడుతున్నాయి. ఈజ్ ఆఫ్ డూయింగ్ బిజినెస్‌లో నువ్వా నేనా చందంగా ఇరు తెలుగు రాష్ట్రాలూ పోటీపడటం మొత్తం దేశానే్న ఆశ్చర్యపరిచింది. రాష్ట్ర పునర్విభజన అనంతరం తెలంగాణ ఆర్ధికంగా పటిష్టస్థానంలో ఉండగా, ఆంధ్రప్రదేశ్ ఆర్థిక స్థితిలో తెలంగాణకు వెనుక నిలిచింది.
మన దేశంలో తలసరి ఆదాయం లెక్కింపులో శాస్ర్తియత లేదు. దీనికి కారణం మన సమాజంలో ఉన్న హెచ్చుతగ్గులే. నెలకు ఒకరి ఆదాయం వెయ్యి రూపాయలు, మరొకరి ఆదాయం 10 వేలు, ఇంకొకరి ఆదాయం లక్ష రూపాయలు, మరొకరి ఆదాయం కోటి రూపాయలు ఉంటే వీరందరి ఆదాయాన్ని కలిపి తలసరి ఆదాయంగా లెక్కవేస్తున్నారు.
అభివృద్ధి అనేది నిరంతర ప్రక్రియ. హైదరాబాద్‌ను ఉదాహరణగా తీసుకుంటే నగరం ఒక్క ఏడాదిలో అభివృద్ధి చెందలేదు. అనేక వందల సంవత్సరాలుగా అభివృద్ధి చెందుతూ వస్తోంది.
తెలుగు రాష్ట్రాలు పారిశ్రామికాభివృద్ధిలో, పెట్టుబడుల ఆకర్షణలో పోటీపడుతుండగా ఈ పోటీలో తెలంగాణ రాష్ట్రం సీఎం కెసిఆర్ ప్రభుత్వం అమలు చేస్తున్న నూతన పారిశ్రామిక విధానాలతో పారిశ్రామిక ప్రగతిలో దూసుకుపోతుంది.
ఉమ్మడి రాష్ట్రం విభజన జరిగిన తరువాత నవ్యాంధ్రలో ఇప్పుడిప్పుడే పారిశ్రామికాభివృద్ధి పురోగతి సాధిస్తోంది. ఉమ్మడి రాష్ట్రంలో హైదరాబాద్‌కే పరిమితమైన పారిశ్రామికాభివృద్ధి, ఇప్పుడు వికేంద్రీకరణ దిశగా అడుగులు వేస్తోంది.