తెలంగాణ
200 మంది బ్రాహ్మణులకు ఆరోగ్య కార్డులు పంపిణీ
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, డిసెంబర్ 28: తెలంగాణ బ్రాహ్మణ సంక్షేమ పరిషత్ తీసుకున్న నిర్ణయం మేరకు మొదటి విడతగా 200 మంది బ్రాహ్మణులకు ఆరోగ్య బీమా పథకం కింద హెల్త్ ఆరోగ్య కార్డులను అందిస్తున్నట్లు బ్రాహ్మణ సంక్షేమ పరిషత్ చైర్మన్ ,రాష్ట్రప్రభుత్వ సలహాదారు డాక్టర్ కెవి రమణాచారి తెలిపారు. గురువారం సచివాలయంలో 100 మంది బ్రాహ్మణ లబ్ధిదారులకు నేషనల్ బీమా కంపెనీ, బ్రాహ్మణ సంక్షేమ పరిషత్ ఆధ్వర్యంలో హెల్త్ కార్డులను అందచేశారు. ఈ సందర్భంగా డాక్టర్ రమణాచారి మాట్లాడుతూ ముఖ్యమంత్రి కెసిఆర్ ప్రత్యేక శ్రద్ధతో తీసుకున్న చర్యల వల్ల ఈ స్కీంను అమలు చేయడం సాధ్యమైందన్నారు. బ్రాహ్మణ సంక్షైమ పరిషత్ ఉపాధ్యక్షులు వనం జ్వాలా నర్సింహారావు మాట్లాడుతూ వెయ్యి రూపాయలతో బీమా చేస్తే రూ.3900 బ్రాహ్మణ సంక్షేమ పరిషత్ చెల్లిస్తుందన్నారు. ఏడాది పాటు ఈ బీమా వర్తిస్తుందన్నారు. జర్నలిస్టులు, ఉద్యోగులకు ప్రభుత్వం కార్పోరేట్ తరహాలో వైద్యాన్ని అందిస్తున్నట్లుగానే పేద బ్రాహ్మణులకు కార్పోరేట్ వైద్యాన్ని అందిస్తామన్నారు. కుటుంబంలో నలుగురికి ఈ పథకం వర్తిస్తుందని, ఏడాదికి రెండు లక్షల రూపాయల వరకు వైద్యసేవలు పొందవచ్చన్నారు. ఢిల్లీలో ప్రభుత్వ ప్రత్యేక ప్రతినిధి డాక్టర్ ఎస్ వేణుగోపాలాచారి మాట్లాడుతూ, 19 నుంచి 60 సంవత్సరాల వయస్సున్న ప్రతి ఒక్కరు ఈ హెల్త్ పథకం కింద అర్హులన్నారు. చకిలం అనిల్ కుమార్ లక్షా నూట పదహారు రూపాయల చెక్‌ను బ్రాహ్మణ సంక్షేమ పరిషత్ చైర్మన్‌కు డాక్టర్ రమణాచారికి అందించారు.
చిత్రం..200 మంది బ్రాహ్మణులకు ఆరోగ్య బీమా పథకం కింద ఆరోగ్య
కార్డులను అందజేసిన అనంతరం మాట్లాడుతున్న రమణాచారి
Related Articles
హైదరాబాద్, ఏప్రిల్ 13: కరోనా పై కేంద్ర, రాష్ట్రప్రభుత్వాల వైఫల్యంపై అఖిల పక్ష సమావేశాన్ని నిర్వహించాలని టీపీసీసీ నిర్ణయించింది. ఈ వివరాలను టీపీసీసీ అధ్యక్షుడు ఉత్తమ్‌కుమార్ రెడ్డి ప్రకటించారు. అన్నపూర్ణ కేంద్రాలపై సమాచారం ఇవ్వాలని రాష్ట్రప్రభుత్వాన్ని కోరారు.
హైదరాబాద్, ఏప్రిల్ 13: జాతీయ , రాష్ట్ర స్థాయి ప్రవేశపరీక్షలన్నీ వాయిదా పడ్డాయి. ఆంధ్రప్రదేశ్, తెలంగాణ రాష్ట్రాలు అన్ని ప్రవేశపరీక్షలను వాయిదా వేశాయి.
హైదరాబాద్, ఏప్రిల్ 13: కరోనా ఎఫెక్ట్ నేపథ్యంతో లాక్‌డౌన్ అమలు జరుగుతున్నందున గత సంవత్సరం మార్చి నెల బిల్లులనే ఈ ఏప్రిల్‌లో చెల్లించాలని విద్యుత్ శాఖ మంత్రి జగదీష్‌రెడ్డి స్పష్టం చేశారు.
హైదరాబాద్, ఏప్రిల్ 13:కరోనా వ్యాధి బాధితుల కోసం సికింద్రాబాద్ రైల్వే ఆసుపత్రిలో 142 ఐసోలేషన్ పడకలను ఏర్పాటు చేశారు. కరోనా వ్యాధి సోకిన వ్యక్తులకు మెరుగైన వైద్య సౌకర్యం అందించడానికి రైల్వే అధికారులు యుద్ధ ప్రాతిపధికన ఐసోలేషన్ పడకలను సిద్ధం చేశారు.
నేరేడుచర్ల, ఏప్రిల్ 13: నేరేడుచర్ల నుండి నిజాముద్దీన్ మర్కజ్ జమాత్‌కు వెళ్లి వచ్చిన వ్యక్తికి కరోనా వైరస్ సోకడంతో రెడ్‌జోన్ ప్రకటించిన ప్రాంతంలో పటిష్టంగా భద్రతా చర్యలు తీసుకుంటూ మిగిలిన ప్రాంతంలో అధికారులు లాక్‌డౌన్‌ను కట్టుదిట్టంగా అమలు చేస్తున్నారు.