రాష్ట్రీయం
తెలంగాణ, ఆంధ్రకు షాక్
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, సెప్టెంబర్ 13: వర్షాకాలం తుది దశకు చేరింది. వర్షాలతో కృష్ణా బేసిన్ జలాశయాలు నిండుతాయనుకున్న భ్రమలు పటాపంచలయ్యాయి. అరకొరగా వచ్చిన 30 టిఎంసి నీటి కోసం తెలుగు రాష్ట్రాలు మంచినీటి అవసరాల కోసం పంచుకునేందుకు నానా తంటాలు పడుతున్నాయి. ఇదీ తెలుగు రాష్ట్రాల్లో కృష్ణా బేసిన్ పరిస్థితి. ఇక ఆశంతా అక్టోబర్, నవంబర్ నెలల్లో వచ్చే తుపాన్లపైనే. కృష్ణా బేసిన్ ఎగువ రాష్ట్రాల్లో అప్పర్ కృష్ణా ప్రాజెక్టు-3వ దశలో భాగంగా ఆయకట్టు విస్తీర్ణాన్ని విస్తరించేందుకు కర్నాటక రాష్ట్రం శ్రీకారం చుట్టడంతో రానున్న రోజుల్లో శ్రీశైలం, నాగార్జునసాగర్ రిజర్వాయర్ల ఆయకట్టు ప్రమాదంలో పడింది. ఈ ఏడాదికి ఒకటే ఇలా జరిగిందనుకుంటే పప్పులో కాలేసినట్లే. ఆల్మట్టి, నారాయణ్‌పూర్ ప్రాజెక్టుల కింద కొత్తగా అప్పర్ కృష్ణా ప్రాజెక్టు స్టేజి-3 కింద 13.26 లక్షల ఎకరాల ఆయకట్టును విస్తరించేందుకు కర్నాటక ప్రభుత్వం ప్రణాళిక ఖరారు చేసింది. పై నుంచి వరద నీటి ప్రవాహం రాని పక్షంలో ఎడారి అంటే ఎలా ఉంటుందో శ్రీశైలం, నాగార్జునసాగర్ ప్రాజెక్టులను చూస్తే తెలుస్తుంది. కనీసం మంచి నీటికి కూడా నీటి లభ్యత లేదు. ఆంధ్ర, తెలంగాణ రాష్ట్రాల్లో 30 మున్సిపాలిటీలు, వందల సంఖ్యలో గ్రామ పంచాయితీలు మంచినీటి కోసం నాగార్జునసాగర్, శ్రీశైలం రిజర్వాయర్లపై ఆధారపడి ఉన్నాయి. దీని కోసం కనీసం 70 టిఎంసి నీరు అవసరం. కాని ఈసారి ఇంతవరకు పట్టుమని 30 టిఎంసి నీరు కూడా రాలేదు. ఈ ఏడాది ఆల్మట్టి, నారాయణ్‌పూర్ నుంచి జూరాల మీదుగా కేవలం 25 టిఎంసి నీరు వచ్చింది. మిగిలిన ఐదు టిఎంసి నీరు స్ధానిక వర్షాల వల్ల శ్రీశైలంకు చేరింది. ఆల్మట్టి కెపాసిటీ 128 టిఎంసి అయితే, ఈసారి 188 టిఎంసి నీరు చేరింది. దాదాపు 50 టిఎంసి నీటిని తన రాష్ట్ర పరిధిలోని ఆయకట్టుకు కర్నాటక విడుదల చేసింది. కృష్ణా జలాల ట్రిబ్యునల్-2 తుది కేటాయింపులను ఖరారు చేయకుండానే, కర్నాటక ప్రభుత్వం తన ప్రణాళికను అమలు చేయడం ఆంధ్ర, తెలంగాణ రాష్ట్రాలకు శాపంగా మారింది. 13లక్షల కొత్త ఆయకట్టుకు కనీసం 130 టిఎంసి నీటిని వినియోగించుకునేందుకు కర్నాటక ప్రభుత్వం సన్నాహాలు చేస్తోంది. బెల్గావి, బాగల్‌కోట్ జిల్లాల్లో లిఫ్ట్ స్కీంల నిర్మాణం పనులు వేగంగా సాగుతున్నాయి. ఈ లిఫ్ట్ స్కీంల కింద 1.3 లక్షల ఎకరాల ఆయకట్టును సాగు చేయాలని కర్నాటక ప్రభుత్వం నిర్ణయించింది. ఈ ఆయకట్టు కోసం మరో ఐదు టిఎంసి నీటిని వినియోగించుకోనున్నారు. అప్పర్ కృష్ణా బేసిన్-3 అమలుకు పర్యావరణ అనుమతులు లభించాల్సి ఉంది. దీనికి సంబంధించి విధి విధానాలను కర్నాటక పూర్తి చేసింది.
నాగార్జునసాగర్ కింద తెలంగాణలో 6.6 లక్షల ఎకరాల ఆయకట్టుకు ఈ ఏడాది ఖరీఫ్‌కు నీరు ఇవ్వలేదు. సాగర్‌లోకి కేవలం 5 టిఎంసి నీరు మాత్రమే వచ్చింది.
ప్రస్తుతం శ్రీశైలంలో బుధవారానికి 49.58 టిఎంసి నీరు చేరింది. నీటి మట్టం 830 అడుగులు ఉంది. నాగార్జునసాగర్‌లో 116.10 టిఎంసినీరు ఉంది. నీటి మట్టం 500.50 అడుగులు ఉంది. శ్రీశైలంకు 37772 క్యూసెక్కులు నీరు చేరుతుండగా, కరెంటు ఉత్పత్తి చేసి దిగువకు 13952 క్యూసెక్కుల నీటిని తెలంగాణ వదులుతోంది.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.