రాష్ట్రీయం
జనవరి 1 నుంచి ఇంటింటికీ తాగునీరు
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, సెప్టెంబర్ 6: నూతన సంవత్సరం కానుకగా మిషన్ భగీరథ పథకం ద్వారా జనవరి 1నుంచి ఇంటింటికీ తాగు నీరు అందించడమే లక్ష్యంగా ప్రభుత్వం ముందుకు సాగుతోందని మంత్రులు జోగు రామన్న, అల్లోల ఇంద్రకరణ్‌రెడ్డి అన్నారు. బుధవారం ఉమ్మడి ఆదిలాబాద్ జిల్లాలోని మిషన్ భగీరథ పథకం పురోగతిపై మంత్రులు సమీక్షించారు. సమావేశంలో ఉమ్మడి జిల్లాలోని శాసనమండలి చీఫ్ విప్ పాతూరి సుథాకర్‌రెడ్డి, ప్రభుత్వ విప్ నల్లాల ఓదేలు తదితరులు పాల్గొన్నారు. ఈ సందర్భంగా మంత్రులు మాట్లాడుతూ డిసెంబర్‌లోగా మిషన్ భగీరథ పనులు పూర్తి చేయాలని అధికారులను ఆదేశించారు. అధికారులు క్షేత్రస్థాయిలో ఉండి పనులను ఎప్పటికప్పుడు పర్యవేక్షించాలని, సమస్యలు ఏమైనా ఎదురైతే తక్షణం తమ దృష్టికి తీసుకురావాలని మంత్రులు సూచించారు. ఈ ప్రాజెక్టు సిఎం కెసిఆర్ కల అని, అది నెరవేర్చేందుకు ప్రతి ఒక్కరూ కృషి చేయాలన్నారు. అధికారులు మిషన్ భగీరథ పనులను సవాల్‌గా తీసుకుని గడువులోగా పూర్తి చేయాలని కోరారు. అలాగే వాటర్ గ్రిడ్ పథకంపై అసెంబ్లీ నియోజకవర్గంవారీగా పనుల పురోగతిపై సమీక్షించారు. ఉమ్మడి ఆదిలాబాద్ జిల్లాలో జరుగుతున్న పనుల పట్ల మంత్రులు సంతృప్తి వ్యక్తం చేశారు. ఉమ్మడి ఆదిలాబాద్ జిల్లాలో 6,028 కిలోమీటర్ల మేరకు పైప్‌లైన్లు వేయాలని లక్ష్యం కాగా, ఇప్పటి వరకు 3,800 కిలోమీటర్ల వరకు పైప్‌లైన్ పనులు పూర్తయినట్లు అధికారులు తెలిపారు.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.