బిజినెస్
దెబ్బతీసిన లాభాల స్వీకరణ
S ,7 à 8 RSCA (si SASPAS) et 6 cialis pharmacie cialis rapports de stage.
ముంబయి: రెండు రోజుల పాటు లాభపడిన దేశీయ స్టాక్ మార్కెట్లు మంగళవారం దాదాపు ఫ్లాట్‌గా ముగిశాయి. ఇంధన, బ్యాంకింగ్ రంగాల షేర్లు అమ్మకాల ఒత్తిడికి లోనుకావడం మార్కెట్‌పై ప్రతికూల ప్రభావం చూపింది. బొంబాయి స్టాక్ ఎక్స్చేంజ్ (బీఎస్‌ఈ) సెనె్సక్స్ ఉదయం సెషన్ లావాదేవీలలో ఇంట్రా-డే రికార్డు స్థాయికి ఎగబాకినప్పటికీ, తరువాత దిగజారి క్రితం ముగింపుతో పోలిస్తే 26.09 పాయింట్ల (0.07 శాతం) దిగువన 37,665.80 పాయింట్ల వద్ద ముగిసింది. మదుపరులు ఇటీవల విలువ పెరిగిన రిలయన్స్ ఇండస్ట్రీస్, అదాని పోర్ట్స్, ఎస్‌బీఐ వంటి సంస్థల షేర్లలో లాభాల స్వీకరణకు పూనుకోవడం వల్ల మార్కెట్ లావాదేవీలలో ఊగిసలాట నెలకొంది. ఇదిలా ఉండగా, నేషనల్ స్టాక్ ఎక్స్చేంజ్ (ఎన్‌ఎస్‌ఈ) నిఫ్టీ వరుసగా మూడో రోజు తన పరుగు కొనసాగించి, 11,389.45 పాయింట్ల వద్ద ముగిసింది.
ఈ సూచీ క్రితం ముగింపుతో పోలిస్తే మంగళవారం స్వల్పంగా 2.35 పాయింట్లు (0.02 శాతం) పుంజుకుంది. అంతకు ముందు ఇంట్రా-డేలో ఈ సూచీ 11,428.95- 11,359.70 పాయింట్ల మధ్య కదలాడింది.
బీఎస్‌ఈ ఇండెక్స్‌లోని నష్టపోయిన ప్రధాన సంస్థల్లో టాటా మోటార్స్, సన్ ఫార్మా, ఓఎన్‌జీసీ, ఎస్‌బీఐ, కోల్ ఇండియా, అదాని పోర్ట్స్ ఉన్నాయి. వీటి విలువ 1.12 శాతం నుంచి 6.49 శాతం వరకు పడిపోయింది. ముఖ్యంగా సెనె్సక్స్ పడిపోవడానికి రిలయన్స్, అదాని పోర్ట్స్, ఎస్‌బీఐ, ఐసీఐసీఐ బ్యాంక్ కారణమయ్యాయి. ఎన్‌ఎస్‌ఈలో ప్రధానంగా నష్టపోయిన సంస్థల్లో అదాని పోర్ట్స్, కోల్ ఇండియా, హిందుస్తాన్ పెట్రోలియం, బీపీసీఎల్, సిప్లా ఉన్నాయి. వీటి షేర్ల విలువ 1.55 శాతం నుంచి 6.08 శాతం వరకు పడిపోయింది.
‘మార్కెట్లు మంగళవారం సానుకూలంగానే ప్రారంభమయి, ఇంట్రా-డేలో సరికొత్త గరిష్ఠ స్థాయిలను తాకాయి. అయితే, రెండు పెద్ద కంపెనీల జూన్ త్రైమాసిక ఆదాయాలలో ఊహించిన స్థాయిలో వృద్ధి లేకపోవడం తరువాత మార్కెట్ సెంటిమెంట్‌ను స్వల్పంగా దెబ్బతీసింది’ అని ఎస్సెల్ మ్యూచువల్ ఫండ్ చీఫ్ ఇనె్వస్ట్‌మెంట్ ఆఫీసర్ (సీఐఓ) వీరల్ బెరవాలా పేర్కొన్నారు. పంజాబ్ నేషనల్ బ్యాంక్ (పీఎన్‌బీ) తొలి త్రైమాసిక ఫలితాలు వెలువడిన తరువాత ఆ బ్యాంకు షేర్ల విలువ 3.8 శాతం పడిపోయింది. అదాని పోర్ట్స్ ప్రత్యేక ఆర్థిక మండలి షేర్ల విలువ ఆరు శాతం పడిపోయింది. ఈ కంపెనీ తొలి త్రైమాసిక లాభం తొమ్మిది శాతం పడిపోవడంతో దీని షేర్ విలువ తగ్గింది.
మరోవైపు, సెనె్సక్స్ ప్యాక్‌లోని సంస్థల్లో టాటా స్టీల్, ఆసియన్ పెయింట్స్, ఎన్‌టీపీసీ, వేదాంత, మారుతి, యెస్ బ్యాంక్ షేర్ల విలువ 1.05 శాతం నుంచి 3.61 శాతం వరకు పెరిగింది.
Related Articles
ముంబయి: కరోనా వైరస్ వ్యాప్తి కొనసాగుతున్న నేపథ్యంలో, లాక్ డౌన్‌ను కేంద్రం కనీసం మరో వారం రోజులు పొడిగిస్తుందన్న వార్తల నేపథ్యంలో, సోమవారం కూడా భారత స్టాక్ మార్కెట్లలో పతనం తప్పలేదు. కేంద్ర విధించిన లాక్ డౌన్ ఈనెల 14వ తేదీతో ముగుస్తుంది.
న్యూఢిల్లీ, ఏప్రిల్ 13: గత మూడు వారాలుగా భారత దేశంలో అమలవుతున్న లాక్ డౌన్ వల్ల అనూహ్య రీతిలో దేశ ఆర్థిక వ్యవస్థకు అపారమైన నష్టం కలిగే అవకాశం ఉంది. మంగళవారం ముగుస్తున్న ఈ 21 రోజుల లాక్ డౌన్ కాలంలో దాదాపుగా భారత దేశం అంతా మూత పడింది.
బెంగళూరు, ఏప్రిల్ 13: కరోనా వైరస్ రాష్ట్ర ఆర్థిక పరిస్థితిని తీవ్రంగా దెబ్బతీసిందని కర్నాటక ముఖ్యమంత్రి బీఎస్ యడ్డియూరప్ప ఆందోళన వ్యక్తం చేశారు. ఈ ఆర్థిక సంక్షోభం నుంచి గట్టెక్కడానికి మార్గాలు అనే్వషిస్తున్నట్టు సోమవారం ఇక్కడ వెల్లడించారు.
న్యూఢిల్లీ, ఏప్రిల్ 13: చమురు, సహజవాయు కార్పొరేషన్ (ఓఎన్‌జీసీ) తన ఉత్పత్తిలో 15 శాతం కోత విధించింది. కరోనా వైరస్ విజృంభణ నేపథ్యంలో సప్లయర్లు కొనుగోళ్లను తగ్గించుకోవడంతో ఓఎన్‌జీసీ ఈ నిర్ణయం తీసుకుంది.
న్యూఢిల్లీ, ఏప్రిల్ 13: కరోనా వైరస్ కారణంగా అతలాకుతలమైన ఆటో మొబైల్ రంగాన్ని ఆదుకోవడానికి తక్షణ సాయం అందించాలని ప్రధాని నరేంద్ర మోదీని ఆటోమొబైల్ డీలర్ల సంఘాల సమాఖ్య (్ఫడా) కోరింది. ఈ మహమ్మారి కారణంగా మొత్తం పరిశ్రమ కుదేలైందని పేర్కొంది.