అంతర్జాతీయం
రక్షణ బంధం మరింత పటిష్ఠం
S ,7 à 8 RSCA (si SASPAS) et 6 cialis pharmacie cialis rapports de stage.
న్యూఢిల్లీ, సెప్టెంబర్ 6: టెక్నాలజీలో ద్వంద్వ వినియోగం సహా అన్ని రకాలుగానూ రక్షణ సహకారాన్ని పెంపొందించుకోవాలని భారత్, జపాన్ దేశాలు బుధవారంనాడు అంగీకరించాయి. ప్రత్యేక ద్వైపాక్షిక, వ్యూహాత్మక ఒప్పందంలో భాగంగా అన్ని రకాలుగానూ సైనికపరమైన సాన్నిహిత్యాన్ని విస్తృతం చేసుకోవాలని సంకల్పించాయి. జపాన్ రక్షణ మంత్రి ఇత్స్‌నోరీ ఓనెడేరాతో కేంద్ర మంత్రి అరుణ్ జైట్లీ విస్తృత స్థాయిలో చర్చలు జరిపారు. టోక్యోలో జరుగుతున్న వార్షిక ఇండో-జపాన్ రక్షణ సమావేశంలో ఆయన పాల్గొన్నారు. ఈ సందర్భంగా జరిగిన చర్చల్లో యుఎస్-2 విమానాల కొనుగోలు అంశం కూడా ప్రస్తావనకు వచ్చిందని ఓ సంయుక్త ప్రకటనలో ఇరు దేశాల నేతలు తెలిపారు. ఉత్తర కొరియా తాజాగా జరిపిన అణుపరీక్ష, దక్షిణ చైనా మహాసముద్ర ప్రాంతంలో జరుగుతున్న చైనా ప్రాబల్యం నేపథ్యంలో భారత్-జపాన్‌లు రక్షణ బంధాన్ని పటిష్టం చేసుకోవాలని నిర్ణయించడం అంతర్జాతీయ ప్రాధాన్యతను సంతరించుకుంది. రోబోటిక్స్, యుజి వాహనాలకు సంబంధించి జరిగే పరిశోధనలకు సంబంధించి సాంకేతికపరమైన చర్చలు ప్రారంభించాలని ఇరు దేశాలు నిర్ణయించాయి. భారత నౌకాదళం కోసం యుఏ-2 షినే్మవా అనే యుద్ధ విమానాన్ని జపాన్ నుంచి కొనుగోలు చేయాలని భావిస్తున్న విషయం తెలిసిందే. తక్కువ ధరకే ఆయుధాలను భారత్‌కు విక్రయించాలని జపాన్ చేసిన ప్రయత్నాల పట్ల చైనా ఇప్పటికే తీవ్ర ఆగ్రహం వ్యక్త చేసిన విషయం తెలిసిందే. ఇటువంటి ప్రయత్నం ఎంతమాత్రం హర్షణీయం కాదని కూడా తెలిపింది. ఇదిలావుండగా, ఉగ్రవాద నిరోధనతోపాటు నౌకాదళాల్లో కూడా సాన్నిహిత్యాన్ని పెంచుకోవాలని పదాతిదళాలకు సంబంధించి కూడా పరస్పర సహకారాన్ని ఇనుమడించుకోవాలని భారత్-జపాన్ తాజాగా నిర్ణయించాయి. జపాన్-్భరత్ ప్రత్యేక వ్యూహాత్మక అంతర్జాతీయ భాగస్వామ్యంలో భాగంగానే ఈ నిర్ణయాలు తీసుకున్నట్లు ఆ ప్రకటన తెలిపింది.
Related Articles
రోమ్, మార్చి 22: ప్రపంచవ్యాప్తంగా కరోనా వైరస్ తీవ్రత మరింత జఠిలంగా మారుతోంది. దాదాపు 100 కోట్ల మంది ఇళ్లకే పరిమితమైపోయే పరిస్థితి తలెత్తింది. ఇప్పటివరకు మరణించినవారి సంఖ్య 13,444కు పెరిగింది. దాదాపు 170 దేశాల్లో ఈ వ్యాధి తీవ్రత పెరుగుతోంది. దాదాపు 35 దేశాలు లాక్ డౌన్ పరిస్థితిలోకి వెళ్లిపోయాయి.
వాషింగ్టన్: చైనా కరోనా వైరస్ విషయంలో చాలా గోప్యంగా వ్యవహరించిందని, ఈ సమాచారాన్ని సకాలంలో ప్రపంచ దేశాలతో పంచుకోలేదని అమెరికా అధ్యక్షుడు డొనాల్డ్ ట్రంప్ విమర్శించారు.
వాషింగ్టన్: కరోనా వైరస్ భయంతో అమెరికా వణికిపోతున్నది. విదేశాల నుంచి వచ్చే వారి సంఖ్యను పరిమితం చేసే దిశగా చర్యలు చేపట్టింది. అదేవిధంగా వివిధ కార్యక్రమాలనూ రద్దు చేసుకుంది. అందులో భాగంగానే స్పెయిన్ రాజు ఫెలిప్-6, రాణి లెటిజియా పర్యటనకు బ్రేక్ వేసింది.
కరోనా వైరస్ దెబ్బకు కరచాలనాలు, ఆలింగనాలు పోయి నమస్తే పెట్టడం అలవాటవుతోంది. విదేశాల్లోనూ ‘నమస్తే’ సంప్రదాయాన్ని పాటిస్తున్నారు. జకార్తాలో నెదర్లాండ్స్ రాజు విలియమ్ అలెగ్జాండర్, ఇండోనేషియా విదేశాంగ మంత్రి రెంటో మర్సూదీ ఒకరినొకరు ‘నమస్తే’తో పలకరించుకున్నారు
బార్సిలోనా, మార్చి 15: ప్రాణాంతక మహమ్మారి కరోనా వైరస్ వ్యాప్తిని కట్టడి చేయలేక ప్రపంచ దేశాలు కకావికలవుతున్నాయి. దాదాపు అన్ని దేశాలను కమ్ముకుని ఈ వైరస్ ఇప్పటివరకు దాదాపు 6వేల మందిని బలిగొంది. ప్రపంచవ్యాప్తంగా 1.50 లక్షలకు పైగా ఈ ప్రాణాంతక వ్యాధి సోకి అల్లాడుతున్నారు.