రాష్ట్రీయం
చంద్రబాబును జనం క్షమించరు
S ,7 à 8 RSCA (si SASPAS) et 6 cialis pharmacie cialis rapports de stage.
తెనాలి: ముఖ్యమంత్రి చంద్రబాబునాయుడి హయాంలో పాలనా వ్యవస్థ మొత్తం అవినీతిలో కూరుకుపోయిందని వైకాపా అధ్యక్షుడు వైఎస్ జగన్‌మోహన్‌రెడ్డి ఆరోపించారు. రాష్ట్రానికి ప్రత్యేక హోదా రాకుండా అడ్డుకున్న ఆయనను ప్రజలు క్షమించరని, ఇసుక మాఫియాల నుండి చినబాబుకు మామూళ్ళ వర్షం కురుస్తోందని ధ్వజమెత్తారు. ప్రజా సంకల్పయాత్రలో భాగంగా శనివారం గుంటూరు తెనాలిలోని మున్సిపల్ మార్కెట్ వద్ద ఏర్పటు చేసిన బహిరంగ సభలో జగన్ మాట్లాడారు. రాష్ట్రానికి ప్రత్యేక హోదా ఇవ్వాల్సిందేనంటూ పార్లమెంట్ సాక్షిగా వైసీపీ ఎంపీలు ప్రాణాలకు తెగించి పంచపాండవుల మాదిరిగా రాజీనామాలు చేసి నిరవధిక దీక్షకు దిగారని చెప్పారు. ప్రత్యేక హోదా కోసం మొదటి నుండి పోరాటం చేస్తున్నది తామేనని, నాలుగు సంవత్సరాలుగా బీజేపీతో పొత్తుపెట్టుకొని హోదాను తాకట్టుపెట్టిన చంద్రబాబు ఇప్పుడు ప్రత్యేక హోదా అంటూ కొత్తడ్రామా ఆడుతున్నారని ఆరోపించారు. ఉచిత ఇసుక పేరుతో కృష్ణానదిని తోడిపోసిన పచ్చచొక్కాల నేతలు, కాంట్రాక్టర్లు..చినబాబుకు వాటాలు ముట్టజెబుతున్నారని ఆరోపించారు. గిట్టుబాటు ధరలులేక రైతులు అల్లాడుతుంటే రాష్ట్ర ప్రభుత్వం చోద్యం చూస్తోందన్నారు. నాలుగేళ్ళ టీడీపీ పాలనలో రాష్టమ్రంతా అవినీతితో నిండిపోయిందని, అందుకే ఢిల్లీలో పోరాటానికి చంద్రబాబు వెనుకంజ వేస్తున్నారన్నారు. తమ ఎంపీలతో పాటుగా టీడీపీ ఎంపీలు కూడా రాజీనామాలుచేస్తే కేంద్రం దిగివచ్చేదని చెప్పారు. తాము అధికారంలోకి రాగానే ఎస్సీ, ఎస్టీ వృద్ధులు, వికలాంగులు, వితంతువులకు 45 ఏళ్ళకే 2వేల రూపాయలు పింఛను ఇస్తామన్నారు. వైఎస్‌ఆర్ ఆరోగ్యశ్రీని తీసుకువచ్చి ఆసుపత్రుల్లో వెయ్యి రూపాయలు బిల్లు దాటిన ప్రతి ఒక్కరికీ వర్తించేలా చూస్తామన్నారు. మూత్రపిండ వ్యాధిగ్రస్తులకు ఉచిత డయాలసిస్ సేవలతో పాటుగా 10వేల రూపాయల పింఛను ఇస్తామన్నారు. గృహ యజమాని ఆనారోగ్యానికి గురైతే ఆర్థిక సాయం చేస్తామని హామీ ఇచ్చారు. ఇప్పటికీ ఒక్క రూపాయి కూడా డ్వాక్రా మహిళలకు రుణమాఫీ కాలేదని, తాము అధికారంలోకి రాగానే వడ్డీ లేకుండానే రుణాలు ఇస్తామని తెలిపారు. ప్రస్తుతం రాష్ట్రంలో మద్యం లేని గ్రామం లేదని, అయితే మంచినీరు లేని గ్రామాలు కోకొల్లలుగా
ఉన్నాయన్నారు. రైతులు బ్యాంకుల్లో పెట్టిన బంగారం ఇంటికి రాకపోగా అధికారుల నుండి నోటీసులు మాత్రం వచ్చాయని ఎద్దేవా చేశారు. వేలిముద్రలు పడటం లేదని వృద్ధులకు పింఛన్లు నిలిపివేసే పరిస్థితులు రానున్న తమ ప్రభుత్వంలో ఉండవన్నారు. ఇప్పటికీ రాష్ట్ర ప్రజలను మరోమారు మోసం చేసేందుకు ప్రయత్నిస్తున్న చంద్రబాబునాయుడిని, రాష్ట్ర ప్రయోజనాలను కేంద్రానికి తాకట్టుపెట్టిన విషయం గుర్తుపెట్టుకున్న ప్రజలు క్షమించే పరిస్థితి లేదన్నారు. మరోమారు రాష్ట్రంలో వైఎస్‌ఆర్ పరిపాలన కొనసాగాలంటే ప్రజలందరూ రానున్న ఎన్నికల్లో వైసీపీని ఆదరించాలని ప్రజల్ని అభ్యర్థించారు.
చిత్రం..తెనాలి బహిరంగ సభలో మాట్లాడుతున్న వైకాపా అధ్యక్షుడు జగన్
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.