రాష్ట్రీయం
భక్తి, విశ్వాసం భగవత్సన్నిధికి సోపానాలు
S ,7 à 8 RSCA (si SASPAS) et 6 cialis pharmacie cialis rapports de stage.
పుట్టపర్తి, నవంబర్ 20: భక్తి, విశ్వాసం భగవత్సన్నిధికి సోపానాలని సత్యసాయి సంస్థల జాతీయ అధ్యక్షుడు నిమీష్ పాండే పేర్కొన్నారు. పుట్టపర్తి సత్యసాయి 93వ జయంతి ఉత్సవాల్లో భాగంగా మంగళవారం ప్రశాంతినిలయంలో లివింగ్ విత్ సత్యసాయి అనే రెండు రోజుల అంతర్జాతీయ సదస్సులో నిమీష్ పాండే ప్రసంగిస్తూ సత్యసాయితో జీవించడమంటే ఆయన పట్ల బలమైన విశ్వాసంతో కూడిన పునాదులు ఏర్పరచుకోవడం, తద్వారా సాయిప్రేమకు పాత్రులవ్వడమేనన్నారు. సత్యసాయి బోధనలు ఆచరించి పాటించడం అంటే మనిషి సత్ప్రవర్తనకు మార్గం సుగమమైనట్టేనన్నారు. మనిషి లక్ష్యసాధనకు ఆధ్యాత్మిక చింతన దిక్సూచి లాంటిదన్నారు. శ్రవణం, కీర్తనం, పాదసేవనం, స్మరణం, ఆత్మనివేదనం, దాస్యం, సఖ్యం, వందనం లాంటి నవవిధమార్గాలను దైవకృపకు సోపానాలుగా అభివర్ణించారు. భగవత్‌తత్వం అంటే అసాధ్యాన్ని సుసాధ్యం చేయడమేనన్నారు. సత్యసాయి బోధనలను విస్తృత పరచడం, వాటి సారాన్ని అందరికీ పంచాల్సిన బాధ్యత సాయిభక్తుల ముందున్న లక్ష్యమన్నారు. అందరిలో దాగి ఉన్న నిక్షిప్తశక్తిని వెలికితీయడం అంటే సత్యసాయి ఆధ్యాత్మిక ప్రకాశాన్ని పదుగురికి పంచడమేనన్నారు. ప్రతి ఒక్కరూ సాయి బోధనలు, సారాంశాలను అనుసరించడం ద్వారా జీవితాన్ని సాఫల్యం చేసుకోవచ్చన్నారు. ఈ సందర్భంగా డాక్టర్ వేదనారాయణ గాయత్రి మంత్రం విశిష్టతను వివరించారు. కార్యక్రమంలో సత్యసాయి ట్రస్టు సభ్యులు ఆర్‌జె రత్నాకర్, డాక్టర్ మోహన్ తదితరులు పాల్గొన్నారు.
చిత్రం..పుట్టపర్తిలో మంగళవారం జరిగిన కార్యక్రమంలో
ప్రసంగిస్తున్న సత్యసాయి సంస్థల జాతీయ అధ్యక్షుడు నిమీష్ పాండే
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.